For Quick Alerts
ALLOW NOTIFICATIONS  
For Daily Alerts

தூங்கும் போது இந்த பிரச்சினைகள் இருந்தால் உங்க இதயம் ஆபத்தில் இருக்குனு அர்த்தமாம்... ஜாக்கிரதை...!

|

தூக்கம் என்பது அனைத்து உயிரினங்களுக்கும் அவசியமான ஒன்றாகும். ஏனெனில் தூக்கம் என்பது இழந்த ஆற்றலை மீட்டு நம் உடல் மீண்டும் புத்துணர்ச்சி நிலையை அடைய உதவுவதாகும். நல்ல தூக்கத்தைப் பெறுவது உங்கள் ஆற்றல் மட்டங்களுக்கு மட்டும் முக்கியமல்ல - இது உங்கள் இதய ஆரோக்கியத்திற்கும் முக்கியமானது. ஏனெனில் தூக்கம் இதய ஆரோக்கியத்துடன் நேரடியாக இணைக்கப்பட்டுள்ளது.

தூக்கம் என்பது ஆடம்பரம் அல்ல. இது நல்ல ஆரோக்கியத்திற்கு முக்கியமானது. தூக்கம் உங்கள் உடலைத் தானே சரிசெய்ய உதவுகிறது. போதுமான நல்ல தூக்கம் பகலில் சாதாரணமாக செயல்பட உதவுகிறது. தூக்கம் உங்கள் இதய ஆரோக்கியத்திற்கு எவ்வளவு முக்கியமானது என்பதை இந்த பதிவில் பார்க்கலாம்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
ஒருவருக்கு எவ்வளவு தூக்கம் தேவை?

ஒருவருக்கு எவ்வளவு தூக்கம் தேவை?

பெரும்பாலான பெரியவர்களுக்கு ஒவ்வொரு இரவும் குறைந்தது 7 மணிநேரம் தூக்கம் தேவை. இருப்பினும், இந்தியாவில் 3ல் 1 பெரியவருக்கு பரிந்துரைக்கப்பட்ட அளவு தூக்கம் கிடைக்கவில்லை என்று கூறுகிறார்கள். இது ஓரிரு நாட்கள் நன்றாக இருந்தாலும், போதுமான தூக்கமின்றி இருப்பது காலப்போக்கில் கடுமையான உடல்நலப் பிரச்சனைகளுக்கு வழிவகுக்கும், மேலும் சில உடல்நலப் பிரச்சனைகளை மோசமாக்கும்.

தூக்கமின்மையுடன் தொர்புடைய ஆரோக்கிய பிரச்சினைகள் என்ன?

தூக்கமின்மையுடன் தொர்புடைய ஆரோக்கிய பிரச்சினைகள் என்ன?

ஒவ்வொரு இரவும் 7 மணி நேரத்திற்கும் குறைவாக தூங்கும் பெரியவர்கள், மாரடைப்பு, ஆஸ்துமா மற்றும் மனச்சோர்வு உள்ளிட்ட உடல்நலப் பிரச்சினைகளுக்கு எளிதில் ஆளாகலாம். இந்த உடல்நலப் பிரச்சனைகளில் சில இதய நோய், மாரடைப்பு மற்றும் பக்கவாதம் ஏற்படும் அபாயத்தை அதிகரிக்கின்றன.

உயர் இரத்த அழுத்தம்

உயர் இரத்த அழுத்தம்

சாதாரண தூக்கத்தின் போது, உங்கள் இரத்த அழுத்தம் குறையும். தூக்கத்தில் சிக்கல்கள் இருந்தால், உங்கள் இரத்த அழுத்தம் நீண்ட காலத்திற்கு அதிகமாக இருக்கும்.4 இதய நோய் மற்றும் பக்கவாதத்திற்கான முக்கிய ஆபத்துகளில் உயர் இரத்த அழுத்தம் ஒன்றாகும்.

MOST READ: இந்த 5 ராசிக்காரங்ககிட்ட தெரியாம கூட வம்பு வைச்சுக்காதீங்க...உங்களுக்கு நரகத்தை காட்டாம விடமாட்டாங்க...!

டைப் 2 நீரிழிவு

டைப் 2 நீரிழிவு

நீரிழிவு என்பது உங்கள் இரத்தத்தில் சர்க்கரையை உருவாக்கும் ஒரு நோயாகும், இது உங்கள் இரத்த நாளங்களை சேதப்படுத்தும். சில ஆய்வுகள் போதுமான அளவு நல்ல தூக்கம் மக்கள் இரத்த சர்க்கரை கட்டுப்பாட்டை மேம்படுத்த உதவும் என்று காட்டுகின்றன.

உடல் பருமன்

உடல் பருமன்

தூக்கமின்மை ஆரோக்கியமற்ற எடை அதிகரிப்புக்கு வழிவகுக்கும். பெரியவர்களை விட அதிக தூக்கம் தேவைப்படும் குழந்தைகள் மற்றும் இளம் பருவத்தினருக்கு இது குறிப்பாக பேராபத்தை ஏற்படுத்தும். போதுமான தூக்கம் இல்லாததால் பசியைக் கட்டுப்படுத்தும் மூளையின் ஒரு பகுதி பாதிக்கப்படலாம்.

இதயத்தை பாதிக்கும் தூக்க நிலைகள் என்னவென்று மேற்கொண்டு பார்க்கலாம்.

தூக்கத்தில் மூச்சுத்திணறல்

தூக்கத்தில் மூச்சுத்திணறல்

தூக்கத்தின் போது உங்கள் சுவாசப்பாதை மீண்டும் மீண்டும் தடுக்கப்படும்போது தூக்க மூச்சுத்திணறல் ஏற்படுகிறது, இதனால் நீங்கள் குறுகிய காலத்திற்கு சுவாசத்தை நிறுத்துவீர்கள். உடல் பருமன் மற்றும் இதய செயலிழப்பு போன்ற சில உடல்நலப் பிரச்சனைகளால் தூக்கத்தில் மூச்சுத்திணறல் ஏற்படலாம். தூக்க மூச்சுத்திணறல் நீங்கள் தூங்கும்போது உங்கள் உடலுக்கு எவ்வளவு ஆக்ஸிஜன் கிடைக்கிறது என்பதைப் பாதிக்கிறது மற்றும் உயர் இரத்த அழுத்தம், மாரடைப்பு மற்றும் பக்கவாதம் உள்ளிட்ட பல உடல்நலப் பிரச்சினைகளுக்கான ஆபத்தை அதிகரிக்கிறது.

இன்சோம்னியா

இன்சோம்னியா

இன்சோம்னியா என்பது தூக்கம் வராமல் இருப்பது, தூங்குவதில் பிரச்சினை அல்லது இரண்டு பிரச்சனையையும் குறிக்கிறது. பெரியவர்களில் 2 பேரில் 1 பேர் ஒரு கட்டத்தில் குறுகிய கால தூக்கமின்மையை அனுபவிக்கிறார்கள், மேலும் 10 பேரில் 1 பேர் நீண்டகால தூக்கமின்மையைக் கொண்டிருக்கலாம். தூக்கமின்மை உயர் இரத்த அழுத்தம் மற்றும் இதய நோய்களுடன் இணைக்கப்பட்டுள்ளது. காலப்போக்கில், மோசமான தூக்கம் உங்கள் இதயத்தை பாதிக்கக்கூடிய ஆரோக்கியமற்ற பழக்கங்களுக்கு வழிவகுக்கும், இதில் அதிக மன அழுத்தம், உடல்ரீதியாக சுறுசுறுப்பாக இருக்க குறைந்த உந்துதல் மற்றும் ஆரோக்கியமற்ற உணவு தேர்வுகள் ஆகியவை அடங்கும்.

MOST READ: ஆண்கள் தீவிர உடலுறவிற்கு பின் இழந்த ஆற்றலை திரும்ப பெற இதில் ஒன்றை சாப்பிட்டால் போதுமாம் தெரியுமா?

நன்றாக தூங்க நான் என்ன செய்ய வேண்டும்?

நன்றாக தூங்க நான் என்ன செய்ய வேண்டும்?

வழக்கமான தூக்க அட்டவணையை பின்பற்ற வேண்டும். ஒவ்வொரு இரவும் ஒரே நேரத்தில் படுக்கைக்குச் செல்லுங்கள் மற்றும் வார இறுதி நாட்கள் உட்பட அனைத்து நாள் காலையிலும் அதே நேரத்தில் எழுந்திருங்கள். போதுமான இயற்கை ஒளியைப் பெறுங்கள், குறிப்பாக அதிகாலை சூரிய ஒளியை. காலை அல்லது மதிய உணவு நேரத்தில் சிறிய நடைபயிற்சிக்கு செல்ல முயற்சிக்கவும். செயற்கை ஒளியைத் தவிர்க்கவும், குறிப்பாக படுக்கைக்குச் செல்ல சில மணி நேரங்களுக்கு முன். உறங்குவதற்கு சில மணிநேரங்களுக்குள் சாப்பிடவோ குடிக்கவோ வேண்டாம். ஆல்கஹால் மற்றும் கொழுப்பு அல்லது சர்க்கரை அதிகம் உள்ள உணவுகளை தவிர்க்கவும். உங்கள் படுக்கையறையை குளிர்ச்சியாகவும், இருட்டாகவும், அமைதியாகவும் வைத்திருங்கள்.

பேஸ்புக்கில் எங்களது செய்திகளை உடனுக்குடன் படிக்க க்ளிக் செய்யவும்
English summary

How Does Sleep Affect Your Heart Health in Tamil

Read to know how does sleep affect your heart health.
Story first published: Monday, March 14, 2022, 17:45 [IST]
Desktop Bottom Promotion