என்னத்த சொல்ல... பார்பி டால் பிடிக்குமென்பதால் 55 லட்ச ரூபாய்க்கு பொம்மை வாங்கிய பெண்...

பார்பி டால்

ஜப்பானை பூர்வீகமாக கொண்ட இவர் நகத்தை அழகுபடுத்தும் தொழில் செய்து வருகிறார். தனது 15 ஆம் வயதில் இவருக்கு பார்பி பொம்மைகள் மீது இவருக்கு ஆர்வம் வந்ததாம். கடந்த 20 வருடங்களாக பார்பி பொம்மைகள் மீது இவருக்கு ஏற்பட்ட ஆர்வம் குறையவே இல்லையாம். பார்பி டால் சம்பந்தபட்ட பொருட்களாக தேடி தேடி வாங்கி சேர்த்துள்ளார்.

பொம்மைகள்

தற்போது தனது தலைமுடியை பிங்க் நிறத்தில் கலர் செய்துள்ள இவர் தனது பெயரை கூட அசுசா பார்பி என்று மாற்றியுள்ளார். பார்பி பொம்மைகள் மீது இவர் கொண்ட ஆர்வத்தை பார்த்த பலரும் இவர் தனது உருவத்தை பார்பி பொம்மையாக மாற்றிக் கொள்வார் என கருதினார்கள். ஆனால் அதை மறுத்த இவர் பார்பி சம்பந்தபட்ட பொருட்கள் மீது தான் ஆர்வமே தவிர உருவத்தை மாற்றிக் கொள்ள மாட்டேன் என கூறியுள்ளார்.

80000$ டாலர்

இதுவரை 80000$ டாலர் மேற்பட்ட பணத்தை பார்பி ஆர்வத்துக்காக செலவளித்த இவர், தனது ஒவ்வொரு மாத சம்பளத்தையும் வாங்கிய உடன் ஆன்லைனில் பார்பி சம்பந்தபட்ட பொருட்களை வாங்கி குவிக்கிறார்.

தனது வீட்டையே இவர் ஒரு பார்பி வீடு போன்று மாற்றியுள்ளார். தனது பெட், திரைச்சீலை மற்றும் சுவர் பெயின்ட் உட்பட அனைத்தையும் இவர் பார்பி சம்பந்தமாகவே மாற்றியுள்ளார்.

வீட்டின் பெயிண்ட்

அவர் வீட்டின் பெயிண்ட் டார்க் பிங்க் கலரில் உள்ளது. அதில் பார்பி சம்பந்தபட்ட படங்கள், தீம்கள் கொண்டு அழகுபடுத்தியுள்ளார். அவர் வீட்டிற்கு நுழையும் யாரும் அவர் பயன்படுத்தும் டம்ளரில் இருந்து டவல் போன்ற பொருட்களை பார்க்கும் போது பார்பி டால் மீது அவர் கொண்ட ஆர்வத்தை உணரலாம்.

தனது வீட்டின் ஷோகேசில் பார்பி பொருட்களை காட்சிக்கு வைத்துள்ள இவர் தனது ஆடைகள் கூட பார்பி சம்பந்தமாகவே வாங்கி வைத்துள்ளார். அவரது வார்ட்ரோப் முழுக்க பிங்க் நிற உடைகள், பைகள் மற்றும் ஷுக்களே அதிகம் உள்ளது.

தனது 15 வயதில் ஏற்பட்ட இந்த பார்பி ஆர்வம் அமெரிக்காவில் வாழ்ந்தும் இத்தனை ஆண்டுகளாக கூடுகிறதே தவிர குறையவில்லை என்கிறார் அசுசா.