2 முறை துவைச்சாலே புது துணிகூட வெளுத்துபோயிடுதா?... இப்படி துவைங்க புதுசுபோலவே இருக்கும்...

லேபிளை கவனித்தல்

ஒவ்வொரு துணியையும் அலசுவதற்கு முன் அதன் பராமரிப்பு முறைகளை படித்து கொள்வது நல்லது. குளிர்ந்த நீரில் அலச வேண்டியுள்ளதா, காய வைக்கும் முறை, சொட்டு நீர் முறையை பயன்படுத்த வேண்டுமா போன்ற குறிப்புகளை படித்து அதன் படி செய்வது துணியின் தன்மையையும் நிறத்தையும் காக்கும்.

வினிகர்

1 கப் வினிகர் இருந்தால் போதும் உங்கள் துணி புதிது போல் மின்னுவதற்கு. டிடர்ஜெண்ட் மற்றும் குளிர்ந்த நீர் இல்லாமல் வெறும் வினிகரை கொண்டு அலசினாலே துணிகளில் உள்ள அழுக்கு, வியர்வை நாற்றம் நீங்கி துணிகளின் நிறத்தை அப்படியே புதிது போல் காக்கிறது.

உப்பு நீர் அலசல்

உங்கள் துணிகளை வெறுமனே ஒரு பக்கெட் தண்ணீரில் உள்ளங்கை அளவு உப்பு சேர்த்து அதில் ஊற வைத்தால் போதும். பிறகு டிடர்ஜெண்ட் கொண்டு குளிர்ந்த நீரில் அலசினால் நல்ல பலன் கிடைக்கும்.

திருப்பி போடுதல்

ஆடைகளை திருப்பி போட்டு அதன் உட்புற பகுதியை டிடர்ஜெண்ட் கொண்டு அலசினால் அடர்ந்த நிற ஆடைகள் மங்கி போவதை தடுக்கலாம்.

கைகளை பயன்படுத்துதல்

சூடான நீரில் உங்கள் கைகளைக் கொண்டு ஆடைகளை துவைப்பது நல்லது. 15 நிமிடங்கள் குளிர்ந்த நீரில் மைல்டு டிடர்ஜெண்ட் சேர்த்து 10 நிமிடங்கள் அலசி மிதமான வெயிலில் காய வைத்தால் போதும். இதனால் ஆடைகளின் நிறம் மங்காது.

வெப்ப நிலை

சூடான வெப்பநிலை ஆடையிழைகளின் தன்மையை பாதிப்படைய செய்யும். எனவே எப்பொழுதும் குளிர்ந்த நீரில் அலசுவது நல்லது.

இஸ்திரி போடுதல்

நீங்கள் வெளியை பார்ட்டி போன்றவற்றிற்கு செல்லும் போது துணிகளை தேய்த்து நறுமணத்துடன் உடுத்துவது உங்கள் ஆடையழகை இன்னும் அதிகப்படுத்தி காட்டும். அடிக்கடி அதை புதிதாக தேய்த்து பயன்படுத்துவது நல்லது.

ட்ரையர்

அதிகப்படியான வெப்பத்தில் ட்ரையரை பயன்படுத்தும் போது அது உங்கள் ஆடையை பாதிக்கும். எனவே மிதமான நிலையில் ட்ரையரை பயன்படுத்தினால் அடர்ந்த மற்றும் பளீச்சென்ற நிற ஆடைகளுக்கு சிறந்தது.

கெமிக்கல்கள்

ஸ்டார்ச் போன்ற கெமிக்கல்கள் பயன்படுத்தி உங்கள் ஆடைகளை சலவை செய்யும் போது அதனால் ஆடைகள் பாதிப்படைய வாய்ப்புள்ளது. எனவே இந்த மாதிரியான கெமிக்கல்களை தவிர்ப்பது நல்லது.

தேர்ந்தெடுத்தல்

ஆடைகளின் நிறத்தை காக்கும் மைல்டு டிடர்ஜெண்ட்களை பயன்படுத்துவது நல்லது. இது ஆடையிழைகளுக்கிடேயே சென்று அதன் நிறத்தை மங்காமல் காக்கும்.

இன்னும் ஏன் வெயிட் பண்ணுரிங்க! இனி உங்கள் ஆடைகளுக்கு எப்பொழுதும் புதிதாக உயிரூட்டுங்கள்.