மட்டன் மசாலா

தேவையான பொருட்கள்:

250 கிராம் ஆட்டுக்கறி, 150 கிராம் தயிர், 250 கிராம் வெங்காயம், மிளகுத்தூள், இஞ்சி பூண்டு விழுது, பட்டை, கிராம்பு தூள், சீரகத் தூள் ஆகியவை 1 தேக்கரண்டி அளவு, தேவையான அளவு வெண்ணெய்.

செய்முறை:

ஆட்டுக்கறியை நன்றாக கழுவி, குக்கரில் போட்டு அதனுடன் தயிர், உப்பு, சிறிது தண்ணீர் சேர்த்து வேக வைக்கவும்.

கடாயை அடுப்பில் ஏற்றி, வெண்ணெய் போட்டு உருகச் செய்யவும். அதனுடன் பட்டை கிராம்பு தூள், இஞ்சி பூண்டு விழுது, மிளகுத் தூள், சீரகத் தூள், நறுக்கிய வெங்காயம் ஆகியவற்றை சேர்த்து வதக்கவும்.

வெங்காயம் பொன்னிறமாக வதங்கியதும், வேக வைத்த கறியை இதில் கொட்டி, நன்றாகக் கிளறி மூடி வைக்கவும். இப்போது பரிமாறுவதற்கு மட்டன் மசாலா ரெடி.