கிரிக்கெட் வீரர்கள், பாலிவுட் நடிகைகள் இடையே உண்டான காதல் முறிவுகள்!!

மன்சூர் அலி கான் பட்டோடி மற்றும் ஷர்மிளா தாகூர்

கிரிக்கெட் வீரர் மற்றும் பாலிவுட் நடிகை மத்தியில் உண்டான முதல் காதல் ஜோடி மன்சூர் அலி கான் பட்டோடி மற்றும் ஷர்மிளா தாகூர். இவர்களது காதலின் போது ஷர்மிளா திரையுலகின் முன்னணி நடிகையாகவும், மன்சூர் அலி கான் பட்டோடி இந்திய அணியின் கேப்டனாகவும் இருந்தனர். மதம் காரணம் காட்டி, இருவரது வீட்டிலும் காதலுக்கு ஒப்புதல் கிடைக்காததால் தனியாக திருமணம் செய்துக் கொண்டனர். கடந்த 2011-ம் ஆண்டு பட்டோடி மரணமடைந்தார்.

அஞ்சு மகேந்துரு மற்றும் சர் கேரி சோபர்ஸ்

மேற்கிந்திய அணி வீரர் சர் கேரி சோபர்ஸ் 1960-ம் ஆண்டு இந்திய சுற்றுப்பயணம் மேற்கொண்ட போது அஞ்சு மீது காதல்வயப்பட்டு போனார். அஞ்சுவின் பெற்றோர் திருமணத்திற்கு சம்மதிக்கவில்லை என்பதால் இருவரும் பிரிந்துவிட்டதாக கூறப்படுகிறது.

ஜீனத் அமன் மற்றும் இம்ரான்கான்

பாகிஸ்த்தான் வீரர் இம்ரான்கான் ஜீனத் அமனை காதலித்தது இருநாட்டவருக்கும் தெரிந்த கதை தான். இரு நாட்டின் உறவு விரிசல், இவர்களது உறவுக்கும் விரிசலாக அமைந்தது என்பாதால், இவர்கள் பிரிந்துவிட்டனர்.

ரவி சாஸ்திரி மற்றும் அம்ரிதா சிங்

80-களில் இந்திய பெண்களின் ஸ்வீட் ஹார்ட்டாக திகழ்ந்தவர் ரவி சாஸ்திரி. 1985-ம் ஆண்டு மினி உலகக்கோப்பை விளையாட்டில் இவரது ஆட்டம் அனைவரையும் கவர்ந்தது. அந்த காலக்கட்டத்தில் ரவி சாஸ்திரி மற்றும் அம்ரிதா சிங் இருவரும் காதலில் விழுந்ததாகவும், ஆனால், அது திருமணத்தில் முடியவில்லை என்றும் கூறப்படுகிறது.

நீனா குப்தா மற்றும் சர் விவியன் ரிச்சர்ட்ஸ்

மேற்கிந்திய அணியின் முன்னாள் கேப்டன் சர் விவியன் ரிச்சர்ட்ஸ் மற்றும் அன்றைய ஹாட்டான பாலிவுட் நடிகை நீனா குப்தாவும் சிறு காலத்திற்கு காதல் உறவில் இருந்தனர். அந்த காலக்கட்டத்தில் பத்திரிகைகளில் இவர்களை பற்றிய செய்தி தலைப்பில் அடிக்கடி வந்தன. ஆனால், திருமணம் செய்துக் கொள்ள இருவருமே ஒப்புகொள்ளவில்லை என்றும் சில செய்திகள் தெரிவிக்கின்றன.

ரீனா ராய் மற்றும் மொஹ்சின் கான்

கியூட் நடிகை ரீனா ராய் பாகிஸ்தான் கிரிக்கெட் வீரர் மொஹ்சின் கானை திருமணம் செய்துக் கொண்டார். திருமணத்திற்கு பிறகு சில வருடங்களில் இருவரும் விவாகரத்து செய்துக் கொண்டனர் என்பது குறிப்பிடத்தக்கது.

சங்கீதா பிஜ்லானி மற்றும் முகமது அசாருதீன்

இந்தியாவின் வெற்றிகரமான கேப்டன்களில் முகமது அசாருதீனும் ஒருவர். தனது மனைவியை விவாகரத்து செய்துவிட்டு, சங்கீதாவை திருமணம் செய்துக் கொண்டார். ஆனால், 14 வருடங்களுக்கு பிறகு கடந்த 2010-ம் ஆண்டு பிரிந்துவிட்டனர்.

ஈஷா மற்றும் ஜாகிர் கான்

ஏறத்தாழ எட்டு வருடங்கள் இவர்கள் இருவரும் காதலில் இருந்ததாக கூறப்படுகிறது. திருமணம் செய்துக் கொள்ளவும் தயாராக இருந்த இவர்கள் திடீரென உறவை முறித்துக் கொண்டது ஏன் என தெரியவில்லை.

கிம் சர்மா மற்றும் யுவராஜ் சிங்

யுவராஜ் சிங் இந்தியாவின் முன்னணி வீரராக திகழ்ந்து வந்த போது கிம் சர்மாவுடன் காதலில் விழுந்தார். ஆனால், இவரது வீட்டில் ஒப்புதல் வழங்கவில்லை என்பதால் இருவரும் பிரிந்துவிட்டதாக கூறப்படுகிறது.

நக்மா மற்றும் கங்குலி

இவர்கள் இருவரும் நிஜமாகவே காதலித்தார்களா? இல்லையா? என்பதே அவிழாத முடிச்சாக தான் இருக்கிறது. இவர்கள் காதலித்தனர், பிரிந்துவிட்டனர் என செய்திகள் வெளிவந்தன. ஆனால், இதை இருவருமே மறுத்துவிட்டனர்.

அனுஷ்கா ஷர்மா மற்றும் விராட் கோஹ்லி

தற்போதையை கிரிக்கெட் மற்றும் பாலிவுட் உலகில் மிகவும் பெரிதாக வீசிக் கொண்டிருக்கும் புயல், இவர்களது பிரிவு தான். இன்னும் தெளிவான தகவல்கள் வரவில்லை எனிலும், இருவரும் பிரிந்துவிட்டனர் என்ற செய்தி கடந்த இரண்டு வாரங்களாக தீயாக பரவி வருகிறது. ஆயினும், இதுவரை சம்மந்தப்பட்ட இருவரும் எதுவும் கூறாமல் இருப்பதால், அவர்கள் திருமணம் செய்துக்கொண்டால் ஓர் திருவிழா போல அமையும் என ரசிகர்கள் எதிர்பார்கின்றனர்.