இந்த ஊர்ல கல்யாணத்துக்கு முன்னாடி கட்டாயம் எச்ஐவி டெஸ்ட் பண்ணணுமாம்... எங்கனு தெரியுமா?

எங்கு இப்படி?

கோவாவின் சுகாதாரத் துறை அமைச்சராக இருக்கிற விஸ்வஜித் ரானே திருமணத்துக்கு முன்பாக எச்ஐவி பரிசோதனை செய்து கொள்வதைக் கட்டாயமாக்க வேண்டும் என்னும் பரிந்துரையை கோவா நீதித்துறைக்கு அனுப்பி இருக்கிறார். அது மிகப்பெரும் பரபரப்பையும் எதிர்ப்பையும் அதே அளவுக்கு ஆதரவையும் பெற்றிருக்கிறது.

திருமணப்பதிவு

தங்களுடைய திருமணத்தை தம்பதியினர் பதிவு செய்கின்ற பொழுது கட்டாயம் எச்ஐவி சோதனை ரிப்போர்ட்டை சமர்ப்பிக்க வேண்டியது கட்டாயமாக்கப்பட வேண்டும் என்று அந்த பரிந்துரையில் குறிப்பிடப்பட்டுள்ளது.

அறிவிப்பு

மாநில சட்டப்பேரவையின் குளிர்காலக் கூட்டத் தொடர் வருகின்ற போது இதற்கான அறிவிப்பு வெளியிடப்படலாம் என்று தெரிவிக்கப்படுகிறது. வருகிற 15 ஆம் தேதியிலிருநு்து தான் இந்த கூட்டத் தொடர் ஆரம்பமாகிறது.

கிடப்பில் போடப்பட்டது

இதற்கு முன்பாக கடந்த 2006 ஆம் ஆண்டு அதே கோவாவில் சுகாரத்துறை அமைச்சராக இருந்த தயானந்த நர்வேக்கர் இதே பரிந்துரையை அப்போதே முன் வைத்திருந்தார். ஆனால் அது நடைமுறைப்படுத்தப்படாமல் கிடப்பில் போடப்பட்டது. அதனால் இந்த முறையாவது நிறைவேற்றப்படுமா, சட்ட வரைவு கொண்டு வரப்படுமா என்ற எதிர்பார்ப்பு கோவா மக்களிடம் அதிகமாகி இருக்கிறது. பொறுத்திருந்து பார்ப்போம்.