குழந்தைகள் நன்கு சாப்பிட்டும் எடை அதிகரிக்காமல் இருக்க காரணங்கள்

காரணம் 1

குழந்தைகள் எடை அதிகரிக்காமல் இருக்க முக்கிய காரணம் போதுமான அளவு கலோரிகள் எடுத்துக்கொள்ளதுதான். குழந்தைகள் பல்வேறு காரணங்களால் சாப்பாடு மீது வெறுப்பு காட்டுவதும் பெற்றோர்கள் அதனை புரிந்து கொள்ளாமல் இருப்பதும் குழந்தைகளுக்கு தேவையான கலோரிகள் கிடைப்பதில்லை. குறிப்பாக குழந்தைகள் தாய்ப்பால் சரியாக குடிக்காமல் இருப்பதுதான் முக்கிய காரணம்.

காரணம் 2

குழந்தைகளின் வாய் ஆரோக்கியம் மற்றும் சில நரம்பியல் கோளாறுகளும் குழந்தையின் வளர்ச்சியை பாதிக்கும். இத்தகைய பிரச்சினைகள் குழந்தைகளின் விழுங்கும் திறனை பாதிக்கிறது.

காரணம் 3

சிலசமயம் குழந்தைகள் அதிகப்படியான வாந்தி பிரச்சினையால் போதுமான உணவை எடுத்துக்கொள்வதில்லை. இதற்கு காரணம் குழந்தைகளுக்கு ஏற்படும் அமிலப்பிரச்சினைகள் ஆகும். இது குழந்தைகளின் தசைகளை பலவீனமாக்குவதோடு அவர்கள் எடையிலும் பாதிப்பை ஏற்படுத்துகிறது.

காரணம் 4

கணைய செயல்பாடு சரியாக இல்லாத குழந்தைகளின் எடை அதிகரிக்க வாய்ப்பு இல்லை. இது போன்ற பிரச்சினைகளால் தளர்வான தசைகள், மலச்சிக்கல், வயிற்றுப்போக்கு போன்ற பிரச்சினைகள் ஏற்படலாம்.

காரணம் 5

சில நோய்களும் குழந்தைகளின் எடை அதிகரிப்பதை தடுக்கிறது. செலியாக் அல்லது க்ரோன் போன்ற குடல் நோய்கள் குழந்தைக்கு இருக்கும்போது அது எடை அதிகரிப்பை தடுக்கும். க்ளட்டன் உள்ள உணவுகளை உணவில் சேர்த்துக்கொள்வதுதான் இதற்கு முக்கிய காரணம்.

காரணம் 6

சில குழந்தைகளின் சுறுசுறுப்பாக இருப்பதே அவர்கள் எடைஅதிகரிப்பை தடுக்கும். கலோரிகள் அதிகம் எரிக்கப்படும்போது குழந்தைகளின் எடை அதிகரிக்காது. ஹைப்பர் ஆக்டிவ் இருக்கும் குழந்தைகள் பெரும்பாலும் ஒல்லியாகத்தான் இருப்பார்கள்.

காரணம் 7

சிலசமயம் சிறுநீரக கோளாறுகள் கூட குழந்தையின் எடையில் பிரச்சினைகளை ஏற்படுத்தும். சிறுநீரக கற்கள் மற்றும் கோளாறுகள் எடை மட்டுமின்றி குழந்தைகளின் மற்ற வளர்ச்சிகளிலும் தடங்கல் ஏற்படும்.

காரணம் 8

குழந்தைகளின் மரபணுக்களும் அவர்களின் எடையில் முக்கியப்பங்கு வகிக்கிறது. அவர்களின் மரபணுக்களில் உள்ள சில மூலக்கூறுகள் அவர்களின் எடை அதிகரிப்பை தடுக்கக்கூடும்.