எச்சரிக்கை! ஒருவருக்கு இனப்பெருக்க பிரச்சனை இருந்தால் இளம் வயதிலேயே இந்த அறிகுறி தெரியுமாம்..

தாமதமாக பருவமடைவது

பாலியல் வளர்ச்சியானது பொதுவாக ஒரு குறிப்பிட்ட காலத்தில் நிகழும். எப்போது ஒரு ஆண் குழந்தையின் உடலில் டெஸ்டோஸ்டிரோன் மற்றும் பெண் குழந்தையின் உடலில் ஈஸ்ட்ரோஜென் உற்பத்தியில் தாமதம் ஏற்படுகிறதோ, அப்போது பருவமடைவது தாமதமாகும்.

ஆண் ஹைபோகோனாடிசம்

ஹைபோகோனாடிசம் என்பது போதுமான அளவு டெஸ்டோஸ்டிரோனை உற்பத்தி செய்ய முடியாத நிலையாகும். டெஸ்டோஸ்டிரோன் என்னும் ஹார்மோன் தான் ஆண்களின் வளர்ச்சி மற்றும் பருவமடைவதில் முக்கிய பங்கை வகிக்கிறது.

வேகமாக பருவமடைவது

ஒரு ஆண் அல்லது பெண் குழந்தை எதிர்பார்த்த வயதை விட முன்னதாகவே பருவமடைந்தால், அது முன்கூட்டியே பருவமடைதல் (precocious puberty) என்று அழைக்கப்படுகிறது. அதாவது குழந்தையின் பாலியல் முதிர்ச்சியானது வழக்கத்தை விட வேகமாக உருவாவதை இது குறிக்கிறது. முன்கூட்டியே பருவமடைவது பெண்களில் 8 வயதிற்கு முன்பும், ஆண்களில் 9 வயதிற்கு முன்பும் ஏற்படலாம்.

அமினோரியா

ஒரு பெண்ணிற்கு மாதவிடாய் இரத்தப்போக்கு ஏற்படாமல் இருக்கும் நிலை தான் அமினோரியா. இது ஹார்மோன் ஏற்றத்தாழ்வுகள், பிறப்பு குறைபாடுகள், போதுமான உடற்பயிற்சியில்லாமை அல்லது உணவுப் பழக்கங்கள் ஆகியவற்றால் ஏற்படலாம். இது தவிர பிறப்புறுப்பு குழாயில் பிரச்சனைகள் இருந்தாலும் இது ஏற்படக்கூடும்.

அளவுக்கு அதிகமான இரத்தப்போக்கு

டீனேஜ் வயது பெண்கள் சந்திக்கும் ஒரு பொதுவான பிரச்சனை தான் அளவுக்கு அதிகமாக இரத்தப்போக்கு ஏற்படுவது. அதுவும் சிலருக்கு ஒழுங்கற்ற இடைவெளியில் மற்றும் நீண்ட நாட்கள் இரத்தப்போக்கு ஏற்படும். இப்படி ஏற்பட்டால் அதை கவனிக்காமல் விட்டுவிடக்கூடாது. ஏனெனில் இது பிற்காலத்தில் குழந்தை பிறப்பதில் பிரச்சனையை ஏற்படுத்தலாம். எனவே இம்மாதிரியான பிரச்சனையை சந்தித்தால், உடனே மருத்துவரை அணுகி சோதனை செய்ய வேண்டும்.

மாதவிடாய் பல மாதங்கள் தள்ளிப்போவது

பருவமடைந்த பின் சில மாதங்கள் சில பெண்களுக்கு மாதவிடாய் சுழற்றி ஒழுங்கற்றதாக இருக்கலாம். ஆனால் இந்த மாதிரியான மாதவிடாய் சுழற்சி பிரச்சனையானது சில மாதங்கள் அல்லது வருடங்களில் தானாகவே சரியாகிவிடும். ஒருவேளை சரியாகாமல் இருந்தால், உடனே மருத்துவரை அணுக வேண்டும்.

வலிமிக்க மாதவிடாய்

பருவ வயதில் சில பெண்கள் மாதவிடாய் சுழற்சிக்கு முன் அல்லது மாதவிடாய் காலத்தில் தாங்க முடியாத கடுமையான வயிற்று வலியை சந்திப்பார்கள். இது சில பெண்களுக்கு சாதாரணமாகவும், இன்னும் சில பெண்களுக்கு எண்டோமெட்ரியோசிஸ் பிரச்சனையின் காரணமாகவும் ஏற்படலாம். இந்த மாதிரியான வலி பெரும்பாலும் வலி நிவாரணி மாத்திரைகள், கை வைத்தியங்கள், ஹாட் பேக்ஸ் போன்றவற்றால் சரியாகலாம். கடுமையான சந்தர்ப்பங்களில் எண்டோமெட்ரியோசிஸிற்கு அறுவை சிகிச்சை தேவைப்படலாம்.