தலைமுடி உதிர்வதைத் தடுக்க க்ரீன் டீயை எப்படியெல்லாம் பயன்படுத்தலாம்?

க்ரீன் டீ மற்றும் கடுகு பொடி மாஸ்க்

1 டேபிள் ஸ்பூன் கடுகு பொடியுடன் 2 டீஸ்பூன் க்ரீன் டீ மற்றும் ஒரு முட்டையின் மஞ்சள் கருவை சேர்த்து ஒன்றாக கலந்து பேஸ்ட் செய்து, தலையில் ஸ்கால்ப்பில் படும்படி தடவி, ஷவர் கேப் அணிந்து 15-25 நிமிடம் கழித்து, மைல்டு ஷாம்பு போட்டு அலச வேண்டும்.

க்ரீன் டீ மற்றும் அவகேடோ மாஸ்க்

அவகேடோ பழத்தை மசித்து, அத்துடன் 1 டேபிள் ஸ்பூன் க்ரீன் டீ மற்றும் 1 டேபிள் ஸ்பூன் வெந்தயப் பொடியை சேர்த்து, அதோடு சிறிது வெதுவெதுப்பான நீர் சேர்த்து பேஸ்ட் செய்து, தலையில் தடலி 1/2 மணிநேரம் ஊற வைத்து, பின் அலசினால், அதில் உள்ள புரோட்டீன், மயிர்கால்களை வலிமைப்படுத்தி, அடர்த்தியை அதிகரிக்கும்.

க்ரீன் டீ மற்றும் தேங்காய் எண்ணெய்

க்ரீன் டீயுடன் சிறிது தேங்காய் எண்ணெய் சேர்த்து கலந்து, ஸ்கால்ப்பில் படும்படி நன்கு மசாஜ் செய்து, பின் அலச, முடியின் ஆரோக்கியம் அதிகரிக்கும்.

க்ரீன் டீ மற்றும் புதினா

1/2 லிட்டர் நீரில் க்ரீன் டீ இலைகள் மற்றும் புதினா இலைகளை சேர்த்து கொதிக்க வைத்து இறக்கி, 1/2 மணிநேரம் கழித்து, அத்துடன் 1 எலுமிச்சையைப் பிழிந்து, அக்கலவையை தலையில் தடவி 15 நிமிடம் கழித்து, குளிர்ந்த நீரில் அலச வேண்டும்.

க்ரீன் டீ மற்றும் ஹென்னா

இரவில் படுக்கும் போது, ஹென்னா பொடியில் க்ரீன் டீ சேர்த்து கலந்து பேஸ்ட் செய்து, இரவு முழுவதும் ஊற வைத்து, மறுநாள் காலையில் தலையில் தடவி 1 மணிநேரம் ஊற வைத்து, பின் குளிர்ந்த நீரில் அலச வேண்டும். இதனால் முடியின் அடர்த்தி மேம்படுவதோடு, தலைமுடி உதிர்வது குறையும்.