வீட்டில் செல்வம் பெருக வேண்டுமா? அப்ப புத்தாண்டு அன்று இந்த செடிகளை வீட்டில் வாங்கி வையுங்க...

பாம்பு செடி (Snake Plant)

வாஸ்து சாஸ்திரத்தின் படி, பாம்பு செடி மிகவும் புனிதமானதாக கருதப்படுகிறது. இந்த பாம்பு செடியை வீட்டில் வளர்ப்பதன் மூலம் செல்வமும், மகிழ்ச்சியும் அதிகரிக்கும். அதுவும் அதை வீட்டின் படிக்கும் அறையில் வைத்தால், அது முன்னேற்றத்திற்கான பாதையை திறக்கும். வேண்டுமானால், இந்த செடியை ஹால் மற்றும் படுக்கை அறையிலும் வைத்து வளர்க்கலாம்.

மணிபிளாண்ட்

வாஸ்துப்படி மணிபிளாண்ட் ஒரு அதிர்ஷ்டத்தை ஈர்க்கும் செடியாக கருதப்படுகிறது. வீட்டில் மணிபிளாண்ட் வளர்த்து வந்தால், அந்த செடி வளர்வது போல், வீட்டில் உள்ளோர் தங்களின் வாழ்வில் முன்னேற்றத்தைக் காண்பதோடு, வீட்டில் செல்வம் பெருகும்.

தென்னை மரம்

வீட்டில் தென்னை மரத்தை வளர்ப்பது மிகவும் நல்லது. வாஸ்து சாஸ்திரத்தின் படி, தென்னை மரத்தை வீட்டில் வளர்த்து வருவதன் மூலம், அந்த வீட்டில் உள்ளோர் தங்கள் வாழ்வின் அனைத்து விஷயங்களிலும் நல்ல முன்னேற்றத்தைக் காண்பார்கள். எனவே உங்கள் வீட்டில் தென்னை மரம் வளர்க்க இடம் இருந்தால், இந்த புத்தாண்டில் வாங்கி வையுங்கள்.

தொட்டால் சிணுங்கி செடி

வாஸ்து சாஸ்திரத்தில், தொட்டால் சிணுங்கி செடி மிகவும் மங்களகரமானதாக கருதப்படுகிறது. அதுவும் இந்த செடியை வீட்டின் வடகிழக்கு திசையில் வைப்பது நல்லது. முக்கியமாக தினமும் இந்த செடிக்கு தண்ணீர் ஊற்ற வேண்டும். இவ்வாறு செய்வதன் மூலம், ராகு தோஷம் இருந்தால் நீங்கும் மற்றும் வீட்டில் உள்ள பிரச்சனைகளும் குறையும்.

சங்குப்பூ செடி

வாஸ்துப்படி, சங்குப்பூ செடியை வீட்டில் வளர்ப்பது நல்லதாக கருதப்படுகிறது. அதுவும் நீல நிற சங்குப்பூ செடியை வீட்டில் வளர்ப்பதனால் குடும்பத்தில் ஒற்றுமை அதிகரிக்கும். மேலும் இந்த பூவை தினமும் விஷ்ணு மற்றும் சிவனுக்கு சமர்ப்பித்து வழிபட்டால், குடும்பத்தில் அமைதியும், செழிப்பும் அதிகரிக்கும்.