நோயெதிர்ப்பு சக்தியை வலுவாக்கி, பிபி, கொலஸ்ட்ரால் பிரச்சனைக்கு முற்றுப்புள்ளி வைக்கும் கசாயம்!

ஓமம்

நாம் இதுவரை ஓமத்தை நீரில் ஊற வைத்து, அந்நீரைத் தான் குடித்திருப்போம். ஆனால் ஓமத்தை பலவாறு சாப்பிடலாம். அதுவும் சமைக்கும் குழம்புடன், சப்பாத்தியுடன் மற்றும் பிற உணவுகளுடன் கூட சேர்த்துக் கொள்ளலாம். ஆனால் ஓமத்தின் முழு நன்மைகளையும் பெற நினைத்தால், அதைக் கொண்டு கசாயம் தயாரித்துக் குடியுங்கள். கீழே ஓம கசாயம் எப்படி தயாரிப்பது என்று கொடுக்கப்பட்டுள்ளது. அதோடு அந்த கசாயத்தைக் குடிப்பதால் கிடைக்கும் நன்மைகளும் கொடுக்கப்பட்டுள்ளன. வாருங்கள் பார்ப்போம்...!

ஓம கசாயம் தயாரிப்பது எப்படி?

ஓம கசாயத்தை இரண்டே நிமிடத்தில் தயாரித்து விடலாம்.

தேவையான பொருட்கள்:

* ஓமம் - 1 டேபிள் ஸ்பூன்

* தண்ணீர் - 1/2 லிட்டர்

* எலுமிச்சை - 1 (சாறு எடுத்துக் கொள்ளவும்)

* ஆப்பிள் சீடர் வினிகர் - 1 டீஸ்பூன்

* தேன் - 1 டீஸ்பூன்

* மஞ்சள் - 1 டீஸ்பூன்

செய்முறை:

* ஒரு பாத்திரத்தை அடுப்பில் வைத்து, அதில் நீரை ஊற்றி, ஓமத்தை சேர்த்துக் கொள்ள வேண்டும்.

* மிதமான தீயில் வைத்து, நீர் பாதியாக குறையும் வரை நன்கு கொதிக்க வைக்க வேண்டும்.

* பின்பு அதை இறக்கி வடிகட்டிக் கொள்ள வேண்டும்.

* பிறகு அதில் தேன், எலுமிச்சை சாறு/ஆப்பிள் சீடர் வினிகர், மஞ்சள் தூள் சேர்த்து நன்கு கலந்து சூடாக குடிக்க வேண்டும்.

இப்போது ஓம கசாயத்தைக் குடிப்பதால் பெறும் நன்மைகள் என்னவென்று காண்போம்.

நோயெதிர்ப்பு சக்திக்கு நல்லது

ஓம விதைகளில் ஆன்டி-மைக்ரோபியல், ஆன்டி-பாராசிடிக் மற்றும் ஆன்டி-செப்டிக் பண்புகள் உள்ளன. இவை நோயெதிர்ப்பு மண்டலத்தை வலுவாக்கவும், பருவகால நோய்த்தொற்றுக்களை எதிர்க்கவும் உதவுகிறது. ஒருவர் தினமும் காலையில் ஓம கசாயத்தைக் குடித்து வந்தால், சளி, இருமல் மற்றும் பிற தொற்றுக்களில் இருந்து விலகி இருக்கலாம். சில ஆய்வுகளும் ஓம விதைகள் மழைக்காலத்தில் ஏற்படும் பிங்க் கண்கள் அல்லது விழி வெண்படல அழற்சியைத் தடுக்க சிறந்ததாக பரிந்துரைக்கின்றன.

குடல் ஆரோக்கியம் மேம்படும்

ஓம விதைகள் அனைத்து விதமான வயிற்று பிரச்சனைகளும் சரிசெய்யவல்லது. மாதவிடாய் பிடிப்புக்களில் இருந்து, அடிவயிற்று வலி, வாய்வு மற்றும் மலச்சிக்கல் என்று அனைத்து பிரச்சனைகளையும் ஓம கசாயம் போக்கவல்லது. மேலும் இந்த கசாயம் செரிமான ஆரோக்கியத்தை மேம்படுத்தி, எந்த செரிமான பிரச்சனையும் ஏற்படாமல் தடுக்கிறது.

எடை இழப்பு

ஓம விதைகளில் உள்ள கொப்பைக் குறைக்கும் பண்புகள், உடல் எடையைக் குறைக்க உதவுவதோடு மட்டுமின்றி, உடலில் உள்ள கொலஸ்ட்ரால் அளவையும் கட்டுப்பாட்டில் வைக்கும். ஓம கசாயத்தை தினமும் காலையில் வெறும் வயிற்றில் குடிக்கும் போது, கொழுப்புச் செல்கள் வேகமாக கரைக்கப்படுகின்றன. மேலும் இந்த பானம் சர்க்கரை நோய், இதய பிரச்சனைகள் மற்றும் உயர் இரத்த அழுத்தம் போன்றவற்றை நிர்வகிக்கவும் உதவுகிறது.

ஆஸ்துமா

உங்களுக்கு ஆஸ்துமா பிரச்சனை உள்ளதா? அப்படியானால் ஓம காசாயத்தை குளிர் மற்றும் மழைக்காலத்தில் தினமும் குடியுங்கள். இதனால் சுவாச குழாய்களில் உள்ள அடைப்புக்கள் நீக்கப்பட்டு, எளிதில் சுவாசிக்க முடியும்.

ஆர்த்ரிடிஸ்

இன்று பலர் ஆர்த்ரிடிஸ் பிரச்சனையால் கஷ்டப்படுகிறார்க்ள. அவர்கள் ஓம கசாயத்தைக் குடிப்பது நல்லது. ஆய்வு ஒன்றிலும் ஓம கசாயத்தை தினமும் குடிப்பது ஆர்த்ரிடிஸ் வலியில் இருந்து நிவாரணம் அளிப்பதாக கண்டறியப்பட்டுள்ளது.

எனவே தினமும் காலையில் காபி, டீக்கு பதிலாக, ஓம கசாயத்தைக் குடியுங்கள், உங்கள் ஆரோக்கியத்தை சிறப்பாக வைத்துக் கொள்ளுங்கள்.