வாஸ்துப்படி, டிவி, ஃபிரிட்ஜ், சோபா-வை வீட்டின் எந்த திசையில் வைக்க வேண்டும் தெரியுமா?

சோபாவை எந்த திசையில் வைக்க வேண்டும்?

உங்கள் வீட்டில் சோபா உள்ளதா? அப்படியானால் வாஸ்து சாஸ்திரத்தின் படி, சோபாவை தெற்கு அல்லது மேற்கு திசையில் வைப்பது நல்லது. இதனால் வீட்டில் மகிழ்ச்சியும் செழிப்பும் இருக்கும். அதோடு, வீட்டில் உள்ளோரின் வாழ்வில் வறுமை வராது மற்றும் லட்சுமி தேவியும் வீட்டில் நிலைத்திருப்பார்.

டிவியை எந்த திசையில் வைக்க வேண்டும்?

டிவி அனைவரது வீட்டிலும் இருக்கும் ஒரு அத்தியாவசிய பொருளாகும். இந்த டிவியை வாஸ்துப்படி வீட்டின் கிழக்கு சுவரில் வைக்க வேண்டும். கிழக்கு திசையில் டிவியை வைத்து பார்ப்பதன் மூலம், வீட்டினுள் நேர்மறை ஆற்றல் பரவியிருக்கும். அத்துடன் வீட்டில் உள்ளோரின் வாழ்வில் மகிழ்ச்சியும், செழிப்பும் நிலைத்திருக்கும். முக்கியமாக வாஸ்து தெய்வங்கள் மகிழ்ச்சியாக இருப்பார்கள்.

ஃப்ரிட்ஜ்ஜை எந்த திசையில் வைக்க வேண்டும்?

டிவி-க்கு அடுத்தபடியாக அனைவரது வீட்டிலும் இருக்கும் மற்றொரு பொருள் தான் ஃப்ரிட்ஜ். வாஸ்துப்படி, ஃப்ரிட்ஜை வீட்டின் வடகிழக்கு திசையில் மட்டும் வைக்கக்கூடாது. மேலும் சுவர்கள் மற்றும் வீட்டின் மூலைகளில் இருந்து குறைந்தபட்சம் ஒரு அடி தூரத்தில் வைக்க வேண்டும். ஃப்ரிட்ஜை வைக்க சிறந்த திசை மேற்கு திசையாகும். இந்த திசையில் வைப்பதால், வீட்டில் உள்ள வாஸ்து தெய்வங்கள் மகிழ்ச்சியாக இருப்பார்கள்.

வீட்டில் ஃப்ரிட்ஜை வைக்கும் போது நினைவில் கொள்ள வேண்டியவை:

முக்கியமாக ஃப்ரிட்ஜை வீட்டின் எந்த வாசலுக்கு முன்பும் வைக்கக்கூடாது. கதவுக்கு முன் ஃப்ரிட்ஜை வைக்கும் போது, அது நேர்மறை ஆற்றலின் ஓட்டத்தைத் தடுக்கும். அதேப்போல் மைக்ரோஓவன், ஸ்டவ் போன்றவற்றையும் ஃப்ரிட்ஜிற்கு அருகே வைக்கக்கூடாது. ஏனெனில் ஸ்டவ் நெருப்பு உறுப்பு, ஃப்ரிட்ஜ் நீர் உறுப்பு. இவை இரண்டையும் அருகருகே வைக்கும் போது, அது வாஸ்து குறைபாட்டை ஏற்படுத்தி, பல பிரச்சனைகளை வீட்டினுள் உருவாக்கும். குறிப்பாக ஃப்ரிட்ஜை வடகிழக்கு அல்லது தென்மேற்கு மூலையில் மட்டும் வைத்துவிடாதீர்கள்.