திருமணம் செய்துக்கொள்ள போகும் காதலர்கள் கட்டாயம் தெரிந்துக்கொள்ள வேண்டியவை!!!

காப்பாளர்

உங்கள் துணைக்கு வெறும் காதலனாகவோ, கணவனாகவோ மட்டும் இருப்பது போதாது. அவருக்கு ஆபத்து அல்லது பாதுகாப்பு வேண்டிய நேரத்தில் ஓர் நல்ல காப்பாளாராகவும் இருக்க வேண்டும். இது தான், ஓர் நல்ல ஆண் மகனின் வீரத்தின் அடையாளம்.

தோழன்

தோழனாக, தோழியாக நீங்கள் இருக்கும் போது, உங்களுக்கும் பிரிவுகள் ஏற்படும் வாய்ப்புகள் குறைகிறது. சண்டைகள் வந்தாலும் கூட அவை சுமுகமாக முடிந்துவிடும், நீங்கள் நண்பர்களாக இருந்தால்.

ஆலோசகர்

மனம் உடைந்து போகும் தருவாயில், தோல்வியில் துவண்டு போகும் நேரங்களில், ஓர் நல்ல ஆலோசகராக இருத்தல் வேண்டும். இது, மனதை மட்டுமின்றி, உங்களின் வாழ்க்கையையும் மேலோங்க வைக்க உதவும்.

ஆசிரியர்

தவறுகள் செய்யும் போது தட்டிக்கேட்கவும், நல்லதை எடுத்து கூறவும் ஓர் நல்ல ஆசானாக இருக்க வேண்டியது அவசியம்.

நம்பகமானவர்

இவ்வுலகிலேயே, நூறு சதவீதம் நம்பிக்கையானவர் என்று ஓர் ஆணும், பெண்ணும் கருதுவது அவர்களது துணையை மட்டும் தான். உங்கள் இருவர் பற்றிய ரகசியம், அந்தரங்க விஷயங்கள், குடும்ப சூழல் போன்றவற்றை கட்டிக்காக்க நம்பகமானவராக இருக்க வேண்டும்.

அர்த்தநாரி

மனதளவில், ஆணும் பெண்ணும் சரிப்பாதியாக இருக்க வேண்டும். நீங்கள் இருவரும் சேர்ந்து ஒருவராக அர்த்தநாரீஸ்வரர் போல திகழ வேண்டும். இது, உறவை வலுவாக்க சிறந்த கருவியாக இருக்கும்.

தாயாக

அன்பு, அக்கறை, அரவணைப்பு என அனைத்தையும் வளங்கவதில் ஓர் தாயாக இருக்க வேண்டியது அவசியம். பெண் மட்டுமல்ல, ஆணும் இந்த தகுதிகளோடு இருக்க வேண்டும்.

குழந்தையாக

கொஞ்சுதல், அடம்பிடித்தல் போன்றவையும் ஓர் உறவில் இடம் பெற வேண்டும். பொன்னகை இல்லாவிடிலும் ஓர் உறவில் புன்னகை இருக்க வேண்டியது அவசியம். அதற்கு இந்த குழந்தை வேடத்தை கட்டாயம் நீங்கள் ஏற்க வேண்டும்.