இந்த ஒரு ஃபேஸ் பேக் 20 நிமிடத்தில் உங்களை வெள்ளையாக்கும் தெரியுமா?

சரும நிறத்தை அதிகரிக்கும் பீட்ரூட் ஃபேஸ் பேக்

செய்முறை #1

முதலில் காய்ச்சாத பாலால் முகத்தை சுத்தம் செய்ய வேண்டும். அதற்கு காட்டனை பாலில் நனைத்து முகம் மற்றும் கழுத்துப் பகுதியில் தடவி 1-2 நிமிடம் மசாஜ் செய்து, பின் நன்கு காய்ந்த பின் நீரில் கழுவ வேண்டும். இச்செயலால் முகத்தில் உள்ள அதிகப்படியான எண்ணெய் மற்றும் அழுக்குகள் வெளியேறும்.

செய்முறை #2

பின்பு பீட்ரூட்டை சிறிது துருவிக் கொண்டு, வடிகட்டி பயன்படுத்தி, அதில் உள்ள சாற்றினை ஒரு பௌலில் எடுத்துக் கொள்ள வேண்டும். பின் அத்துடன் 1 டேபிள் ஸ்பூன் தயிர், கிளிசரின், கற்றாழை ஜெல், எலுமிச்சை சாறு மற்றும் 1/2 டேபிள் ஸ்பூன் சந்தனப் பவுடர் சேர்த்து நன்கு கலந்து பேஸ்ட் செய்து கொள்ள வேண்டும்.

செய்முறை #3

பின் தயாரித்து வைத்துள்ள மாஸ்க்கை முகத்தில் தடவி 20-25 நிமிடம் நன்கு காய வைத்து, பின் குளிர்ந்த நீரால் முகத்தைக் கழுவ வேண்டும்.

செய்முறை #4

பிறகு எஞ்சிய துருவிய பீட்ரூட்டை முகத்தில் தடவி நன்கு காய்ந்த பின் கழுவ வேண்டும். இதனால் சருமத்தின் பொலிவு சற்று அதிகரித்திருப்பதோடு, மாய்ஸ்சுரைசர் பயன்படுத்தியது போன்றும் சருமம் இருக்கும்.

இளமையை நீட்டிக்கும் பீட்ரூட் ஜூஸ்

செய்முறை #1

முதலில் 2 கேரட், 1 துண்டு இஞ்சி, 1 பீட்ரூட் மற்றும் 100 மிலி தண்ணீர் எடுத்து, தோலுரித்து துண்டுகளாக்கி மிக்ஸியில் போட்டு நன்கு அரைத்து, வடிகட்டி சாறு எடுத்துக் கொள்ள வேண்டும்.

செய்முறை #2

பின் அதில் 1/2 டேபிள் ஸ்பூன் மிளகுத் தூள், 1/2 டேபிள் ஸ்பூன் சீரகப் பொடி, 1 சிட்டிகை உப்பு, 2 டேபிள் ஸ்பூன் எலுமிச்சை சாறு சேர்த்து கலந்தால், இளமையை நீட்டிக்கும் பீட்ரூட் ஜூஸ் ரெடி!

குடிக்கும் முறை:

இந்த பீட்ரூட் ஜூஸை ஒருவர் தினமும் குடித்து வந்தால், அதில் உள்ள ஆன்டி-ஆக்ஸிடன்ட்டுகள், சருமத்தை இளமையுடனும், புத்துணர்ச்சியுடனும், மென்மையாகவும் வைத்துக் கொள்ள உதவும்.