கேரளத்து விசு கஞ்சி

கேரளாவில் விசு என்னும் புத்தாண்டு கொண்டாட்டத்தின் போது செய்யப்படும் ஒரு ஸ்பெஷல் ரெசிபி தான் விசு கஞ்சி. இது சிவப்பு அரிசி, பச்சரிசி மற்றும் தேங்காய் பால் சேர்த்து செய்யப்படும் ஒரு ஆரோக்கியமான மற்றும் சுவையான கஞ்சி.

இந்த கேரளத்து விசு கஞ்சியை மாலை வேளையில் கூட செய்து சாப்பிடலாம். இங்கு அதை எப்படி செய்வதென்று கொடுக்கப்பட்டுள்ளது. அதைப் பார்ப்போமா!!!

தேவையான பொருட்கள்:

உனக்கலரி/கேரளா சிவப்பு அரிசி - 1/2 கப்
பச்சரிசி - 1/2 கப்
மொச்சை - 1/4 கப்
தேங்காய் பால் - 2 கப்
துருவிய தேங்காய் - 1/4 கப்
தண்ணீர் - 3 கப்
உப்பு - தேவையான அளவு

செய்முறை:

முதலில் மொச்சையை பொன்னிறமாக வறுத்து, சுடுநீரில் போட்டு 1 மணிநேரம் ஊற வைத்துக் கொள்ள வேண்டும்.

பின்னர் குக்கரில் அதனை கழுவிப் போட்டு, தண்ணீர் ஊற்றி, குக்கரை மூடி அடுப்பில் வைத்து, 3-4 விசில் விட்டு இறக்கி, தனியாக வைத்துக் கொள்ள வேண்டும்.

பின்பு பச்சரிசியை மிக்ஸியில் போட்டு அரைத்துக் கொள்ள வேண்டும்.

பிறகு இரண்டு அரிசியையும், குக்கரில் போட்டு, 3 கப் தண்ணீர் ஊற்றி, தேவையான அளவு உப்பு சேர்த்து 4-5 விசில் விட்டு இறக்கி, மசித்துக் கொள்ள வேண்டும்.

பின் அதில் தேங்காய் பால் சேர்த்து, அடுப்பில் வைத்து 2 நிமிடம் வேக வைத்து, பின் மொச்சையை சேர்த்து 2 நிமிடம் வேக வைத்து, இறுதியில் அதில் துருவிய தேங்காயை சேர்த்து பிரட்டி இறக்கினால், கேரளத்து விசு கஞ்சி ரெடி!!!

Image Courtesy: sharmispassions