எலும்பு புற்றுநோயின் சில ஆரம்பகால எச்சரிக்கை அறிகுறிகள்!

வலி மற்றும் வீக்கம்

கால் மூட்டுகளில் தொடர்ச்சியான வலி மற்றும் வீக்கத்தை அவதிப்பட்டு வருகிறீர்களா? இந்த வலியால் சரியாக தூங்க முடியாமல் கஷ்டப்படுகிறீர்களா? உங்களின மன அமைதி பாதிக்கப்படுகிறதா? அதுவும் இந்த வலி மிதமானதாக இருந்து, இரவு நேரத்தில் அடிக்கடி எழுப்பினால், எலும்பு புற்றுநோய் இருக்க வாய்ப்புள்ளது என்று அர்த்தம்.

எடை இழப்பு

பொதுவாக உடல் எடையானது நாம் முயற்சி செய்து குறைந்தால் பிரச்சனையில்லை. ஆனால் எந்த ஒரு முயற்சியுமின்றி ஒருவர் திடீரென்று உடல் எடை குறைந்தால், உடலில் ஏதோ பிரச்சனை உள்ளது என்று அர்த்தம். இம்மாதிரியான திடீர் எடை இழப்பு பல நோய்களின் ஒரு முக்கிய அறிகுறியாக இருப்பதால், மருத்துவரை அணுகி உடலை சோதனை செய்து பாருங்கள். ஏனெனில் எடை இழப்பும் எலும்பு புற்றுநோயின் அறிகுறிகளுள் ஒன்று.

உடல் சோர்வு

நீங்கள் எந்நேரமும் சோர்வை உணர்கிறீர்களா? அடிப்படி உடல்நலம் சரியில்லாதது போல் உணர்கிறீர்களா? தினசரி வேலைகளை கூட செய் முடியாமல் கஷ்டப்படுகிறீர்களா? அப்படியென்றால் உடனே மருத்துவரை அணுகி செக்-அப் செய்து பாருங்கள். ஏனென்றால் உடல் சோர்வும் எலும்பு புற்றுநோயின் அறிகுறிகளுள் ஒன்றாகும்.

நொண்டி நடப்பது

நீங்கள் நடக்கும் போது நொண்டி நடப்பது போன்று உணர்கிறீர்களா? பொதுவாக வலி, பலவீனம், நரம்புத்தசை ஏற்றத்தாழ்வு அல்லது எலும்பு சிதைவு போன்றவற்றால் நொண்டி நடக்க நேரிடும். எனவே இம்மாதிரியான சூழ்நிலையில் உடனே மருத்துவரை அணுகி பரிசோதனை செய்து பாருங்கள். எலும்பு புற்றுநோயின் முக்கிய அறிகுறிகளில் ஒன்று நொண்டுவது.

இரவு நேரத்தில் வியர்ப்பது

உங்களுக்கு சமீப காலமாக இரவு நேரத்தில் அதிகமாக வியர்க்கிறதா? அப்படியானால் உடனே மருத்துவரை அணுகி அவரிடம் இதை தெரிவியுங்கள். ஏனெனில் இதுவும் எலும்பு புற்றுநோயாக இருக்கலாம்.

நகர இயலாமை

உங்களால் நகர முடியவில்லையா? நடக்கவோ அல்லது உட்காரவோ முடியவில்லையா? அப்படியானால் தாமதிக்காமல் உடனே மருத்துவரிடம் செல்லுங்கள். ஏனெனில் இதுவும் எலும்பு புற்றுநோயின் அறிகுறிகளுள் ஒன்றாகும்.

காய்ச்சல்

காய்ச்சல் அனைவரும் பொதுவாக சந்திக்கும் ஒரு பிரச்சனையாக இருக்கலாம். ஆனால் மேலே கொடுக்கப்பட்டுள்ள அறிகுறிகளுடன் காய்ச்சலும் தொடர்ந்து இருந்தால், அது எலும்பு நோயாக இருக்கலாம். எனவே விழிப்போடு இருங்கள்.

மூட்டு விறைப்பு

மூட்டு விறைப்பு உள்ளதா? உங்களின் அன்றாட செயல்பாடுகளை கூட செய்வது கடினமாக உள்ளதா? மூட்டு விறைப்புடன், மூட்டு வலியையும் சந்தித்தால், உடனடியாக மருத்துவரை அணுகி அதை கவனியுங்கள். ஏனெனில் இது எலும்பு புற்றுநோயின் அறிகுறியாகும்.