வாழ்க்கைத்துணையுடன் சண்டை போட்ட பிறகு செய்யக்கூடாத 10 விஷயங்கள்!!!

கைப்பேசியை அணைப்பது

சண்டைக்கு பிறகு தங்கள் கணவன் அல்லது மனைவியை தண்டிக்க நம்மில் பலரும் நம் கைப்பேசியை அனைத்து விடுவோம். உண்மையிலேயே மிக சிறுபிள்ளைதனமான பழக்கம் இது. இப்படி உங்களை தொடர்பு கொள்ளவே முடியாத நிலையை உருவாக்காதீர்கள். இது உங்கள் கணவன் அல்லது மனைவியை வெகுவாக பாதிக்கும். உங்களிடம் மன்னிப்பு கேட்க கூட அவர்கள் கூப்பிடலாம் அல்லவா?

மௌன யுத்தம்

சண்டைக்கு பிறகு உங்கள் கணவன் அல்லது மனைவியின் தொலைப்பேசி அழைப்பை நிராகரிப்பது அல்லது அவர்களின் எஸ்.எம்.எஸ். களுக்கு அமைதி காப்பது ஆகியவைகளை நீங்கள் கடைப்பிடித்தால் அவர்களை தண்டிப்பதாக நீங்கள் எண்ணுகிறீர்கள். ஆனால் இது இரண்டு மாதிரியும் விளைவை ஏற்படுத்தும். ஒன்று இதற்காக அவர்கள் வருத்தப்படுவார்கள் அல்லது விலகி போய் விடுவார்கள்.

சண்டைக்கு காரணங்கள் தேடுவது

காரணங்கள் கூறி சண்டையை ஞாயப்படுத்த முயற்சிக்காதீர்கள். சண்டைக்கான முழு பழியையும் தூக்கி உங்கள் கணவன் அல்லது மனைவியின் மீது போடாதீர்கள்.

சீக்கிரமே மன்னிப்பு கேட்பது

சண்டைக்கு பிறகு உடனடியாக மன்னிப்பு கேட்காதீர்கள். விரைவில் மன்னிப்பு கேட்டால், அதை நீங்கள் உணர்ந்து கேட்கவில்லை என அவர் நினைத்து விடுவார்.

சண்டையை முடிக்க படுக்கையில் காதல் கொள்வது

சண்டைக்கு பிறகு உடலுறவு கொள்வது மிகவும் ரொமான்டிக்கான ஒன்றாகும். ஆனால் சண்டையை முடிப்பதற்கு, பேருக்கு உடலுறவில் ஈடுபடாதீர்கள். இன்னமும் கோபம் அல்லது காயம் இருந்தால் உடலுறவில் ஈடுபடாதீர்கள்.

அதையே மனதில் அசை போடுவது

சண்டையை நினைத்து கொண்டே இருக்காதீர்கள். நீண்ட நேரத்திற்கு சண்டையை நினைத்து கொண்டிருந்தால், காயம் பட்ட உணர்வு அல்லது வஞ்சம் தீர்க்கும் உணர்வு வளர்ந்து கொண்டே வரும். உங்கள் சண்டை நிற்காமால் நினைக்காத தூரத்திற்கு சென்று விடும்.

சமுதாய வலைத்தளங்களில் ஸ்டேடஸ் மெசேஜ் போடுவது

சமுதாய வலைத்தளங்களில் சோகமான ஸ்டேடஸ் மெசேஜ் போட்டு உங்கள் சண்டையை அனைவருக்கும் வெளிச்சம் போட்டு காட்டாதீர்கள். உங்கள் மெசேஜ்ஜிற்கு கமண்ட் போடும் உங்கள் நண்பர்கள் என்ன ஆச்சு என கேட்பார்கள். அது உங்கள் கணவன் அல்லது மனைவியின் மீது தப்பான வெளிச்சத்தை உருவாக்கும்.

பொறாமை பட வைப்பது

சில நேரம் எதிர் பாலின நண்பர்களோடு கடலை போட்டால் உங்கள் கணவன் அல்லது மனைவிக்கு பொறாமை ஏற்படும். ஆனால் சண்டை முடிந்த அந்த உணர்ச்சியுள்ள நேரத்தில் இப்படி உங்கள் கணவன் அல்லது மனைவியை பொறாமை பட வைக்காதீர்கள். அது மீண்டும் உங்களேயே தான் தாக்கும்.

குத்திக்காட்டுவது

உங்கள் கணவன் அல்லது மனைவியை எப்போதுமே குத்திக் காட்டிக் கொண்டே இருக்காதீர்கள். தப்பு அவர்களுடையதாக இருந்தாலும் கூட திரும்பி திரும்பி குத்திக் காட்டுவதால் எந்த நன்மையையும் ஏற்பட போவதில்லை.

பிரச்சனையை பேச விரும்பினால் அதை நிராகரிப்பது

சில நேரம் உங்கள் கணவன் அல்லது மனைவி சண்டையை பற்றி பேச விரும்புவார், ஆனால் உங்களுக்கு அதற்கான மனநிலை இல்லாமல் போகலாம். அப்படிப்பட்ட நேரத்தில் உங்கள் கணவன் அல்லது மனைவியின் கோரிக்கையை அப்படியே நிராகரிக்காதீர்கள். நீங்கள் அதற்கான மனநிலையில் இல்லை என்பதையும், அதை பற்றி பின்னர் பேசலாம் என்றும் அவர்களுக்கு எடுத்துக் கூறுங்கள்.