கொத்தமல்லி சிக்கன் கிரேவி

தேவையான பொருட்கள்

ஊற வைப்பதற்கு...

எலும்பில்லாத சிக்கன் - 1/2 கிலோ

இஞ்சி பேஸ்ட் - 1 டீஸ்பூன்

பூண்டு பேஸ்ட் - 1 டீஸ்பூன்

எலுமிச்சை சாறு - 2 டீஸ்பூன்

தயிர் - 2 டேபிள் ஸ்பூன்

உப்பு - 1/2 டீஸ்பூன்

தேவையான பொருட்கள்

கிரேவிக்கு...

எண்ணெய் - 3 டேபிள் ஸ்பூன்

வெங்காயம் - 1 1/2 கப் (நறுக்கியது)

மல்லி தூள் - 1 டேபிள் ஸ்பூன்

கொத்தமல்லி - 2 கப்

பச்சை மிளகாய் - 2-3

கரம் மசாலா - 1 டீஸ்பூன்

உப்பு - தேவையான அளவு

செய்முறை

* முதலில் சிக்கன் நன்கு கழுவி, அதனை ஒரு பாத்திரத்தில் போட்டு, ஊற வைப்பதற்கு கொடுத்துள்ள அனைத்து பொருட்களையும் சேர்த்து பிரட்டி, 4-8 மணிநேரம் நன்கு ஊற வைத்துக் கொள்ள வேண்டும்.

செய்முறை

* பின் ஒரு அகன்ற வாணலியை அடுப்பில் வைத்து, அதில் எண்ணெய் ஊற்றி காய்ந்ததும், வெங்காயத்தைப் போட்டு பொன்னிறமாக வதக்க வேண்டும்.

* வெங்காயமானது பொன்னிறமானதும், அதில் மல்லி தூள் சேர்த்து கிளறி, பின் ஊற வைத்துள்ள சிக்கனைப் போட வேண்டும்.

செய்முறை

* சிக்கனைப் போட்ட பின், தீயை உயர்த்தி, 4-5 நிமிடம் வேக வைக்க வேண்டும். குறிப்பாக மறக்காமல் அவ்வப்போது பிரட்டி விடுங்கள்.

* அடுத்து மிக்ஸியில் கொத்தமல்லி மற்றும் பச்சை மிளகாய் போட்டு, தண்ணீர் சேர்த்து அரைத்துக் கொள்ள வேண்டும்.

செய்முறை

* இறுதியில் அரைத்து வைத்துள்ளதை வாணலியில் ஊற்றி, கரம் மசாலா மற்றும் உப்பு சேர்த்து கிளறி, 10-12 நிமிடம் மூடி வைத்து சிக்கனை வேக வைத்து இறக்கினால், சுவையான கொத்தமல்லி சிக்கன் கிரேவி ரெடி!!!