இறந்த மகனின் விந்து பயன்படுத்தி இரட்டையர்கள் பெற்றெடுத்து இந்திய பெண்மணி!

குடும்பம்!

கடந்த 2010ம் ஆண்டு வரை ராஜஸ்ரீயின் குடும்பம் கட்சிதமான சூழலில் இயங்கிக் கொண்டிருந்தது. ஆனால், அதில் திடீர் திருப்பமாக அவரது மகன் பிரதமேஷ் பாட்டில் ஜெர்மனியில் மாஸ்டர் டிகிரி படித்து வந்த போது திசை மாறியது. ஆம், அப்போது தான் பிரதமேஷ்க்கு மூளையில் புற்றுநோய் இருப்பது அறியவந்தது.

உடனடியாக!

அந்நிலையில் பிரதமேஷ்க்கு உடனடியாக சிகிச்சை தொடங்க வேண்டும் என்று மருத்துவர்கள் அறிவுரைத்தனர். மேலும், கீமோதெரபி மேற்கொள்ளும் முன்னர் பிரதமேஷின் விந்தணுக்களை பதப்படுத்தும் முறையில் சேமித்துக் கொள்ளலாம் என்று அறிவுரை கூறினார்கள்.

இதனால், எதிர்காலத்தில் இவரால் குழந்தை பெற்றுக் கொள் முடியும் என்பதை ஊர்ஜிதம் செய்தனர்.

இந்தியா!

சிகிச்சைக்காக பிரதமேஷ் ஜெர்மனியில் இந்தியா திரும்பிய போது அவரது புற்றுநோய் நான்காம் நிலையில் இருந்தது. வலிப்பு காரணமாக மிகவும் அவதிப்பட்டார். அவரது கண்பார்வையும் பறிபோனது. ஆனால், இந்தியாவில் பிரதமேஷ்க்கு அளிக்கப்பட்ட சிகிச்சை காரணமாக அவரது நிலை முன்னேற்றம் காண துவங்கியது.

போராட்டம்!?

தொடர்ந்து ஆறு ஆண்டுகள் தனது புற்று நோயுடன் போராடி வந்தார் பிரதமேஷ். கடைசியில், கடந்த 2016 செப்டம்பர் மாதம் மீண்டும் ஒருமுறை வலிப்பு வந்தது. அப்போது தான் மீண்டும் புற்று நோய் வளர்ந்து வருவதை அறிந்தனர்.

அந்த புற்று மிகவும் வீரியம் வாய்ந்ததாக இருந்தது. போராடி மரணம் அடைந்தார் பிரதமேஷ்.

விந்து எடுத்துவர முடிவு!

பிரதமேஷ் ஜெர்மனியில் இருந்த போது, புற்றுநோய் கண்டறியப்பட்ட ஆரம்பத்திலேயே மருத்துவர் அறிவுரையின் படி விந்து சேமிக்கப்பட்டிருந்தது.

பிரதமேஷ் இறந்த பிறகு, அதை ஜெர்மனியில் இருந்து இந்தியா கொண்டுவர முடிவு செய்தார் பிரதமேஷின் தாயார் ராஜஸ்ரீ பாட்டில். ஜெர்மனின் விந்து வங்கியை தொடர்பு கொண்டு முறைப்படி செய்ய வேண்டியதை எல்லாம் செய்து, தன் மகனின் விந்தை எடுத்து வந்தார். மேலும், அந்த விந்து மூலம் வாடகை தாயாக மாறி, குழந்தை பெற்றுக் கொள்ள முடிவு செய்தார்.

உணர்ச்சி பூர்வமான பயணம்...

வெற்றிகரமாக தனது மகனின் சேமிக்கப்பட்ட விந்து கொண்டு இரட்டையர் குழந்தைகள் பெற்றெடுத்தார் ராஜஸ்ரீ பாட்டில். அப்போது அவர் அடைந்த மகிழ்ச்சிக்கு எல்லையே இல்லை. மகனை இழந்த தாய்க்கு, தனது பேரக் குழந்தைகளை தானே பெற்றெடுக்கும் நிலை உண்டானது. இது எளிதான காரியம் அல்ல. ஆனால், அறிவியல் துணையால் இந்த அதிசயம் வெற்றிகரமாக நடந்தது.

இன்றைய அறிவியல் வளர்ச்சி எதுவும் சாத்தியம் என்பதை நாளுக்கு, நாள் நிரூபித்துக் கொண்டே இருக்கிறது.