மோதிர விரல் இப்படி இருந்தா.. அவங்க கையில பணம் அதிகம் சேருமாம்.. உங்க விரல் எப்படி இருக்கு?

மோதிர விரலில் செங்குத்து கோடு

நடுவிரலுக்கும், சுண்டுவிரலுக்கும் நடுவே உள்ள விரல் தான் மோதிர விரல் என்று அழைக்கப்படும். சாமுத்ரிகா சாஸ்திரத்தின் படி, ஒருவரது மோதிர விரலின் அடிப்பகுதியில் இருந்து ஒரு செங்குத்தான கோடு விரலின் நுனி வரை சென்றிருந்தால், அத்தகையவர்களின் நிதி நிலை மிகவும் வலுவாக இருக்கும். மேலும் இத்தகையவர்கள் குறுகிய காலத்தில் சமூகத்தில் முன்னேற்றத்தைக் கண்டு, ஒரு நல்ல அந்தஸ்துடன் வாழ்வார்கள். மொத்தத்தில் இவர்கள் சிறந்த தொழிலதிபர்களாக இருப்பார்கள்.

நீளமான மோதிர விரல்

சாமுத்திகா சாஸ்திரத்தின் படி, மோதிர விரலானது ஆள்காட்டி விரலை விட நீளமாக/உயரமாக இருந்தால், அத்தகையவர்கள் தங்களின் கொள்கைகளில் மிகவும் உறுதியாக இருப்பார்கள். மேலும் இவர்கள் யாரிடமும் தலைவணங்க விரும்பமாட்டார்கள். எவ்வளவு கஷ்ட காலமாக இருந்தாலும், யாருக்கு அடிபணியமாட்டார்கள். ஆனால் இவர்கள் தங்களின் வாழ்க்கைத் துணையை அதிகம் நேசிப்பார்கள்.

ஆள்காட்டி விரலுக்கு சமமான மோதிர விரல்

ஒருவரது மோதிர விரல் ஆள்காட்டி விரலுக்கு சமமாக இருந்தால், அத்தகையவர்கள் தைரியமாகவும், அச்சமற்றவராகவும் இருப்பார்கள். பணத்தை அதிகம் செலவழிப்பார்கள். சுதந்திரமாக இருக்க விரும்புவார்கள். தங்கள் மனதிற்கு பிடித்த விஷயங்களை செய்ய விரும்புவார்கள். இவர்கள் அழுத்தமான சூழ்நிலைகளில் இருக்க விரும்பமாட்டார்கள். தங்களுக்கு என்று தனி இலக்கை கொண்டு வாழ்வார்கள். வாழ்க்கையில் எந்த வேலையை செய்தாலும், அதில் வெற்றி பெறுவார்கள். அதே வேளையில் இவர்கள் திறமையான பேச்சாளர்கள்.

சிறிய மோதிர விரல்

சாமுத்ரிகா சாஸ்திரத்தின் படி, மோதிர விரல் ஆள்காட்டி விரலை விட சிறியதாக இருப்பது நல்லதல்ல. இத்தகையவர்கள் வாழ்நாள் முழுவதும் போராட வேண்டியிருக்கும். அதோடு இவர்கள் மற்றவர்களை அதிகம் ஏமாற்றுவார்கள். அதன் விளைவாக அவதூறுகளையும் சந்திக்க நேரிடும்.

(பொறுப்புத் துறப்பு: மேலே கொடுக்கப்பட்டுள்ள தகவல் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் கொடுக்கப்பட்டுள்ளன மற்றும் நம்பகத்தன்மைக்கு உத்தரவாதம் இல்லை. தமிழ் போல்ட்ஸ்கை கட்டுரை தொடர்பான தகவலை உறுதிப்படுத்தவில்லை. மேலும் எங்கள் ஒரே நோக்கம் தகவலை வழங்குவது மட்டுமே. அதை வெறும் தகவலாக மட்டும் எடுத்துக் கொள்ள வேண்டும். எந்தவொரு தகவலையும் அனுமானத்தையும் பயிற்சி செய்வதற்கு அல்லது செயல்படுத்துவதற்கு முன், தயவுசெய்து சம்பந்தப்பட்ட நிபுணரை அணுகவும்.)