சரக்கு-ல எனர்ஜி பானங்களை கலந்து குடிச்சா என்ன நடக்கும் தெரியுமா?

உண்மை #1

எனர்ஜி பானங்களை அளவுக்கு அதிகமாக அருந்துவது POTS என்னும் நிலையை உண்டாக்கும். POTS என்பது போஸ்டரல் ஆர்த்தோஸ்டேடிக் டாக்ரிக்கார்டியா நோய்க்குறி. இது இரத்த ஓட்டத்தைப் பாதிக்கும் ஒரு நிலை. இந்த நிலையால் பாதிக்கப்பட்டவர்களுக்கு லேசான தலைவலி, மயக்கம், அசௌகரியமான, வேகமான இதயத் துடிப்பு போன்றவை ஏற்படும். மேலும் இந்த கோளாறு நாள்பட்ட சோர்வையும் ஏற்படுத்தும்.

உண்மை #2

எனர்ஜி பானங்கள் ஆர்த்தோஸ்டேடிக் சகிப்புத்தன்மையுடன் இணைக்கப்பட்டுள்ளன. இது தூக்க நிலையில் இருந்து எழும் போது, உங்கள் இதயம் வழக்கத்தை விட வேகமாக துடிக்கும் ஓர் நிலையே தவிர வேறொன்றும் இல்லை.

உண்மை #3

ஆல்கஹால் ஒரு நியூரோடாக்சின் என்பதால் இது மிகவும் ஆபத்தானது. அதோடு சில வகையான ஆல்கஹால், இன்சுலின் அளவை அதிகரிப்பதுடன், சர்க்கரை நோயையும் ஏற்படுத்தக்கூடும். இப்படிப்பட்ட ஆல்கஹால் உடன் எனர்ஜி பானங்களை சேர்த்தால் எவ்வளவு மோசமான விளைவை சந்திக்கக்கூடும் என்பதை சற்று யோசித்துப் பாருங்கள்.

உண்மை #4

உங்களுக்கு அடிக்கடி எனர்ஜி பானங்களை அருந்த வேண்டுமென்ற உணர்வு ஏற்பட்டால், அது உங்கள் உடலில் போதுமான ஆற்றல் இல்லை என்பதற்கான அறிகுறி. இது ஒரு நல்ல நிலை அல்ல. இம்மாதிரியான நிலையில் உடனே மருத்துவரை அணுக வேண்டும்.

உண்மை #5

மன அழுத்தம் நிறைந்த வாழ்க்கை முறைகள், தூக்கமின்மை, மனச்சோர்வு, மோசமான ஊட்டச்சத்து மற்றும் எதிர்மறை உணர்ச்சிகள் போன்ற சில காரணிகள், எனர்ஜி பானங்களை ஆல்கஹால் உடன் கலப்பது போன்ற சோதனைகளை முயற்சிக்க வைக்கத் தூண்டும் என்று ஆரோக்கிய நிபுணர்கள் கூறுகின்றனர்.

உண்மை #6

மன அழுத்தம் அல்லது அடிக்கடி பதட்டமடையக்கூடியவர்கள், ஆல்கஹால் மற்றும் எனர்ஜி பானங்கள் இரண்டையும் முற்றிலும் தவிர்க்க வேண்டும். இல்லாவிட்டால், அவர்களின் மனம் மற்றும் உடல் ஆரோக்கியம் படுமோசமாக பாதிக்கப்படலாம்.

உண்மை #7

எனர்ஜி பானங்களில் காப்ஃபைன் மற்றும் செயற்கை சுவையூட்டிகள் ஏராளமான அளவில் நிறைந்துள்ளதால், இந்த பானத்தை அதிகளவில் அருந்தும் போது, அது புற்றுநோயை உண்டாக்குவதோடு, உயிருக்கே பேராபத்தை உண்டாக்கிவிடும். ஆகவே இந்த கலவையைத் தவிர்த்து விலகி இருப்பதே நல்லது.