தயிர்க்குழம்பு

தேவையான பொருட்கள்:

2 கப் கெட்டித் தயிர், 2 தேக்கரண்டி மிளகாய்த்தூள், 2 தேக்கரண்டி அரிசி மாவு, 4 தேக்கரண்டி எண்ணெய், 1 தேக்கரண்டி தனியாத்தூள்,அரைத் தேக்கரண்டி மஞ்சள்தூள், கொஞ்சம் பெருங்காயத் தூள், தேவையான அளவு உப்பு மற்றும் கொஞ்சம் கொத்தமல்லி இலை

செய்முறை:

தயிரை கரண்டியால் நன்றாகக் கலக்கி வைத்துக் கொள்ளவும். மிளகாய்த்தூள், தனியாத்தூள், மஞ்சள்தூள், சீரகத்தூள் ஆகியவற்றை 2மேசைக்கரண்டி தண்ணீர் சேர்த்து கரைத்து வைத்துக் கொள்ளவும்.

எண்ணெயை சூடு செய்து அதில் கடுகு போடவும். கடுகு வெடித்ததும் அதனுடன் பெருங்காயத் தூள், கரைத்து வைத்துள்ள மசாலாவைசேர்த்து கிளறவும். இது கொதிக்கும்போது, தயிரை அதில் ஊற்றி நிறம் மாறும்வரை கிளறவும். பின்பு அரிசி மாவை அரை மேசைக்கரண்டிநீர் விட்டு கரைத்து குழம்பில் ஊற்றி கிளறவும்.

அப்படியே சிறிது நேரம் கொதிக்க வைத்தால் குழம்பு கெட்டியாகும். அதனுடன் கொத்தமல்லி இலையை சேர்த்து பரிமாறவும்.