நாள் பூரா... விளையாடிட்டு வர்ற குழந்தைக்கு இந்த ட்ரீட்மெண்ட் கொடுங்க!

பால் மற்றும் மஞ்சள் :

மஞ்சளில் பால் சேர்த்து பேஸ்ட்டாக கலந்து கொள்ளுங்கள், அதனை குழந்தையின் முகம், கை,கால்களில் தடவி காய்ந்தது கழுவிவிடலாம். இவை சருமத்தில் தொற்று ஏற்படாமல் காப்பதுடன், வெயிலினால் ஏற்படும் கருமையை நீக்கும்.

ஓட்ஸ் மிக்சர் :

ஓட்ஸ் அத்துடன் மூன்று டீஸ்ப்பூன் தக்காளிப்பழச்சாறு ஒரு டீஸ்ப்பூன் தயிர் சேர்த்து நன்றாக கலந்து கொள்ளுங்கள். இந்தக் கலவையை குழந்தையின் முகத்தில் தடவுங்கள். சருமம் ஆரோக்கியமாக இருக்கும்.

கெமிக்கல் :

குழந்தைகளின் சருமத்தில் கெமிக்கல் க்ரீம்,லோஷன் போன்றவற்றை தடவாதீர்கள். சிராய்ப்பு, அரிப்பு போன்ற தொல்லை இருந்தால் ஆலிவ் வேரா ஜெல் தடவலாம்.

தேங்காய் எண்ணெய் :

சிறந்த மாய்சரைசராக செயல்படும் தேங்காய் எண்ணெயை குழந்தையின் சருமத்தில் தடவி லேசாக மசாஜ் செய்திடுங்கள். இதனால் குழந்தையின் தசை மற்றும் எலும்புகள் வலுவடையும்.

உணவுகள் :

ஆரோக்கியமான உணவுகளை குழந்தைகளுக்கு கொடுங்கள். பச்சைக் காய்கறிகறிகள், பழங்கள் போன்றவற்றை அதிகம் எடுத்துக் கொள்ளலாம். பழங்களில் இருக்கும் ஆன்ட்டி ஆக்ஸிடண்ட் குழந்தையின் செயல்திறனை அதிகரிக்கும் அத்துடன் சருமத்தையும் ஆரோக்கியமாக வைத்திருக்க உதவும்.

பீட்ரூட் :

வெயில் விளையாடிவிட்டு முகமெல்லாம் கருத்துப்போய் வரும் குழந்தைகளுக்கு இதனை செய்யலாம். பீட்ரூட்டை சாறு எடுத்துக் கொள்ளுங்கள். அதனுடன் ஒரு ஸ்பூன் மஞ்சளை கலந்து முகம் மற்றும் கையில் தடவுங்கள். இருபது நிமிடங்களில் கழுவிவிடலாம்.

கொண்டக்கடலை :

ஒரு கைப்பிடியளவு கொண்டக்கடலையை அரைத்து பொடியாக்கிக்கொள்ளுங்கள். அத்துடன் பயித்தம் மாவு, இரண்டு டீஸ்ப்பூன் பால் சேர்த்து சருமத்தில் தடவினால் நல்ல பலன் கிடைக்கும். இதனைத் தொடர்ந்து செய்தால் சருமத்தில் தேவையற்ற முடி வளர்வது தவிர்க்கப்படும்.

தண்ணீர் :

குழந்தையை அடிக்கடி தண்ணீர் குடிக்கச்செய்திடுங்கள். அதிகப்படியான தண்ணீர் குடித்தால் தான் உடல் நீர்சத்துடன் இருக்கும். உடலிலிருக்கும் நச்சுக்கள் விரைவாக வெளியேறவும் வழிவகுக்கும். உடல் ஆரோக்கியமாக இருந்தால் சருமமும் ஆரோக்கியத்துடன் காணப்படும்.

புதினா :

புதினா இலைகளை கசக்கி சாறு எடுத்து அதனை குழந்தையின் முகத்தில் தடவலாம். இதனால் குழந்தையின் சருமத்தில் வரும் அலர்ஜிகள் தவிர்க்கப்படும்.