கர்ப்ப காலத்தில் தைராய்டு வந்தால் ஏற்படும் பக்க விளைவுகள்!!!

கருச்சிதைவு

கர்ப்பத்தின் முதல் மூன்று காலத்தில் இரத்தத்தில் உள்ள தைராய்டு ஹார்மோனானது அளவுக்கு அதிகமாக இருந்தால், கருச்சிதைவு ஏற்படுவதற்கான வாய்ப்பு அதிகம் உள்ளது. எனவே அப்போது தவறாமல் போதிய மருத்துவத்தை மேற்கொண்டு தைராய்டு ஹார்மோனை கட்டுப்பாட்டுடன் வைத்துக் கொள்ளுங்கள்.

மனநிலை பாதிப்பு

ஒருவேளை தைராய்டு ஹார்மோனானது போதிய அளவில் சுரக்காமல் இருந்தால், அவை குழந்தையின் மனநல வளர்ச்சியானது பாதிக்கப்படும். ஆகவே தைராய்டு இருப்பவர்கள் கர்ப்ப காலத்தில் போதிய சிகிச்சையை மேற்கொள்ள வேண்டும்.

குறைப்பிரசவம்

சில நேரங்களில் தைராய்டு சுரப்பியானது அளவுக்கு அதிகமாக ஹார்மோனை சுரக்க நேரிட்டால், அவை ஒரு கட்டத்தில் இரத்த அழுத்தத்தை அதிகரித்துவிடும். இப்படி இரத்த அழுத்தம் அதிகரித்தால், அவை கருப்பையில் தாக்கத்தை ஏற்படுத்தி, குறைப்பிரசவத்திற்கு வழிவகுக்கும்.

குழந்தையின் தைராய்டு சுரப்பி பாதிக்கப்படும்

குறிப்பாக கர்ப்ப காலத்தில் தைராய்டு பிரச்சனைக்கு சிகிச்சை எடுத்துக் கொண்டிருக்கும் போது, தைராய்டிற்கு எடுத்து வரும் மருந்துகளில் உள்ள ரேடியோ ஆக்டிவ் அயோடின், சில நேரங்களில் குழந்தையின் தைராய்டு சுரப்பிக்கு பாதிப்பை ஏற்படுத்தும். எனவே கர்ப்பமான பின்னர் மருத்துவர் பரிந்துரைக்கும் மருந்துகளை மட்டும் எடுத்து வாருங்கள்.

குறிப்பு

தைராய்டு கர்ப்ப காலத்தில் வந்தால், அவை வயிற்றில் வளரும் குழந்தையின் வளர்ச்சியில் பாதிப்பை ஏற்படுத்தும். எனவே தைராய்டை சாதாரணமாக எண்ணாமல், அதற்கு சரியான மருந்துகளை கவனமாக எடுத்து வர வேண்டும்.