முகம் பளிச் பளிச் என மின்னிட இதோ இருக்கு கிவி!!

#1 கிவி மற்றும் யோகார்ட் பேஸ் மாஸ்க் :

கிவி மற்றும் யோகார்ட் உங்கள் முகப் பொலிவிற்கு சிறந்த ஒன்றாகும். கிவியில் உள்ள லாக்டிக் அமிலம் இயற்கையாகவே உங்கள் சருமத்தை பொலிவாக்குகிறது. மேலும் முகத்தில் உள்ள கரும்புள்ளிகளை மறையச் செய்கிறது.

செய்முறை :

பாதி கிவி பழத்தை எடுத்து நன்றாக பேஸ்ட் மாதிரி பிசைந்து கொள்ளவும்.

இதனுடன் 2 டேபிள் ஸ்பூன் யோகார்ட் மற்றும் 1 டேபிள் ஸ்பூன் ஆலிவ் ஆயில் கலந்து முகத்தில் மாஸ்க் போட்டு சிறிது நேரம் கழித்து குளிர்ந்த நீரில் கழுவவும்.

#2 கிவி மற்றும் ஆப்பிள் பேஸ் மாஸ்க் :

இந்த பேஸ் மாஸ்க் வறண்ட மற்றும் பொலிவற்ற முகத்திற்கு உகந்தது. இந்த பேஸ் மாஸ்க் உங்கள் சருமத்தில் உள்ள கொலாஜனை அதிகப்படுத்தி ஜொலிக்கும் முகத்தை தருகிறது.

செய்முறை :

பாதி கிவி பழம் மற்றும் பாதி ஆப்பிள் பழத்தை மிக்ஸியில் போட்டு பேஸ்ட் மாதிரி அரைத்துக் கொள்ளவும்.

இதனுடன் 1 டேபிள் ஸ்பூன் லெமன் ஜூஸ் மற்றும் 1 டேபிள் ஸ்பூன் ஆலிவ் ஆயில் சேர்த்து முகத்தில் தடவவும்.

20 நிமிடங்கள் கழித்து குளிர்ந்த நீரில் கழுவ வேண்டும்.

#3 கிவி மற்றும் பாதாம் பேஸ் மாஸ்க் :

கிவி பழத்தில் உள்ள விட்டமின் சி யும் பாதாம் பருப்பில் உள்ள சத்துக்களும் உங்கள் முகத்தை ஆரோக்கியமாக மாற்றுகின்றன.

செய்முறை :

6-8 பாதாம் பருப்புகளை எடுத்து தண்ணீரில் ஊற வைத்துக் கொள்ள வேண்டும்.

ஊற வைத்த பருப்பை மி"ில் போட்டு பேஸ்ட் மாதிரி அரைத்துக் கொள்ளவும்.

இதனுடன் கிவி பேஸ்ட்டை கலந்து முகத்தில் தடவி சிறிது நேரம் கழித்து குளிர்ந்த நீரில் கழுவ வேண்டும்.

#4 கிவி மற்றும் வாழைப்பழம் பேஸ் மாஸ்க் :

இந்த பேஸ் மாஸ்க் பருக்கள் மற்றும் எண்ணெய் பசையுள்ள முகத்திற்கு ஏற்றது.

செய்முறை :

பாதி கிவி மற்றும் பாதி வாழைப்பழத்தை பேஸ்ட் மாதிரி செய்து கொள்ளவும்.

இதனுடன் யோகார்ட் கலந்து முகத்தில் தடவி 15 நிமிடங்கள் கழித்து வெதுவெதுப்பான நீரில் கழுவவும்.

#5 கிவி மற்றும் தேன் பேஸ் மாஸ்க் :

இந்த பேஸ் மாஸ்க் வறண்ட ஈரப்பதம் இல்லாத சருமத்திற்கு ஏற்றது. கிவியில் உள்ள விட்டமின்கள் மற்றும் புரோட்டீன்கள் சருமத்தின் கொலாஜனை அதிகரிக்கிறது. தேன் சருமத்திற்கு போதுமான ஈரப்பதத்தை தருகிறது.

செய்முறை :

பாதி கிவி பழத்துடன் தேன் கலந்து பேஸ்ட் செய்து முகத்தில் தடவி சிறிது நேரம் கழித்து வெதுவெதுப்பான நீரில் கழுவினால் முகம் ஜொலி ஜொலிக்கும்.

#6 கிவி மற்றும் அவகேடா பேஸ் மாஸ்க் :

கிவி மற்றும் அவகேடாவில் விட்டமின் ஏ, சி மற்றும் ஈ உள்ளது. இந்த சத்துக்கள் முகத்தை அழகாக்கும்.

செய்முறை :

அவகேடாவை நன்றாக பிசைந்து அதனுடன் பாதி கிவி பழத்தை சேர்த்துக் கொள்ளவும்.

அதனுடன் 1 டேபிள் ஸ்பூன் யோகார்ட், 1 டேபிள் ஸ்பூன் தேன் மற்றும் 2 டேபிள் ஸ்பூன் லெமன் ஜூஸ் சேர்த்து முகத்தில் மாஸ்க் போட்டு கொள்ளவும்.

சிறிது நேரம் கழித்து குளிர்ந்த நீரில் கழுவவும்.

#7 கிவி மற்றும் ஓட்ஸ் பேஸ் மாஸ்க் :

இந்த வகை பேஸ் மாஸ்க் வறண்ட முகத்திற்கு ஏற்றது.

செய்முறை:

ஒரு கிவி பழத்தை எடுத்து நன்றாக பிசைந்து கொள்ளவும்.

அதனுடன் 2-3 டேபிள் ஸ்பூன் ஓட்ஸ் சேர்த்து முகத்தில் தடவி வட்டமான இயக்கத்தில் மசாஜ் செய்ய வேண்டும்.

20 நிமிடங்கள் கழித்து நீரில் கழுவினால் நல்ல பலனை காணலாம்.

#8 கிவி மற்றும் ஆலிவ் ஆயில் பேஸ் மாஸ்க் :

இது எண்ணெய் பசையுள்ள சருமத்திற்கு உகந்தது. சருமத்தில் படிந்துள்ள எண்ணெய் பசையை நீக்குகிறது.

செய்முறை :

பாதி கிவி பழம் மற்றும் சிறிது ஆலிவ் ஆயில் சேர்த்து பேஸ்ட் மாதிரி தயாரித்து முகத்தில் தடவி சிறிது நேரம் கழித்து குளிர்ந்த நீரில் கழுவவும்.

மேலே குறிப்பிட்டுள்ள பேஸ் மாஸ்க்களை பயன்படுத்தி தங்கம் போல் ஜொலிக்கும் முகத்தை பெறுங்கள்.