நீரிழிவு நோயை பற்றிய 10 வதந்திகள்!!!

அதிக எடை உள்ளவர்களே நீரிழிவு நோயாளிகள்

அதிக எடை உள்ளவர்களுக்கே நீரிழிவு நோய் வரும் என பெரும்பாலும் நம்பப்படுகிறது. ஆனால் உண்மை என்னவென்றால்,இன்சுலின் குறைவால், உடல் பருமனான மக்களுக்கு நீரிழிவு நோய் வருகிறது. ஆனால் உடல் பருமனான அனைவருக்கும் நீரிழிவு நோய் வரும் என்பது இல்லை. ஒல்லியான மக்கள் கூட, சில நேரங்களில் சிகிச்சை எடுத்து கொண்டிருப்பார்.

பழங்களை தவிர்க்கவும்

நீரிழிவு நோயைப் பற்றி பலவிதமான வதந்திகள் உலவினாலும், அதில் மிகவும் முக்கியமானது; பழங்களில் கார்போஹைட்ரேட் அதிகமாக இருப்பதால் அதை தவிர்க்க வேண்டும் என்பதே ஆகும். பொதுவாக இஇரத்தத்தில் சர்க்கரையின் அளவு குறைவதும், கூடுவதும் க்ளைசீமிக் இன்டெக்ஸின் அளவை பொறுத்தது. பழங்களில் குறைந்த அளவில் கிளைசீமிக் இன்டெக்ஸ் அடங்கி உள்ளது. இதன் மூலம் நீரிழிவு நோயைப் பற்றி அறியலாம்.

அதிக அளவிலான கடின உழைப்பு கூடாது

நீரிழிவு நோயை பற்றியான வதந்திகளில், இதுவும் முக்கியமான ஒன்று. ஆனால் இது உண்மையல்ல. அதிக அளவில் உடற்பயிற்சிகளை மேற்கொண்டால், காற்றில்லா நிலை ஏற்பட்டு இரத்தத்தில் சக்கரையின் அளவு அதிகரிக்கும். இதனால் உடற்பயிற்சி செய்யும் போது, இதயத்துடிப்பை அளக்கும் மானிட்டரை அணிந்து கொண்டு, அதன் அளவை பரிசோதித்துக் கொண்டு, உடற்பயிற்சிகளை மேற்கொள்ள வேண்டும்.

உடற்பயிற்சி செய்யக்கூடாது

நீரிழிவு நோய் மற்றும் அதற்கான உணவு முறைகள் பற்றிய வதந்திகளில் இதுவும் ஒன்று. ஆனால் உண்மையில் கண்டிப்பாக உடற்பயிற்சி செய்ய வேண்டும். ஏரோபிக் செய்வதன் மூலம், உடலை கட்டுடன் வைப்பதோடு, எடையையும் குறைக்கலாம். மேலும் இரத்தத்தில் உள்ள சர்க்கரை அளவையும் கட்டுபாட்டோடு வைக்க முடியும்.

சர்க்கரை இல்லாத உணவுகள்

உங்களுக்கு சர்க்கரை இருந்தால் நீங்கள் இனிப்பு இல்லாத அல்லது இனிப்பின் அளவு குறைவாக உள்ள பிஸ்கட், குக்கீஸ் மற்றும் ஸ்வீட்ஸ் போன்றவற்றை உட்கொள்வீர். இதுவும் நீரிழிவுக்கு எதிரான 10 வதந்திகளில் அனைவரும் நம்பக்கூடிய ஒன்று. ஆனால் இது உண்மையல்ல. அந்த உணவுகளில் இனிப்பு இல்லாமல் இருக்குமே தவிர, கார்போஹைட்ரேட் அளவு இல்லாமல் போகாது. ஒரு வேளை, அந்த உணவில் கார்போஹைட்ரேட் அதிக அளவில் இருந்தால், இரத்தத்தில் சர்க்கரை அளவு அதிகரிக்கும்.

இன்சுலின் ஊசிகள் அவசியம்

நீரிழிவு நோய்க்கு இன்சுலின் ஊசிகள் அவசியம் என வதந்திகள் உள்ளன. ஆனால் இந்த வதந்தியில், ஒரு வகை உண்மை உண்டு. போதிய ஹார்மோன் உற்பத்தி செய்ய இயலாத முதல் வகை பிரிவு சர்க்கரை நோய்க்கு இன்சுலின் ஊசி அவசியமாகும். இரண்டாவது வகைக்கு மாத்திரைகள் போதுமானது.

நீரிழிவு என்பது கடுமையான நிலை அல்ல

நீரிழிவு நோய் என்பது எளிதாக கருதக்கூடிய நோய் அல்ல. புறக்கணித்து அலட்சியம் செய்யகூடியது அல்ல. நீரிழிவு கடுமையான நோய் அல்ல என்பதும் 10 வகையான வதந்திகளில் ஒன்று. நீரிழிவு நோய் கண்டறியப்படாமல் இருந்தால், அது உள்ளிருந்து உங்களை கொன்று விடும். இது உங்கள் உடலில் உள்ள நோய் எதிர்ப்பு சக்தியை பாதித்து விடும். இந்நோயானது சிறுநீரகம் மற்றும் பல முக்கிய உறுப்புகளையும் பாதித்து விடும்.

மருந்துகளே போதுமானது

விரும்பியவற்றை சாப்பிட்டுக் கொண்டு, மருந்துகளை மட்டும் எடுத்துக் கொண்டால் போதுமானது என கருதுவது, 10 தவறான வதந்திகளில் ஒன்றாகும். மருந்துகளை எடுத்துக் கொள்ளவதோடு மட்டுமில்லாமல், கார்போஹைட்ரேட் அளவையும் இந்த நோய்க்கு கட்டுப்பாட்டிற்குள் வைக்க வேண்டும்.

இன்சுலின் சிக்கல்களைத் தோற்றுவிக்கும்

இன்சுலின் தீங்கு இழைக்கக் கூடியது என்பது மற்றொரு வகையான வதந்தி உள்ளது. ஆனால் உண்மையில் இன்சுலின் இரத்தத்தில் சர்க்கரை அளவை கட்டுப்பாடாக வைக்க உதவும் பாதுகாப்பான ஹார்மோன்.

இரண்டாம் வகை முதல் வகை அளவிற்கு கொடியது அல்ல

இரண்டு வகைகளும், கட்டுப்படுத்தாமல் விட்டு விட்டால், மிகப் பெரிய பாதிப்புகளையும், சிக்கல்களையும் ஏற்படுத்திவிடும். இரண்டு வகைகளுக்குமே ஆரோக்கியமான வாழ்க்கை முறையை பின்பற்ற வேண்டும். ஆனால் வெவ்வேறான மருத்துவ முறைகளை கையாள வேண்டும்.