உங்க நாய்க்கு உடம்பு சரியில்லையா? இந்த உணவுகளைக் கொடுங்க...

சாதம்

செல்ல நாயானது உடல்நிலை சரியில்லாத போது, சாதத்தைக் கொடுக்க வேண்டும். அதிலும் சாதத்தில் உப்பை கொஞ்சமாக சேர்த்து, பால் ஊற்றி கொடுக்க வேண்டும். இதனால் அதற்கு வேண்டிய சத்துக்கள் கிடைத்து, விரைவில் குணமாகும்.

சிக்கன் வேக வைத்த நீர்

நாய்க்கு உடம்பு சரியில்லாவிட்டால், அதற்கு சிக்கன் வேக வைத்த தண்ணீரைக் கொடுக்க வேண்டும். அதுவும் ஒரு நாளைக்கு இரண்மு முறை கொடுத்து வந்தால், அதற்கு வேண்டிய எனர்ஜி கிடைத்து, விரைவில் சரியாகிவிடும்.

தண்ணீர்

உலகில் உள்ள அனைத்து உயிரினத்திற்கும் தண்ணீர் மிகவும் இன்றியமையாதது. எனவே உங்கள் செல்ல நாய் நோயால் பாதிக்கப்பட்டிருந்தால், அதற்கு நிறைய தண்ணீரைக் குடிக்க கொடுக்க வேண்டும்.

வேக வைத்த காய்கறிகள்

நன்கு வேக வைத்த காய்கறிகளாக பட்டாணி, கேரட் போன்றவற்றை நன்கு மசித்து, நோய்வாய்பட்டிருக்கும் போது நாய்க்கு கொடுத்தால், அது விரும்பி சாப்பிடுவதோடு, உடல்நிலையும் விரைவில் சரியாகும்.

பிரட்

பால் மற்றும் பிரட் நாய்க்கு ஏற்ற சிறப்பான உணவுப் பொருளாகும். அதுமட்டுமின்றி, இது நாயின் பசியை தணிப்பதோடு, விரைவில் செரிமானமாகக்கூடியதும் கூட.

பால்

தினமும் 2 கப் பாலை, காலை வேளையில் குடிக்க கொடுக்க வேண்டும். இதனால் அதன் உடலில் உள்ள கெட்ட பாக்டீரியாக்கள் அழிக்கப்பட்டு, நாய்க்கு தேவையான எனர்ஜி கிடைக்கும்.

மசித்த உருளைக்கிழங்கு

நன்கு மசித்த உருளைக்கிழங்கை சாதத்துடன் சேர்த்து சாப்பிடக் கொடுக்கலாம். இதுவும் நோய்வாய்பட்டிருக்கும் நாயின் உடலை வலுவாக்குவதற்கு உதவும் உணவாகும்.

மாட்டிறைச்சி

மாட்டிறைச்சியை உப்பு சேர்த்து நன்கு வேக வைத்து, அதில் லேசாக மிளகு தூளை சேர்த்து உடம்பு சரியில்லாத நாய்க்கு சாப்பிடக் கொடுக்கலாம்.

பச்சை காய்கறிகள்

பச்சை காய்கறிகளில் உடலுக்கு வேண்டிய சக்திகள் மற்றும் புரோட்டீன்கள் அதிகம் நிறைந்துள்ளதால், அதனை நாயின் உணவில் சேர்த்து வந்தால், அதன் உடலுக்கு வேண்டிய சத்துக்கள் கிடைக்கும்.