நீரிழிவினால் ஆண்களுக்கு மலட்டுத்தன்மை ஏற்படுவதைத் தடுக்கும் சில வழிகள்!!!

ஆரோக்கியமான டயட்

விந்தணுவின் எண்ணிக்கை குறைவாக இருந்தாலும், நல்ல ஆரோக்கியமான உணவு முறையைப் பின்பற்றினால், தந்தை ஆக முடியும்.

அதிகப்படியான வெப்பநிலையை தவிர்க்கவும்

நீரிழிவு இருக்கும் போது விந்தணுவின் எண்ணிக்கை மற்றும் தரம் குறைவாக இருக்கும். இந்நிலையில் அதிகப்படியான வெப்பநிலையில் இருந்தால், அது இன்னும் நிலைமையை மோசமாக்கிவிடும். எனவே உயர் வெப்பநிலையில் இருப்பதை தவிர்க்கவும்.

வெளிப்படையாக பேசவும்

பொதுவாக நீரிழிவு இருந்தால், பாலுணர்ச்சி சற்று குறைவாக இருக்கும். அப்படி குறைவாக இருக்கும் போது, அதைப் பற்றி துணையிடம் வெளிப்படையாக பேசியோ அல்லது சரியான கவுன்சலரை சந்தித்து பேசியோ, அதற்கேற்றவாறு பின் நடப்பது நல்ல தீர்வைத் தரும்.

சோர்வை போக்கவும்

நீரிழிவு இருந்தால், அதிகப்படியான சோர்வு ஏற்படும். அப்படி சோர்வு ஏற்படும் போது, சோர்வாகவே உட்காராமல், அப்போது சற்று சுறுசுறுப்புடன் இருக்குமாறான செயல்களில் ஈடுபட வேன்டும். இதுவும் நல்ல பலனைக் கொடுக்கும்.

ஹார்மோன் சமநிலையின்மையை சரிசெய்யுங்கள்

கணையத்தில் இருந்து சுரக்கப்படும் ஒரு ஹார்மோன் தான் இன்சுலின். இத்தகைய இன்சுலினானது நீரிழிவின் போது குறைவாக இருக்கும். இதனால் இனப்பெருக்க மண்டலத்தில் உள்ள ஹார்மோன்களின் அளவும் குறைய ஆரம்பிக்கும். எனவே இன்சுலின் அளவை சீராக வைக்க, சரியான மருத்துவத்தை கடைப்பிடிப்பது அவசியமாகும்.

உடற்பயிற்சி

நீரிழிவு இருந்தால், உடல் பருமனடையும். இப்படி உடல் பருமனடைந்தால், கருவுறுதலில் பிரச்சனை ஏற்படும். எனவே உடல் பருமனடையாமல் இருப்பதற்கு, தினமும் உடற்பயிற்சியை மேற்கொள்ள வேண்டும். இதனால் மலட்டுத்தன்மை ஏற்படுவதைத் தடுக்கலாம்.

மருத்துவ உதவியும் அவசியம்

நீரிழிவினால் நரம்புகள் கூட பாதிக்கப்படக்கூடும். அதாவது நரம்புகள் பாதிப்படைந்தால், முன்னோக்கி செல்லும் விந்தணுவானது தடைபட்டு, அது சிறுநீர்ப்பையை வந்தடையயும். எனவே அவ்வப்போது மருத்துவரை சந்தித்து போதிய ஆலோசனைகளைப் பெற்று, அதனை எப்படி தவிர்ப்பது என்று கேட்டு தெரிந்து, அதற்கேற்றாற் போல் நடந்து கொள்ள வேண்டும்.

ஆன்டி-ஆக்ஸிடன்ட் உணவுகள்

நீரிழிவு இருந்தால், அது இரத்தத்தில் சர்க்கரையின் அளவை அதிகரிப்பதுடன், ப்ரீ ராடிக்கல்களின் அளவையும் அதிகரித்து, இறுதியில் மரபணு பாதிப்பு மற்றும் மலட்டுத்தன்மை ஆகியவற்றை ஏற்படுத்தும். எனவே ஆன்டி-ஆக்ஸிடன்ட் அதிகம் உள்ள உணவுப்பொருட்கள உட்கொண்டால், அது ப்ரீ ராடிக்கல்களின் அளவைக் குறைக்கும்.

துணைவரை புரிந்து கொள்ளவும்

நீரிழிவு உள்ள ஆண்கள் தங்களது விறைப்புத்தன்மையை பராமரிப்பது என்பது கடினம். எனவே இதைப் பற்றி துணையிடம் நன்கு மனம் விட்டு பேசிக் கொண்டால், அவர்களால் முடிந்த உதவியை உங்களுக்கு செய்ய முடியும். மேலும் இதனால் இருவருக்குள்ளும் எந்த ஒரு பிரச்சனையும் வராமல் இருக்கும்.