கோடையில் தலைமுடி ஆரோக்கியமாக இருக்க தயிரை எப்படி பயன்படுத்துவது?

ஹேர் பேக் #1

3 டேபிள் ஸ்பூன் தயிருடன், 5 டேபிள் ஸ்பூன் வெந்தயப் பவுடர் மற்றும் 2 டேபிள் ஸ்பூன் வெங்காய சாறு சேர்த்து கலந்து, ஸ்கால்ப்பில் தடவி 1 மணிநேரம் ஊற வைத்து, பின் மைல்டு ஷாம்பு போட்டு அலச வேண்டும். இப்படி வாரத்திற்கு 2 முறை பின்பற்றினால், தலையில் உள்ள பொடுகுத் தொல்லை மற்றும் அரிப்பு உடனே நீங்கும்.

ஹேர் பேக் #2

ஒரு கையளவு மருதாணி இலை மற்றும் ஒரு கையளவு கறிவேப்பிலை ஆகியவற்றை ஒன்றாக அரைத்து, அத்துடன் தயிர் சேர்த்து கலந்து, தலையில் தடவி 30-45 நிமிடம் ஊற வைத்து, பின் மைல்டு ஷாம்பு போட்டு அலச வேண்டும். இதனால் தலைமுடி உதிர்வது மற்றும் நரைமுடி பிரச்சனை போன்றவற்றிற்கு தீர்வு கிடைக்கும்.

ஹேர் பேக் #3

ஒரு கையளவு செம்பருத்தி இலையை தயிர் சேர்த்து கெட்டியாக அரைத்து, சிறு உருண்டைகளாக செய்து, கொதிக்கும் தேங்காய் எண்ணெயில் போட்டு 5-10 நிமிடம் ஊற வைத்து இறக்கி, ஸ்கால்ப்பில் படும்படி தடவி, 1 மணிநேரம் ஊற வைத்து, பின் அலச வேண்டும். இந்த எண்ணெயை தொடர்ச்சியாக பயன்படுத்தி வந்தால், தலைமுடி நன்கு வளரும்.

ஹேர் பேக் #4

தலைமுடி அதிகமாக உதிர்ந்தால், தயிருடன் மிளகுத் தூள் சேர்த்து கலந்து, ஸ்கால்ப்பில் படும்படி தடவி 10-15 நிமிடம் ஊற வைத்து, பின் அலசுங்கள்.

ஹேர் பேக் #5

நெல்லிக்காய் பொடியை தயிர் சேர்த்து பேஸ்ட் செய்து, ஸ்கால்ப்பில் தடவி 30 நிமிடம் ஊற வைத்து, மைல்டு ஷாம்பு போட்டு அலச, தலைமுடி கொட்டும் பிரச்சனையில் இருந்து உடனடி நிவாரணம் கிடைக்கும்.

ஹேர் பேக் #6

கோடையில் தலைமுடி அதிகம் வறட்சியுடன் இருந்தால், தயிருடன் ஆலிவ் ஆயில் சேர்த்து கலந்து, ஸ்கால்ப்பில் தடவி சிறிது நேரம் மசாஜ் செய்து, 1/2 மணிநேரம் கழித்து, மைல்டு ஷாம்பு போட்டு அலசுங்கள்.