இனிப்பின் மீதுள்ள தீவிரமான ஆவலை கட்டுப்படுத்த சில டிப்ஸ்...

குறைவாக சாப்பிடுங்கள்

பிஸ்கட் ஆகட்டும் அல்லது சாக்லெட் ஆகட்டும், நீங்கள் எந்தளவுக்கு ஏங்குகிறீர்களோ அதனை விட குறைவாக உண்ணுங்கள். உங்கள் இரத்தத்தில் உள்ள சர்க்கரை இயல்பான அளவில் இருக்க வேண்டுமானால் குறைவாக உண்ணுங்கள். இவ்வகை பண்டங்களை நாள் முழுவதும் குறைச்சலாகவே எடுத்துக் கொள்ளுங்கள். இனிப்பின் மேல் உள்ள ஆவலை கட்டுப்படுத்த பெரிய இனிப்பு பண்டங்களுக்கு பதில் சிறிய சாக்லெட் ஒன்றை உண்ணுங்கள். இனிப்பின் மேல் உள்ள தீவிரமான நாட்டத்தை கட்டுப்படுத்த வேண்டுமானால் உங்களுக்கு பிடித்த இனிப்பு பண்டத்தை குறைவாக எடுத்துக் கொண்டால், நாளடைவில் இனிப்பு மீதான இந்த வெறித்தனமான பற்று குறையத் தொடங்கும்.

க்ளைசீமிக் இன்டெக்ஸ் உள்ள உணவுகளை தேர்ந்தெடுங்கள்

சர்க்கரையின் மீதான நாட்டத்தை கட்டுப்படுத்த உங்களுக்காக இன்னொரு டிப்ஸ் - க்ளைசீமிக் இன்டெக்ஸ் உள்ள உணவுகளை உண்ணுங்கள். இது உங்கள் உடலில் ஆற்றல் திறனை நாள் முழுவதும் மெதுவாக அதிகரிக்கும். அதனால் நீங்கள் திடீரென வீழ்ச்சி அடையமாட்டீர்கள். இனிப்பு பண்டங்களின் மேல் உள்ள அதீத நாட்டத்தை குறைக்க நட்ஸ், பழுப்பு நிற சாதம், ஸ்டார்ச் இல்லாத காய்கறிகள், பயறு வகைகள் மற்றும் ஓட்ஸ் போன்ற க்ளைசீமிக் இன்டெக்ஸ் அடங்கிய உணவுகளை உண்ணுங்கள்.

வென்னிலா நறுமணம் கை கொடுக்கும்

சர்க்கரை பொருட்களின் மீதுள்ள நாட்டத்தை குறைக்க முடியவில்லையா? அப்படியானால் வென்னிலா நறுமணம் கொண்ட திரவியத்தை கொஞ்சம் தூவி விடுங்கள். சர்க்கரை மீதுள்ள அதீத ஆவலை கட்டுப்படுத்த காற்று நறுமணம் (ஏர் ப்ரெஷ்னெர்) அல்லது வென்னிலா நறுமணம் கலந்த மெழுகுவர்த்தியை ஏற்றுங்கள். சர்க்கரையின் மீதான உங்களின் ஏக்கத்தை வென்னிலா நறுமணம் கடுமையாக கட்டுப்படுத்திவிடும்.

சந்தோஷத்தின் அளவை அதிகரியுங்கள்

உங்கள் மூளையில் செரோடோனின் என்ற சந்தோஷ ஹார்மோனை சுரக்க வைப்பது தான் கார்போஹைட்ரேட்டின் வேலையாகும். அதனால் தான் மன அழுத்தம் ஏற்படும் வேளையில் சர்க்கரைக்காகவும். இனிப்பு பண்டங்களுக்காகவும் நாம் அதிகமாக ஏங்குகிறோம். இப்படிப்பட்ட தீவிரமான ஆவலை கட்டுப்படுத்த நெரொலி அல்லது எலுமிச்சை கலந்த அதிமுக்கிய எண்ணெய்யை பயன்படுத்தலாம். இது உங்கள் மனநிலையை சந்தோஷமாக வைத்திருக்கும். இதற்கு இன்னொரு வழியும் கூட உள்ளது; உங்கள் காதலனை கூப்பிட்டு உங்களை கட்டி அணைத்துக் கொள்ளச் சொல்லுங்கள் அல்லது உங்களை சந்தோஷப் படுத்தும் வகையான நடவடிக்கையில் ஈடுபட சொல்லுங்கள்.

தூண்டுதலாக இருக்கும் காரணங்களை கண்டறியுங்கள்

சர்க்கரை மீதுள்ள அதீத நாட்டத்தை குறைக்க அல்லது கட்டுப்படுத்த எவ்வகை தூண்டுதலுக்கும் விழுந்து விடாதீர்கள். எந்த சூழலில் உங்களுக்கு இந்த உணர்வு ஏற்படுகிறது என்பதை முதலில் கண்டறியுங்கள். பின் அவைகளை தவிர்த்திடுங்கள். உதாரணத்திற்கு, உங்கள் அலுவலகத்துக்கு செல்லும் பாதையில் காபி கடை வருவதால் அதனை குடிக்கும் ஆவல் ஏற்பட்டால், வேறு பாதையில் அலுவலகத்திற்கு செல்லுங்கள். இதனால் இவ்வகை ஆவலை நீங்கள் கட்டுப்படுத்தலாம்.

சூயிங் கம்மை மெல்லுங்கள்

இனிப்புக்காக ஏங்கும் பழக்கத்தை முழுவதுமாக நிறுத்தாமல் அதனை கட்டுப்படுத்த மட்டும் வேண்டுமா? அப்படியானால் சூயிங் கம் மெல்லும் பழக்கத்தை மேற்கொள்ளுங்கள். சூயிங் கம்மை மெல்லுவதால் இனிப்புகளின் மேல் உங்களுக்கு இருக்கும் அதீத ஏக்கம் குறையும் என்பது பொதுவாக அனைவருக்கும் தெரிந்தது தான்.

மேற்கூறிய சில வழிகளே இனிப்புகளின் மேல் உங்களுக்கு இருக்கும் அதீத ஆவலை கட்டுப்படுத்துவதற்கான வழிகளாகும். இதனை பின்பற்றினால் இப்பழக்கத்திற்கு அடிமையாகாமல் சர்க்கரை நோய் வராமல் ஆரோக்கியமாக வாழலாம்.