இந்த தினசரி பழக்கங்கள் மலட்டுத்தன்மையை ஏற்படுத்தும் என தெரியுமா?

புகைப்பிடிப்பது

நிறைய பேர் என்றாவது ஒரு நாள் புகைப்பிடித்தால், எந்த ஒரு பிரச்சனையும் இல்லை என்று நினைக்கின்றனர். ஆனால் புகைப்பிடிப்பது மட்டுமின்றி, புகைப்பிடிப்போரின் அருகில் இருந்தாலும், அது கருவளத்தைப் பாதிக்கும் என நிறைய ஆய்வுகள் கூறுகின்றன.

அளவுக்கு அதிகமாக சாப்பிடுவது

அளவுக்கு அதிகமாக சாப்பிட்டால், உடல் பருமன் அதிகரிக்கும். உடல் பருமன் அதிகரித்தால், அது கருவளத்தைப் பாதித்து, கருத்தரிப்பதில் இடையூறை ஏற்படுத்தும்.

வெப்பமான யோகா வகுப்புக்கள்

தற்போது வெப்பமான இடத்தில் யோகா செய்வது பிரபலமாக உள்ளது. இதனால் உடல் எடை வேகமாக குறையும். ஆனால் இம்மாதிரியான வெப்பப் பகுதியில் யோகா செய்தால், அது கருமுட்டையின் உற்பத்தி மற்றும் விந்துவின் உற்பத்தியைப் பாதிக்கும்.

மன இறுக்க மாத்திரைகள்

மலட்டுத்தன்மைக்கு மன இறுக்க மாத்திரைகளும் காரணமாகும். ஏனெனில் இம்மாத்திரைகள் பாலியல் செயல்பாட்டை பாதிக்கும். குறிப்பாக இது ஆண்களின் விந்தணுவின் தரத்தை பாதிக்கும்.

அதிகமான மது

மதுவை அளவாக பருகினால், நல்லது. ஆனால் அதையே அளவுக்கு அதிகமாக குடித்தால், அது விந்தணுவைப் பாதிப்பதுடன், முட்டையின் உற்பத்தியையும் பாதிக்கும்.

வைட்டமின் மாத்திரைகள்

வைட்டமின் மாத்திரைகள் கருவளத்தை அதிகரிக்கலாம். ஆனால் அம்மாத்திரைகளையே மருத்துவர் கூறாமல் அளவுக்கு அதிகமாக எடுத்தால், அதுவே கருவளத்தை பாதிக்கும்.

பிளாஸ்டிக் பாட்டில் நீர்

ஆம், பிளாஸ்டிக் பாட்டிலில் தண்ணீர் குடித்தாலும், மலட்டுத்தன்மை ஏற்படும். இதற்கு பிளாஸ்டிக் பாட்டிலில் உள்ள டாக்ஸின்கள், ஹார்மோன்களை பெரிதும் பாதிப்பது தான் காரணம்.