சர்க்கரை நோயாளிகள் காலையில் சாப்பிட ஏற்ற சில தென்னிந்திய காலை உணவுகள்!

1. சோயா தோசை

உங்களுக்கு தோசை பிடிக்குமானால், வழக்கமான தோசைக்கு பதிலாக, சோயா தோசையை சாப்பிடலாம். வழக்கமான தோசையை விட சோயா தோசையில் புரோட்டீன்கள் அதிகமாகவும், கலோரிகள் மற்றும் கார்போஹைட்ரேட்டுகள் குறைவாகவும் உள்ளன. எனவே இது சர்க்கரை நோயாளிகளுக்கான ஒரு ஆரோக்கியமான காலை உணவாக இருக்கும். முக்கியமாக இந்த தோசை மிகவும் சுவையாக இருக்கும்.

2. ராகி ஊத்தாப்பம்

தென்னிந்தியாவில் ஊத்தாப்பம் மிகவும் பிரபலமான ஒரு உணவு. ஆனால் வழக்கமான ஊத்தாப்பதை விட ராகி ஊத்தாப்பம் சர்க்கரை நோயாளிகளுக்கு நல்லது. ஏனெனில் ராகியில் நார்ச்சத்து அதிகம் உள்ளது. இந்த ராகியுடன் விருப்பமான காய்கறிகளை சேர்த்து ஊத்தாப்பம் செய்தால், அது சர்க்கரை நோயாளிகளுக்கான ஒரு சிறந்த காலை உணவாக இருக்கும். வேண்டுமானால் ட்ரை செய்து பாருங்கள்.

3. வரகு உப்புமா

வரகு உப்புமாவில் நார்ச்சத்து அதிகம் உள்ளதால், இது சர்க்கரை நோயாளிகளுக்கான ஒரு அற்புதமான மற்றும் சுவையான காலை உணவாகும். வரகும் ராசியைப் போன்றது தான். ஆனால் இது ராகியை விட இன்னமும் ஆரோக்கியமானது மற்றும் கிளைசீமிக் இன்டெக்ஸ் குறைவானது. இதில் உள்ள அதிகப்படியான நார்ச்சத்து செரிமான செயல்முறையை சீராக்குவதோடு, இரத்த சர்க்கரை அளவையும் கட்டுப்பாட்டில் வைத்துக் கொள்ள உதவும்.

4. சன்னா சுண்டல்

வெள்ளை சன்னா என்று அழைக்கப்படும் வெள்ளை நிற சுண்டலானது சர்க்கரை நோயாளிகளுக்கான அற்புதமான உணவுப் பொருள். இதில் கிளைசீமிக் இன்டெக்ஸ் குறைவ என்பதால், சர்க்கரை நோயாளிகள் இதை தங்களின் உணவில் அடிக்கடி சேர்ப்பது நல்லது. ஆனால் ஒரு நாளைக்கு 1/2 கப்பிற்கு மேல் சாப்பிடக்கூடாது. இல்லாவிட்டால் அது நன்மைக்கு பதிலாக தீங்கை விளைவிக்கும்.

காலை வேளையில் தோசை, ஊத்தாப்பம், இட்லி சாப்பிட்டு போரடித்திருந்தால், வெள்ளை சுண்டலை இரவே ஊற வைத்து, மறுநாள் காலையில் அதை வேக வைத்து, வெங்காயம் போட்டு தாளித்து சாப்பிடலாம்.

5. கோதுமை தோசை

கோதுமையில் கிளைசீமிக் இன்டெக்ஸ் குறைவு. எனவே சர்க்கரை நோயாளிகள் கோதுமை தோசையை செய்து காலை வேளையில் சாப்பிடலாம். முக்கியமாக இந்த கோதுமை தோசை செய்வது மிகவும் சுலபம். இதை நொதிக்க வைக்க வேண்டிய அவசியமில்லை. வீட்டில் கோதுமை மாவு இருந்தால், அதில் நீரை ஊற்றி, சுவைக்கேற்ப உப்பு சேர்த்து, தோசை மாவு பதத்திற்கு கலந்து, உடனே தோசையாக சுட்டு சாப்பிடலாம்.

6. ராகி களி

ராகியில் கிளைசீமிக் இன்டெக்ஸ் குறைவு மற்றும் நார்ச்சத்து அதிகம் என்பதால் சர்க்கரை நோயாளிகள் தங்களின் காலை உணவாக ராகியை சேர்ப்பது நல்லது. உங்களுக்கு ராகி தோசை சாப்பிட பிடிக்காவிட்டால், ராகி மாவு இருந்தால், அதை நீரில் கரைத்து, ஒரு வாணலியில் ஊற்றி, அடுப்பில் வைத்து, கெட்டியாகும் வரை கிளறி இறக்கினால், சுவையான ராகி களி தயார். இந்த ராகி களி சுண்டல் குழம்பு, கறிக் குழம்பு ஆகியவற்றுடன் சேர்த்து சாப்பிட அற்புதமாக இருக்கும்.

7. ஓட்ஸ் இட்லி

தற்போது ஓட்ஸ் மக்களிடையே பிரபலமான ஓர் உணவுப் பொருளாக உள்ளது. குறிப்பாக உடல் எடையைக் குறைக்க நினைப்போர், தங்களின் உணவில் ஓட்ஸை அதிகம் சேர்த்து வருகிறார்கள். ஆனால் சர்க்கரை நோயாளிகளும் ஓட்ஸை உணவில் சேர்க்கலாம். அதுவும் காலை உணவின் போது வழக்கமான இட்லியை சாப்பிடுவதற்கு பதிலா, ஒட்ஸ் மற்றும் சில காய்கறிகளைக் கொண்டு ஓட்ஸ் இட்லி தயாரித்து சாப்பிடலாம்.

8. பச்சை பயறு தோசை

சர்க்கரை நோயாளிகள் சாப்பிட ஏற்ற ஆரோக்கியமான காலை உணவுகளின் பட்டியலில் பச்சை பயறு தோசையும் அடங்கும். இந்த தோசையில் புரோட்டீன் ஏராளமான அளவில் உள்ளன மற்றும் இது உடலின் ஒட்டுமொத்த செயல்பாட்டிற்கும் மிகவும் உதவியாக இருக்கும்.