உலக அளவில் அதிக சம்பளம் வாங்கும் டாப் 10 நடிகர் பட்டியலில் இடம் பிடித்த இந்திய நடிகர்கள்!!!

அமிதாப் பச்சன்

இந்தியாவின் சூப்பர்ஸ்டார் அந்தஸ்து நடிகரான அமிதாப் $33.5 மில்லியன் டாலர்கள் ஊதியம் பெற்று டாப் 10 வரிசையில் ஏழாவது இடத்தை பெற்றிருக்கிறார். அமிதாபின் ஷமிதாப், பிகு (Piku), பூத்நாத் ரிட்டன்ஸ் போன்ற படங்கள் உலக ரசிகர்கள் மத்தியில் பெரும் புகழ்பெற்றது.

சல்மான் கான்

அமிதாப் பச்சனுக்கு அடுத்து எட்டாம் இடத்தை பிடித்திருக்கிறார் சல்மான் கான், இவரது ஊதியம் $33.5 மில்லியன் டாலர்கள். இவர் கடைசியாக நடித்த படங்களில் "கிக்" மற்றும் "பஜ்ஜிறங்கி பைஜான்" போன்ற படங்கள் பெரும் லாபம் ஈட்டிக்கொடுத்த படங்கள் என்பது குறிப்பிடத்தக்கது.

அக்ஷய் குமார்

பாலிவுட்டின் அக்ஷன் கிங் என்று இவரை குறிப்பிடுவது மிகையாகாது. சண்டை காட்சிகளில் டூப் போடாமல், தானாக ரிஸ்க் எடுத்து நடிக்கும் துணிச்சலான நடிகர். இவர் $32.5 மில்லியன் டாலர்கள் ஊதியம் பெற்று 9வது இடத்தில் இருக்கிறார்.

அயன் மேன்நாயகன் முதலிடம்

ராபர்ட் டவுனி ஜுனியர், இந்த பட்டியலில் $80 மில்லியன் டாலர்கள் ஊதியம் பெற்று முதலிடத்தில் இருக்கிறார். "எவஞ்சர்ஸ்", "அயன் மேன்" போன்ற இவரது படங்கள் உலக அளவில் பெரும் புகழ் பெற்ற திரைப்படங்கள் ஆகும்.

ஜாக்கி சான்

1980-களில் இருந்தே உலக ரசிகர்களை கவர்ந்து வரும் ஜாக்கி சான் இந்த பட்டியலில் இரண்டாம் இடத்தை பிடித்திருக்கிறார். இவரது ஊதியம் $50 மில்லியன் டாலர்கள்.

ஃபாஸ்ட் அண்ட் ஃப்யூரியஸ் நாயகன் வின் டீசல்

ஃபாஸ்ட் அண்ட் ஃப்யூரியஸ், ட்ரிப்பில் எக்ஸ் போன்ற படங்களின் மூலம் இந்திய ரசிகர்களுக்கு பரிச்சியமான வின் டீசல் $47 மில்லியன் டாலர்களுடன் மூன்றாம் இடத்தை பிடித்திருக்கிறார்.

ஹேங்கோவர் நாயகன் நான்காம் இடம்

"ஹேங்கோவர்", "தி ஏ டீம்", "கார்டியன்ஸ் ஆப் தி கேலக்ஸி" போன்ற திரைப்படங்கள் பிராட்லி கூப்பரை இந்திய சினிமா ரசிகர்களுக்கும் அடையாளம் காட்டியது. இவர் $41.5 மில்லியன் டாலர் ஊதியத்துடன் நான்காம் இடத்தில் இருக்கிறார்.

டாம் குரூஸ்

"மிசன் இம்பாசிபல்" நாயகன் டாம் குரூஸ் $40 மில்லியன் டாலர்களுடன் ஆறாவது இடத்திலும், இவருக்கு முந்திய இடத்தில், ஆடம் எனும் அமெரிக்க நடிகர் $41 மில்லியன் டாலர் ஊதியத்துடன் ஐந்தாம் இடத்திலும் இருக்கிறார்கள்.

ராக் அண்ட் கேப்டன் ஜாக்

டிரான்ஸ்ஃபார்மர்ஸ் (2014) படத்தில் நடித்த மார்க் பத்தாவது இடத்திலும் ($32 மில்லியன்), "தி ராக்" ட்வெயின் ஜான்சன் 11வது இடத்திலும் ($31.5 மில்லியன்) மற்றும் "பைரேட்ஸ் ஆஃப் கரீபியன்" புகழ் ஜானி டெப் 12வது இடத்திலும் இருக்கிறார்கள் ($30 மில்லியன்)