உங்க ஃபேவரட் கவர்ச்சிக்கன்னிகளுக்கு வயசானா எப்படி இருப்பாங்கனு தெரியணுமா? இத பாருங்க...

ஃபேஸ்அப்

முப்பது ஆண்டுகள் கடந்த பின்னர் நீங்கள் எப்படி இருப்பீர்கள்? என்று பார்க்க உங்களுக்கு மட்டும் ஆசை இருக்காதா என்ன? ஒரே ஒரு கிளிக் செய்தால், நீங்கள் முதுமையில் இப்படித்தான் இருப்பீர்கள் என்று ஃபேஸ்அப் செயலி காட்டிவிடும். இந்தச் செயலி முதன்முதலாக 2017ம் ஆண்டு வெளியிடப்பட்டுள்ளது. இதன் மேம்படுத்தப்பட்ட வடிவம் தற்போது அறிமுகமாகி சமூக ஊடக பயனர்கள் மத்தியில் பெரும் வரவேற்பை பெற்றுள்ளது. எல்லா தரப்பினரும் வேடிக்கையாக இதை பயன்படுத்தி வருகின்றனர்.

கிரிக்கெட் வீரர்களின் முதுமை

ரிக்கெட் ரசிகர்கள் தங்கள் பங்குக்கு கிரிக்கெட் வீரர்களின் முதுமை தோற்ற புகைப்படங்களை பகிர்ந்து வருகின்றனர்.

அமெரிக்க நகைச்சுவை நடிகர் கிறிஸ் ராக் பகிர்ந்த அமெரிக்க திரையுல பிரபலம் மோர்கன் ஃப்ரீமேனின் புகைப்படத்தை ஆயிரக்கணக்கானோர் 'லைக்' செய்துள்ளனர்.

"என் பத்தாவது வயதிலிருந்து இதுவரை அவருக்கு வயது கூடவேயில்லை"

"முதுமையின் ராஜா. எந்த appஆலும் அவரை தொட இயலாது"

"சிலர் ஒருபோதும் முதுமையடைவதேயில்லை"

என்பது போன்ற வேடிக்கையான பின்னூட்டங்களும் குவிந்துள்ளன.

ரசிகர்களின் கைவரிசை

தங்கள் முதுமை தோற்றம் என்று பார்ப்பதை விட தங்களுக்கு அதிகம் பிடித்த திரை பிரபலங்கள் முதுமையில் எப்படி தோற்றமளிப்பார்கள் என்று காணவே ரசிகர்கள் விரும்புகின்றனர். ஷாரூக்ஹான், தீபிகா படுகோனே, ரண்வீர் சிங் ஆகியோரின் தோற்றம் முப்பது ஆண்டுகள் கழித்து எப்படி இருக்கும் என்று ஃபேஸ்அப் மூலம் மாற்றி சமூக ஊடகங்களில் உலாவ விட்டுள்ளனர். ஹாலிவுட் பிரபலங்கள் ஜேனாஸ் சகோதரர்கள், வானே வாட், டிரேக், சாம் ஸ்மித், ஸ்கூட்டர் பிரான், இக்கி அஸாலியா, கெவின் ஹார்ட் மற்றும் நிக் பேட்மன் ஆகியோரின் முதுமை தோற்ற படங்களும் வைரலாக பரவி வருகின்றன.

செயற்கை நுண்ணறிவு

ஃபேஸ்அப் என்று மொபைல் போன் செயலி, புகைப்படங்களை செயற்கை நுண்ணறிவு (ஏஐ) மூலம் மாற்றம் செய்கிறது. இதனால் மாற்றப்படும் புகைப்படங்கள் நம்பத்தகுந்த தோற்றத்தில் இருப்பதால் பயனர்கள் மத்தியில் வரவேற்பை பெற்றுள்ளது. 'முப்பது ஆண்டுகளுக்கு பிறகு' '3000 ஆண்டில் நீங்கள்' 'அதிரடி வேகம் 50' என்று பொருள்படும் தலைப்புகளோடு புகைப்படங்கள் வலம் வந்து கொண்டிருக்கின்றன.

இந்தச் செயலி ஒரு புகைப்படத்தை மூன்று விதங்களில் மாற்றும். ஆனாலும், முதுமை (ஓல்ட்) என்ற தெரிவே அதிகமாக பயன்படுத்தப்படுகிறது.