வாஸ்து சாஸ்திரத்தின் படி இந்த சமையலறை தவறுகள் உங்கள் வாழ்க்கையில் தீராத துரதிர்ஷ்டத்தை ஏற்படுத்தும்

பழைய பாத்திரங்கள்

உங்கள் சமையலறையை எப்பொழுதும் சுத்தமாக வைத்திருக்க வேண்டியது அவசியமாகும். உங்கள் சமையலறையை பழைய பாத்திரங்களுக்கான குப்பைத் தொட்டியாக மாற்றினால் அது கடுமையான வாஸ்து தோஷத்தை ஏற்படுத்தும். இது உங்கள் வாழ்க்கையில் தேக்க நிலையை ஏற்படுத்தும்.

குழாய்களில் கசிவு

உங்கள் சமையலறை குழாய்கள் நல்ல நிலையில் இருக்க வேண்டியது அவசியமாகும்.

சமையலறை குழாய்கள் கசிந்து, அவற்றை நீங்கள் சரிசெய்யவில்லை என்றால், அது வாஸ்து சாஸ்திரத்தின் படி பண இழப்பைக் குறிக்கிறது.

தரையில் விரிசல்

சமையலறை தரையில் விரிசல்கள் ஒருபோதும் விழக்கூடாது, அப்படியே விழுந்தாலும் அதனை உடனடியாக சரி செய்துவிட வேண்டும். வாஸ்துவின் படி தொடர்ந்து இந்த விரிசல்கள் சமையலறையில் இருந்தால் அது உங்கள் உறவுகளில் கடுமையான பாதிப்புகளை ஏற்படுத்தும்.

நம் முன்னோர்கள் 'அந்த' விஷயத்திற்கு வயாகராவாக இந்த பொருட்களைத்தான் சாப்பிட்டார்களாம் தெரியுமா?

சேதமடைந்த மின்னணு பொருட்கள்

சேதமடைந்த மின்னணு பொருட்களும் துரதிஷ்டத்தை ஈர்க்கும் என்று வாஸ்து சாஸ்திரம் கூறுகிறது. சேதமடைந்த மின்னணு பொருட்கள் உடல்நலம் தொடர்பான பிரச்சினைகளை ஈர்க்கின்றன. வேலை செய்யாத ஹேண்ட் பிளெண்டர்கள், மிக்சர்கள், ஜாடிகளை உடனடியாக சரிசெய்ய வேண்டும்.

பூச்சிகளின் இருப்பு

சமையலறையில் கரப்பான் பூச்சிகள், பல்லிகள் போன்ற பூச்சிகள் நிறைய இருந்தால் அது பல்வேறு விதமான வாஸ்து பிரச்சினைகளை ஏற்படுத்தும். இது உங்கள் வாழ்க்கையில் இது வறுமை மற்றும் வீழ்ச்சியைக் குறிக்கிறது.

முறையற்ற விளக்குகள்

உங்கள் வீடு மட்டுமின்றி சமையலறையிலும் எப்ப்போதும் போதுமான வெளிச்சம் இருக்க வேண்டியது அவசியமாகும். சமையலறையில் போதிய வெளிச்சம் இல்லை என்றால், அது வீட்டில் மகிழ்ச்சியின்மையையும், மந்தத்தையும் ஏற்படுத்தும்.

உடைந்த கண்ணாடிகள்

சமையலறை ஜன்னல் உடைந்த கண்ணாடிகள் அல்லது வேறு ஏதேனும் கண்ணாடிகள் சமையலறையில் இருந்தால் உடனடியாக அதனை அப்புறப்படுத்த வேண்டியது அவசியமாகும். வாஸ்து சாஸ்திரத்தின் படி இது விபத்துகள் ஏற்பட போவதற்கான அறிகுறியாகும்.

இரவு நேரத்தில் நீங்கள் சாப்பிடும் இந்த உணவுகள் உங்களுக்கு மோசமான கனவுகளை ஏற்படுத்துமாம்...

அழுகிய தாவரங்கள்

நீங்கள் சமையலறையிலும் அதனை சுற்றியும் சிறிய செடிகளை வளர்த்துக் கொண்டிருந்தால், அவை கவனிக்கப்படாமல் இருந்தால் அவற்றை உடனடியாக அகற்றுவது அவசியமாகும். ஏனெனில் வாஸ்துவின் படி இது உங்கள் குடும்பத்திற்கு அவமானத்தை ஏற்படுத்தும்.