நல்ல கட்டுமஸ்தான உடலுடன் இருக்க நம் முன்னோர்கள் சாப்பிட்டது இந்த பழத்தை தான் தெரியுமா?

கொய்யாவில் வைட்டமின் சி, டயட்டரி நார்ச்சத்து மற்றும் ஃபோலிக் அதிகம் அதிகளவில் நிறைந்துள்ளது. மேலும் இது உடல் எடையைக் குறைக்கவும் உதவி புரியக்கூடியது.

Updated: Monday, August 31, 2020, 15:39 [IST]

ஆரோக்கியமாக இருக்கவும், நோயில்லாத வாழ்க்கையை வாழவும் பழங்கள் மிகவும் இன்றியமையாத ஒன்று. யார் ஒருவர் பழங்கள் மற்றும் காய்கறிகளை அதிகம் தங்களின் உணவில் சேர்க்கிறார்களோ, அவர்களுக்கு நாள்பட்ட நோய்களின் அபாயத்தைக் குறைப்பதற்கான வாய்ப்பு இருப்பதாக ஆய்வுகளில் நிரூபிக்கப்பட்டுள்ளது. பழங்கள் ஆரோக்கியமான உடலைப் பராமரிக்க நம் உடலுக்குத் தேவையான அத்தியாவசிய சத்துக்களை வழங்குகிறது.

பெரும்பாலான பழங்களில் கொழுப்பு, கலோரிகள் மற்றும் சோடியம் குறைவாக உள்ளன. மேலும் பழங்களில் அத்தியாவசிய ஊட்டச்சத்துக்களான பொட்டாசியம், டயட்டரி நார்ச்சத்து, வைட்டமின் சி மற்றும் ஃபோலேட் போன்றவைகளும் அதிகம் நிறைந்துள்ளன. அப்படிப்பட்ட ஏராளமான ஊட்டச்சத்துக்களைத் தன்னுள் கொண்ட, பல்வேறு ஆரோக்கிய நன்மைகளை வாரி வழங்கும் ஓர் பழம் தான் கொய்யா.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்

வெப்ப மண்டல பழம்

வெப்ப மண்டல பழமான கொய்யா, மெக்ஸிகோ, மத்திய அமெரிக்கா, கரீபியன் மற்றும் வடதெற்கு அமெரிக்காவை பூர்வீகமாகக் கொண்டது. இந்த பழம் பெரும்பாலும் அப்படியே சாப்பிடக்கூடியதாக இருப்பதோடு, இது பல்வேறு சமையல் சாஸ்கள், மிட்டாய்கள், உலர்ந்த தின்பண்டங்கள், ஃபுரூட் பார்கள் மற்றும் இனிப்பு வகைகளில் பயன்படுத்தப்படுகிறது.

கொய்யாப்பழத்தின் சத்துக்கள்

கொய்யாவில் வைட்டமின் சி, டயட்டரி நார்ச்சத்து மற்றும் ஃபோலிக் அதிகம் அதிகளவில் நிறைந்துள்ளது. மேலும் இது உடல் எடையைக் குறைக்கவும் உதவி புரியக்கூடியது. நீங்கள் உடல் எடையைக் குறைக்கும் முயற்சியில் ஈடுபட்டிருந்தால், கொய்யாப்பழத்தை எப்படியெல்லாம் சாப்பிட்டால் உடல் எடை குறையும் என்பதை தொடர்ந்து படித்து தெரிந்து கொள்ளுங்கள்.

எடை இழப்பிற்கு எப்படி கொய்யா உதவுகிறது?

கொய்யாப்பழம் உடல் எடையைக் குறைக்க உதவும் பழங்களுள் முக்கியமான ஒன்று. இதன் ஒரு பழத்தில் 37 கலோரிகள் மற்றும் ஒரு நாளைக்கு தேவையான நார்ச்சத்தில் 12% நிறைந்துள்ளது. மேலும் இது கலோரி குறைவான பழம் மட்டுமின்றி, இதில் வைட்டமின்கள் மற்றும் கனிமச்சத்துக்களும் அதிகம் உள்ளது. முக்கியமாக இதில் புரோட்டீன்கள் அதிகம் உள்ளது. கொய்யாவில் உள்ள புரோட்டீன் மற்றும் நார்ச்சத்து, செரிமானமாவதற்கு நீண்ட நேரம் எடுப்பதால், விரைவில் பசி எடுப்பதைத் தடுத்து, பசியுணர்வைக் கட்டுப்படுத்தும்.

மேலும் இதில் அதிகளவு நார்ச்சத்து உள்ளதால், சீரான வளர்சிதை மாற்றத்திற்கு உதவுகிறது. கனியாத கொய்யாவில் ஆப்பிள், ஆரஞ்சு அல்லது திராட்சையை விட குறைவான அளவு சர்க்கரை உள்ளது. இந்த பழத்தை எந்த வடிவில் எடுத்தாலும், குடலியக்கம் சிறப்பாக இருக்கும் மற்றும் ஆரோக்கியமான செரிமானத்தை தூண்டி வேகமான எடை இழப்பிற்கு உதவி புரியும்.

இப்போது உடல் எடையைக் குறைக்க கொய்யாவை எப்படியெல்லாம் உட்கொள்ளலாம் என்று சில வழிகளைக் காண்போம் வாருங்கள்.

கொய்யா சட்னி

தேவையான பொருட்கள்:

* கொய்யா பழம் - 250 கிராம் (துண்டுகளாக்கப்பட்டது)

* பச்சை மிளகாய் - 2 டேபிள் ஸ்பூன் (பொடியாக நறுக்கியது)

* எலுமிச்சை சாறு - 1 டேபிள் ஸ்பூன்

* நறுக்கிய இஞ்சி - 1 டேபிள் ஸ்பூன்

* கொத்தமல்லி - 2 டேபிள் ஸ்பூன்

* உப்பு - தேவையான அளவு

செய்முறை:

மேலே கொடுக்கப்பட்டுள்ள அனைத்து பொருட்களையும் மிக்ஸியில் போட்டு நன்கு மென்மையாகும் வரை அரைத்தால், கொய்யா சட்னி ரெடி!

கொய்யா ஜூஸ்

தேவையான பொருட்கள்:

* கொய்யாப் பழம் - 2 கப் (நறுக்கியது)

* சர்க்கரை - 1 டேபிள் ஸ்பூன்

* தண்ணீர் - 2 கப்

செய்முறை:

* மிக்ஸியில் அனைத்தையும் போட்டு நன்கு மென்மையாகும் வரை அரைத்துக் கொள்ள வேண்டும்.

* பின் ஒரு பாத்திரத்தில் அரைத்த கலவையை வடிகட்டினால், சுவையான கொய்யா ஜூஸ் ரெடி!

கொய்யா சாலட்

நன்கு கனிந்த கொய்யா பழத்தை நீரில் நன்கு கழுவி, சிறு துண்டுகளாக வெட்டிக் கொள்ள வேண்டும். பின் அதில் சிறிது ப்ளாக் சால்ட் மற்றும் மிளகாய் தூளை மேலே தூவினால், கொய்யா சாலட் தயார்!