உங்க கை விரலில் இப்படி தோல் உரியுதா? அப்ப உடம்புல இந்த சத்து கம்மியா இருக்க வாய்ப்பிருக்கு..

நகம் கடிப்பது

நகங்களைக் கடிக்கும் போது க்யூட்டிகிள்கள் மற்றும் நகங்கள் சேதமடையும். சேதமடைந்த க்யூட்டிகல்கள் சரும தொற்றுக்கு வழிவகுக்கும். இதன் காரணமாகவே நகங்களைக் கடிப்பவரின் விரல் நகங்களைச் சுற்றியுள்ள தோல் அடிக்கடி உரிந்து, வலியை ஏற்படுத்துகிறது. எனவே நகம் கடிக்கும் பழக்கத்தை கைவிடுங்கள், தானாக இது சரியாகிவிடும்.

கெமிக்கல் நிறைந்த பொருட்கள்

சோப்பு, ஷாம்பு மற்றும் பிற அழகு சாதன பொருட்களில் உள்ள கெமிக்கல்கள் கூட சருமத்தில் எரிச்சலை ஏற்படுத்தலாம் மற்றும் விரல் நங்களைச் சுற்றியுள்ள தோல் உரியவும் காரணமாக இருக்கலாம். ஏனெனில் அழகு கலை நிபுணர்களும் இந்த காரணங்களுக்காக இப்பிரச்சனையை சந்தித்து வருகிறார்கள்.

ஊட்டச்சத்து குறைபாடு

வைட்டமின் அல்லது கால்சியம் குறைபாடு உடலில் இருந்தாலும், நகங்களைச் சுற்றியுள்ள தோல் உரியும். ஏனெனில் இந்த சத்துக்களின் குறைபாடு வறட்சியை அதிகம் ஏற்படுத்தும். இதன் விளைவாக தோல் உரிய வாய்ப்புள்ளது. குறிப்பாக உடலில் அதிகளவில் வைட்டமின் ஏ இருந்தாலும் அல்லது நியாசின் குறைபாடு இருந்தாலும், நகங்களைச் சுற்றியுள்ள தோல் உரிய வாய்ப்புள்ளது.

அதிகமாக கை கழுவுவது

சோப்பு பயன்படுத்தி கைகளை சுத்தம் செய்யும் போது, சருமத்தில் உள்ள பாதுகாப்பு படலமாக இருக்கும் எண்ணெய்பசை நீக்கப்படுவதோடு, சோப்பானது சருமத்தின் உணர்திறன் அடுக்குகளில் சோப்பை உறிஞ்சி, எரிச்சல் மற்றும் தோல் உரிய வழிவகுக்கும்.

காலநிலை

பொதுவாக சருமத்தில் ஏற்படும் பிரச்சனைகளுக்கு சுற்றுச்சூழல் காரணிகளும் முக்கிய பங்கை வகிக்கின்றன. குறிப்பாக வறண்ட காலநிலை, குளிர்காலம் மற்றும் குளிர்ச்சியான காலநிலை போன்றவையும் விரல் நகங்களைச் சுற்றியுள்ள தோல் உரிய காரணங்களாக இருக்கலாம்.

அலர்ஜி

அலர்ஜிகளும் ஒருவரது விரல் நகங்களைச் சுற்றியுள்ள தோல் உரிவதற்கு காரணமாக இருக்கலாம். அதுவும் அலர்ஜியை ஏற்படுத்தும் விஷயங்களை தொடர்ந்து தொடும் போது, அது எதிர்வினையை ஏற்படுத்தி தோல் உரிவதற்கு வழிவகுக்கும். இதைத் தவிர்க்க சிறந்த வழி, அலர்ஜியை ஏற்படுத்தும் பொருட்களை தொடாமல் இருப்பது தான்.