நீங்க சிகரெட் பிடிச்சா இந்த 7 விஷயங்களும் உங்க சருமத்தில் நடக்கும்!!

சீக்கிரம் வயதான தோற்றம் :

சிகரெட்டிலுள்ள ரசாயனங்கள் விரைவில் செல் முதிர்ச்சியை அதிகப்படுத்துகின்றன. இதனால் சருமம் டல்லாகி, முதிர்ச்சிய்டைந்து வயதான தோற்றம் அடைந்துவிடுவது உறுதி.

சுருக்கங்களும் வரிகளும் :

சிகரெட்டிலுள்ள நிகோடின் ரத்த செல்களுக்கு ஆக்ஸிஜன் சப்ளையை துண்டிப்பதால் விரைவில் செல் சிதைவு உண்டாகிறது. ஆகவே சுருக்கங்களும் , உடலில் வரிகளும் உடனடியாக குறிப்பாக பெண்களுக்கு ஊண்டாகிவிடும்.

கரும்புள்ளிகளும், தேமலும் :

ரத்த ஓட்டம் தடைபெறுவதால் ஆங்காங்கே செல்கள் தேங்கி விடும். அங்கே இறந்த செல்களின் தேய்மானத்தால் , கருமை படர்ந்து கரும்புள்ளி, தேமல் போன்றவை உண்டாகும்.

கருப்பான உதடுகள் :

உதடுகளில் இருக்கும் செல்கள் அழிந்து அந்த இடங்களில் கருப்பாக மாறிவிடும். அல்லது வெளுத்து காணப்படும். இதற்கு சிகரெட்டில் இருக்கும் மோசமாக ரசாயாங்கள்தான் காரணமாகும்.

காயங்கள் ஆறாது :

ரத்த ஓட்டம் அதிகமாக இருந்தால்தான் உங்களது உடலில் உண்டாகும் காயங்களை வேகமாக குணமாற்றும். எங்கே காயம் பட்டிருகிறதோ அங்கே ரத்த செல்கள் விரைந்து சரிப்படுத்தும். ஆனால் புகைப்பிடித்தால், இந்த செயல் மிக நிதானமாக நடைபெறும். ஆகவே விரைவில் ஆறாது.

சரும நோய்கள் :

சரும நோய்கள் புகைப்பிடிப்பதால் ஏற்படும் வாய்ப்புகள் அதிகம். நொகோடினின் பக்க விளைவால் உண்டாகும் சரும வியாதிகளில் ஒன்று சோரியாஸிஸ்.

சருமப் புற்று நோய் :

சருமப் புற்று நோய் வருவதற்கான சாத்தியங்கள் புகைப்பிடிப்பதால் உண்டாகும். சருமத்தின் துளைகளிலேயே ரசாயங்களின் தேக்கம் அதிகமாகிவிடுவதால் அவற்றின் விளைவா சருமப் புற்று நோயும், ரத்தப் புற்று நோயும் வரும் வாய்ப்புகள் அதிகம்.