சுவையான...பன்னீர் டிக்கா!!!

By Maha

Published: Friday, August 31, 2012, 9:55 [IST]

பன்னீர் டிக்கா மிகவும் சுவையான ஒரு சைடு டிஷ். இதுவரை பன்னீர் டிக்காவை ஹோட்டல்களில் மட்டும் தான் வாங்கி சாப்பிட்டிருப்பீர்கள். ஆனால் தற்போது அந்த பன்னீர் டிக்காவை, வீட்டிலேயே ஈஸியாக செய்து சாப்பிடலாம். இப்போது அந்த பன்னீர் டிக்காவை எப்படி செய்வதென்று பார்ப்போமா!!!

தேவையான பொருட்கள் :

பன்னீர் - 250 கிராம்
எலுமிச்சை சாறு - 2 டேபிள் ஸ்பூன்
மிளகாய் தூள் - 1 டீஸ்பூன்
கரம் மசாலா தூள் - 1 டீஸ்பூன்
மஞ்சள் தூள் - 1/4 டீஸ்பூன்
இஞ்சி பூண்டு விழுது - 1 ஸ்பூன்
பிரட் தூள் - தேவையான அளவு
உப்பு - தேவையான அளவு
எண்ணெய் - தேவையான அளவு

செய்முறை :

முதலில் பன்னீரை சற்று நீளமாக நறுக்கிக் கொள்ளவும். பின்னர் ஒரு பாத்திரத்தில் எலுமிச்சை சாறு, மிளகாய் தூள், மஞ்சள் தூள், கரம் மசாலா தூள், இஞ்சி பூண்டு விழுது மற்றும் உப்பு சேர்த்து கலந்து கொள்ளவும்.

பின் அதில் நறுக்கி வைத்துள்ள பன்னீர் துண்டுகளைப் போட்டு பிரட்டி, 1/2 மணிநேரம் ஊற வைக்கவும்.

பிறகு ஒரு வாணலியை அடுப்பில் வைத்து, அதில் எண்ணெய் ஊற்றி, காய்ந்ததும், அந்த பன்னீர் துண்டுகளை, பிரட் தூளில் பிரட்டி, எண்ணெயில் போட்டு, பொன்னிறமாக பொரித்து எடுக்கவும்.

இப்போது சுவையான பன்னீர் டிக்கா ரெடி!!!