உங்கள் உதடுகளில் கரும் புள்ளிகள் வருவதற்கான காரணம் என்ன தெரியுமா? இது ரொம்ப ஆபத்தா கூட இருக்கலாமாம்...!

நம் தோல் மற்றும் முடியைப் போலவே, உதடுகளுக்கும் சில கவனிப்புகள் தேவை. நம் உடலில் மற்ற சருமத்துடன் ஒப்பிடும்போது உதடுகளில் உள்ள தோல் மெல்லியதாக இருக்கிறது மற்றும் வியர்வை சுரப்பிகள் கூட உதடுகளில் இல்லை. இதன் பொருள் நமது உதடுகள் வறட்சி மற்றும் வெடிப்புக்கு ஆளாகின்றன.

அதுமட்டுமின்றி, சிலர் தங்கள் உதடுகளில் கருப்பு அல்லது கருமையான புள்ளிகளை கூட காணலாம். இது நிறமியின் காரணமாக இருக்கலாம் என்று நீங்கள் நினைக்கலாம், ஆனால் இது மட்டுமே உதடுகள் கருமையடைய காரணம் அல்ல. உதடுகளில் கரும்புள்ளிகள் ஏற்படுவதற்கான சாத்தியமான காரணங்கள் மற்றும் அவற்றை எவ்வாறு அகற்றுவது என்பதை இந்த பதிவில் தெரிந்து கொள்ளலாம்.

ஓரல் மெலனோமா

தோல் புற்றுநோய், அல்லது ஓரல் மெலனோமா, புற்றுநோயின் ஒரு ஆபத்தான வடிவமாகும், மேலும் பொதுவாக நிறம், வடிவம் அல்லது அளவு மாறக்கூடிய சிறிய கருப்பு அல்லது பழுப்பு நிற புள்ளியாக தோன்றும்.

ஹைப்பர் பிக்மென்டேஷன்

இது உதடுகள் உட்பட எங்கும் தோன்றும். கர்ப்பம், காயங்கள், பூச்சி கடித்தால் உடலில் ஏற்படும் ஹார்மோன் மாற்றங்கள், பருக்கள், கடுமையான தோல் பராமரிப்பு பொருட்கள் போன்றவை ஹைப்பர் பிக்மென்டேஷனுக்கு பல காரணங்கள் உள்ளன.

ஹைப்பர் பிக்மென்டேஷனின் அபாயத்தைக் குறைக்க, நீங்கள் சூரிய ஒளியில் லிப் பால்ம் அணியலாம். இது தவிர, தோல் மருத்துவர் உதட்டில் உள்ள கரும்புள்ளிகளை குறைக்க உதவும் அசெலிக் அமிலம், ட்ரெட்டினோயின், கோஜிக் அமிலம் மற்றும் ஹைட்ரோகுவினோன் ஆகியவற்றை பரிந்துரைக்கலாம்.

அலர்ஜிகள்

நீங்கள் பயன்படுத்தும் புதிய ப்ராடக்டுகள் ஒவ்வாமை காரணமாக உதடுகளில் கருப்பு புள்ளிகள் தோன்றும். இந்த நிலை ஒவ்வாமை தொடர்பு சீலிடிஸ் அல்லது நிறமி தொடர்பு சீலிடிஸ் என்றும் அழைக்கப்படுகிறது. பற்பசை, மவுத்வாஷ், ஹேர் டை, நறுமணம், உதட்டுச்சாயம், லிப் பாம், சுவையூட்டிகள் மற்றும் க்ரீன் டீயில் உள்ள நிக்கல் போன்றவையும் இதற்குக் காரணமாக இருக்கலாம்.

ஃபோர்டைஸின் ஆஞ்சியோகெராடோமா

பொதுவாக தோல் நுண்குழாய்கள் விரிவடைவதால் ஏற்படும் இந்த திட்டுகள் பொதுவாக அடர் சிவப்பு, கருப்பு, சிவப்பு நீலம் அல்லது ஊதா நிறத்தில் இருக்கும். அவை மற்ற தோல் பகுதிகளிலும் தோன்றக்கூடும். சிகிச்சையளிக்கப்படாவிட்டால், அவை மருக்கள் போன்ற தோற்றத்தை உருவாக்குகின்றன மற்றும் அரிதான சந்தர்பங்களில் இரத்தப்போக்கு, இரத்த உறைவு, வலி மற்றும் / அல்லது வீக்கம் ஏற்படலாம்.

ஹீமோக்ரோமாடோசிஸ் அல்லது அதிக இரும்பு

உடல் அதிக இரும்புச் சத்தை சேமித்து உறிஞ்சும் போது, சருமத்தில் கரும்புள்ளிகள், சோர்வு, கல்லீரல் பிரச்சனைகள் மற்றும் வலி போன்ற பிரச்சனைகளை ஏற்படுத்துகிறது. உடலில் இரும்பின் அளவைக் குறைக்க, மருத்துவர் உங்களுக்கு மருந்துகளைக் கொடுப்பார் மற்றும் இரும்புச் சத்துக்களை உட்கொள்வதை நிறுத்தச் சொல்வார்.

நீரிழப்பு

நீங்கள் நீரிழப்புடன் இருந்தால், அதன் அறிகுறிகள் முதலில் உங்கள் தோல் மற்றும் உதடுகளில் தோன்றும். வறண்ட மற்றும் வெடித்த உதடுகள் பல சிக்கல்களை உருவாக்கலாம். இது பிந்தைய அழற்சியின் ஹைப்பர் பிக்மென்டேஷன் மற்றும் கருப்பு மற்றும் கருமையான புள்ளிகளுக்கு வழிவகுக்கிறது.

சான் ஸ்பாட்ஸ்

ஆக்டினிக் கெரடோசிஸ் என்றும் அழைக்கப்படுகிறது, இந்த புள்ளிகள் சூரிய ஒளி மற்றும் புற ஊதா கதிர்களால் ஏற்படும் சேதத்திலிருந்து எழுகின்றன. இதற்கு மருத்துவ வழிகாட்டுதல்கள் ஏற்படலாம்.

வைட்டமின் பி12 குறைபாடு

வைட்டமின் பி12 இல்லாததால் சருமம் கருமையாகிவிடும். இது இரத்த சோகை மற்றும் வாயில் புண்கள், எரிச்சல், சிவப்பு நாக்கு, புண் நாக்கு, தோலில் மஞ்சள் நிறம், முதலியன போன்ற பிற அறிகுறிகளையும் குறிக்கலாம். சிகிச்சையானது மல்டிவைட்டமின்கள் மற்றும் வைட்டமின் நிறைந்த உணவுகளை சாப்பிடுவது. சில கடுமையான குறைபாடுகளில், வாராந்திர ஊசி பரிந்துரைக்கப்படலாம்.

புகைபிடித்தல்

புகைபிடித்தல் உதடுகளில் கரும்புள்ளிகளை ஏற்படுத்துகிறது, மேலும் புகைபிடிப்பதை நிறுத்தி, சருமம் குணமடைய சிறிது நேரம் கொடுப்பதே இதற்கு ஒரே தீர்வு.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.