எப்போது இருந்து குழந்தைகள் தினம் கொண்டாடப்பட்டு வருகிறது தெரியுமா?

குழந்தைகள் தினம் வரலாறு

நேரு அவா்களின் இறப்பிற்கு பின்பு, ஒவ்வொரு ஆண்டும் அவருடைய பிறந்த தினமான நவம்பா் 14 அன்று குழந்தைகள் தினம் கொண்டாடப்பட வேண்டும் என்ற ஒரு முக்கியத் தீா்மானம் இந்திய நாடாளுமன்றத்தில் நிறைவேற்றப்பட்டது. குழந்தைகள் மத்தியில் அவா் மிகவும் பிரபலமாக இருந்ததை வைத்தே இந்த தீா்மானம் நிறைவற்றப்பட்டது. ஆனால் அவருடைய இறப்புக்கு முன்பு நவம்பா் 20 அன்று இந்தியாவில் குழந்தைகள் தினம் கொண்டாடப்பட்டது. அதாவது ஐக்கிய நாடுகளின் சபை நவம்பா் 20 அன்று கொண்டாடும் உலகளாவிய தினம் அன்றே இந்தியாவிலும் குழந்தைகள் தினம் கொண்டாடப்பட்டது.

2021 ஆம் ஆண்டு குழந்தைகள் தினத்தின் முக்கியத்துவம்

குழந்தைகள் தினம் அன்று மறைந்த பிரதமா் பண்டித் ஜவா்ஹலால் நேரு அவா்களுக்கு அஞ்சலி செலுத்தப்படும். அதோடு குழந்தைகளின் உாிமைகள், அவா்களுக்கு அளிக்கப்பட வேண்டிய கல்வி மற்றும் அவா்களுக்கு கொடுக்கப்பட வேண்டிய பாதுகாப்பு ஆகியவற்றைப் பற்றி குழந்தைகள் தினம் பேசுகிறது.

"இன்றைய குழந்தைகள் நாளைய இந்தியாவை உருவாக்குகின்றனா். நாம் எந்த வழியில் அவா்களை உருவாக்குகிறோமோ, அதுவே நமது நாட்டின் எதிா்காலத்தைத் தீா்மானிக்கும்" என்று நேரு அவா்கள் அடிக்கடி கூறுவாா். மேலும் அவா் நவீன இந்தியா எவ்வாறு இருக்க வேண்டும் என்பது பற்றிய தெளிவான பாா்வை ஒன்றைக் கொண்டிருந்தாா். விடுதலை அடைந்த இந்தியாவைத் தாங்கும் குழந்தைகள் என்ற வலுவானத் தூண்களை நிறுவதன் மூலம் தனது கனவை நனவாக்கத் தொடங்கினாா்.

குழந்தைகள் தின சிறப்பு நிகழ்ச்சிகள்

குழந்தைகள் தினம் அன்று பள்ளிகள் மற்றும் கல்வி நிறுவனங்களில் பல்வேறு கலை நிகழ்ச்சிகள் மற்றும் கேளிக்கை நிகழ்ச்சிகள் நடத்தப்படுகின்றன. அந்த நாளை சிறப்பிக்கும் வகையில் குழந்தைகளுக்கு இனிப்புகள், பொம்மைகள் மற்றும் பாிசுப் பொருட்கள் வழங்கப்படுகின்றன.