சர்க்கரை நோயாளிகளே! உங்க இரத்த சர்க்கரை அளவை குறைக்க 'இந்த' மாவை உங்க உணவில் சேர்த்துக்கோங்க!

இன்றைய நாளில் அதிகரித்து வரும் முக்கிய சுகாதார பிரச்சனைகளில் சர்க்கரை நோய் முதலிடத்தில் உள்ளது. ஏனெனில், வீட்டில் ஒருவருக்கு சர்க்கரை நோய் பாதிப்பு இருக்கிறது. 35 வயதை கடந்ததும் சக்கரை நோய் வந்துவிடுமோ என்ற அச்சம் ஒவ்வொருக்குள்ளும் இருக்கிறது. சர்க்கரை நோய், உங்கள் ஒட்டுமொத்த ஆரோக்கியத்தையும் பாதிக்கும்.

சர்க்கரை நோய் ஏற்படுவதற்கு பல்வேறு காரணங்கள் உள்ளன. இருப்பினும், உடல் பருமன், ஆரோக்கியமற்ற உணவுகள், வாழ்க்கை முறை மாற்றங்கள் ஆகியவை சர்க்கரை நோய் வருவதற்கு முக்கிய பங்கு வகிக்கின்றன. ஆய்வுகளின்படி, இந்தியாவில் நீரிழிவு நோயின் பாதிப்பு நாளுக்கு நாள் அதிகரித்து வருவதாகக் கூறுகிறது.

நிபுணர்களின் கூற்றுப்படி, நாட்டில் சர்க்கரை நோயாளிகளின் விகிதம் அதிகரித்து வருவதில் உணவுப் பழக்கம் முக்கிய பங்கு வகிக்கின்றன. ஆதலால், நீரிழிவு நோயாளிகள் என்ன சாப்பிடுகிறார்கள் என்பதில் கவனமாக இருக்க வேண்டும். இல்லையெனில், இரத்தத்தில் சர்க்கரை அளவு அதிகரிக்கலாம். இது அதிகரித்த இரத்த அழுத்தம், கொலஸ்ட்ரால், இதய நோய் மற்றும் பக்கவாதம் ஏற்படும் ஆபத்தை அதிகரிக்கும்.

உங்கள் இரத்த சர்க்கரை அளவை நிர்வகிக்க சரியான வழிகளைத் தேடுகிறீர்கள் என்றால்? சரியான மாவைப் பயன்படுத்த தொடங்குவது ஒரு சிறந்த வழியாகும். சர்க்கரை நோயாளிகளுக்கான சிறந்த மாவு பற்றி இக்கட்டுரையில் தெரிந்து கொள்ளுங்கள்.

தினை மாவு
அதிக ஆரோக்கிய நன்மைகளை கொண்டுள்ள சிறுதானியங்களில் தினையும் ஒன்று. இதில், மாங்கனீசு நிறைந்துள்ளது. இது குளுக்கோனோஜெனீசிஸ் செயல்முறையின் மூலம் சர்க்கரை அளவைக் கட்டுப்படுத்த உதவுகிறது.

உங்களுக்கு நீரிழிவு நோய் இருந்தால், உங்கள் உணவில் தினை மாவை கட்டாயம் சேர்த்துக்கொள்ளுங்கள். மேலும், நீரிழிவு நோய் ஏற்படுவதைத் தடுக்கவும் தினை மாவு (அமராந்த் மாவு) சாப்பிட நிபுணர்கள் பரிந்துரைக்கின்றனர்.

ராகி மாவு
ராகி மாவில் பாலிஃபீனால்கள், அமினோ அமிலங்கள் மற்றும் உணவு நார்ச்சத்து ஆகியவை நிறைந்துள்ளது. இது குறைந்த கிளைசெமிக் குறியீட்டைக் கொண்டுள்ளதோடு, முழுக்க முழுக்க நீரிழிவு நோயாளிகளுக்கு நன்மை நிறைந்த உணவாக அமைகிறது.

இந்த தானியமானது உங்களை திருப்தியடையச் செய்து, பசி உணர்வைக் குறைக்கிறது. இதனால், நீங்கள் அதிகம் சாப்பிடாமல் இருக்கலாம். இரைப்பை காலியாக்கும் நேரத்தைக் குறைக்கிறது மற்றும் இரத்தத்தில் சர்க்கரையின் அதிகரிப்பைத் தடுக்கிறது என்று கூறப்படுகிறது.

கொண்டைக்கடலை மாவு
நீரிழிவு நோயாளிகளுக்கு இது மிகவும் பொதுவான மற்றும் பிரபலமான மாவு மாற்றாகும். புரதம் அதிகளவு நிறைந்துள்ள கொண்டைக்கடலை மாவு, இன்சுலின் எதிர்ப்பைத் தடுக்க உதவுகிறது, எனவே நீரிழிவு நோயாளிகள் தங்கள் உணவில் கொண்டைக்கடலை மாவை சேர்த்துக்கொள்ளுங்கள்.

கோதுமை மாவு
கரையக்கூடிய ஃபைபர் பீட்டா-குளுக்கன் உட்பட இந்த மாவு நார்ச்சத்துக்கான நல்ல ஆதாரமாக உள்ளது. உங்கள் செரிமான மண்டலத்தில் சர்க்கரையுடன் பிணைப்பதன் மூலம் சர்க்கரை உறிஞ்சப்படுவதை மெதுவாக்குகிறது என்று ஆய்வுகள் தெரிவிக்கின்றன.

மேலும், குறைந்த கிளைசெமிக் குறியீடு இரத்த சர்க்கரையை கட்டுக்குள் வைக்கிறது. சர்க்கரை நோயாளிகள் தங்கள் அன்றாட உணவில் கோதுமை மாவை சேர்க்க நிபுணர்கள் பரிந்துரைக்கிறார்கள்.

பாதாம் மாவு
பாதம் மாவு நன்றாக அரைக்கப்பட்ட பாதாமில் இருந்து தயாரிக்கப்படுகிறது, இது வழக்கமான மாவுக்கு பசையம் இல்லாத மாற்றாகும். குறைந்த கார்போஹைட்ரேட்டுகள், அதிக புரதம், நார்ச்சத்து மற்றும் இதயத்திற்கு ஆரோக்கியமான கொழுப்புகள் இதில் நிறைந்துள்ளது. குறைந்த கிளைசெமிக் குறியீட்டைக் கொண்டிருக்கும் பாதம் மாவு, உங்கள் இரத்த சர்க்கரை அளவைக் கட்டுப்படுத்த உதவுகிறது.

Disclaimer: இந்தக் கட்டுரையில் வழங்கப்பட்ட தகவல்கள் பொதுவான தகவல் மற்றும் கல்வி நோக்கங்களுக்காக மட்டுமே, மேலும் இது தொழில்முறை மருத்துவ ஆலோசனை, நோயறிதல் அல்லது சிகிச்சைக்கு மாற்றா பகிரப்படவில்லை. மருத்துவ நிலை குறித்து உங்களுக்கு ஏதேனும் கேள்விகள் இருந்தால் உங்கள் மருத்துவர் அல்லது தகுதிவாய்ந்த சுகாதார வழங்குநரின் ஆலோசனையைப் பெறவும்.