Just In
- 1 min ago உங்களுக்கு இந்த அறிகுறிகள் அதிகம் தெரியுதா? அப்ப உடம்புல தண்ணீர் ரொம்ப கம்மியா இருக்கு-ன்னு அர்த்தம்... உஷார்.
- 2 hrs ago 1 கப் ரேசன் அரிசி வெச்சு ஈவ்னிங் டைம்-ல இப்படியொரு ஸ்நாக்ஸ் செய்யுங்க.. அட்டகாசமா இருக்கும்..
- 3 hrs ago இரத்தத்தில் ஹீமோகுளோபின் அளவு அதிகரிக்கனுமா?.. இதை சாப்பிடுங்கள்..!
- 4 hrs ago உங்கள் கால் நகங்களை அழகாக மாற்ற அற்புதமான டிப்ஸ்..
Don't Miss
- Technology Paytm-க்கு இனி எல்லாம் புதுசு.. UPI பேமெண்ட் அதுல தான்.. 10 நாட்களுக்கு வருது.. பேடிஎம் சிஇஓ அறிவிப்பு!
- Finance ரேஷன் கார்டு: 2 லட்சம் பேர் காத்திருப்பு.. புது அப்டேட் எப்போது வரும்..!
- News யுபிஎஸ்சி வினாத்தாள்களை பிராந்திய மொழிகளில் மொழிமாற்றம் செய்யலாமே.. சென்னை ஐகோர்ட் யோசனை
- Movies கடைசி கட்டம்.. வேட்டையன் சூட்டிங் எப்போ முடியுது தெரியுமா?.. கூலி படத்துக்கும் தேதி குறித்த ரஜினி!
- Automobiles ராயல் என்பீல்டு, ஹோண்டா பைக்கை ஓட்டி ஓட்டி போரடிச்சு போச்சா.. இந்தியாவில் கால் தடம் பதிக்கிறது புதிய பிராண்டு!
- Sports இப்படி தான் சிக்சர் அடிக்கனும்.. இளம் அதிரடி வீரருக்கு சொல்லி கொடுத்த தோனி.. கவனித்த ஜடேஜா
- Education புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...!
- Travel இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
நீங்க அடிக்கடி சாப்பிடும் இந்த உணவுகள் தான் உங்களுக்கு மலட்டுத்தன்மையை உண்டாக்குது தெரியுமா?
தற்போது ஆண்களிடம் மலட்டுத்தன்மை பிரச்சனையானது ஆபத்தான விகிதத்தில் அதிகரித்து வருகிறது. இதற்கு மருத்துவ காரணங்கள் மட்டுமின்றி, சில உணவுகளும் முக்கிய காரணமாக உள்ளது.
தற்போது ஆண்களிடம் மலட்டுத்தன்மை பிரச்சனையானது ஆபத்தான விகிதத்தில் அதிகரித்து வருகிறது. இதற்கு மருத்துவ காரணங்கள் மட்டுமின்றி, சில உணவுகளும் முக்கிய காரணமாக உள்ளது. இன்றைய காலத்தில் ஜங்க் உணவுகள் மற்றும் இதர ஆரோக்கியத்தை பாழாக்கும் உணவுகள் அதிகமாக விற்கப்படுகின்றன. இந்த உணவுகளை மீண்டும் மீண்டும் வாங்க வைப்பதற்கு, அந்த உணவுகளின் சுவையை அதிகரிக்க பல செயற்கை சுவையூட்டிகள் சேர்க்கப்படுகின்றன. இதனால் இந்த உணவுகள் கருவளத்தை பாதிப்பதோடு, உடல் எடையை அதிகரித்து, வேறு பல ஆரோக்கிய பிரச்சனைகளுக்கும் வழிவகுக்கிறது.
கீழே ஆண்களின் கருவளத்தைப் பாதித்து, மலட்டுத்தன்மையை உண்டாக்கக்கூடிய சில உணவுகள் பட்டியலிடப்பட்டுள்ளன. இந்த உணவுகளை ஆண்கள் உண்பதைத் தவிர்த்து வந்தால், விந்தணுக்களின் தரம் பாதிக்கப்படுவதைத் தடுக்கலாம். சரி, இப்போது அந்த உணவுகளை எவையென்று காண்போம்.
கார்போனேட்டட் பானங்கள்
கார்போனேட்டட் பானங்களான குளிர்பானம் அல்லது விளையாட்டு பானம் போன்றவை விந்தணுக்களின் எண்ணிக்கையை பாதிக்கும். மனித இனப்பெருக்க இதழில் வெளியிடப்பட்ட ஒரு ஆய்வில், கார்போனேட்டட் பானங்களைத் தவறாமல் குடிப்பது மோசமான விந்தணு இயக்கத்துடன் இணைக்கப்பட்டுள்ளது. எனவே அடிக்கடி சோடா பானங்களை வாங்கிக் குடிக்கும் பழக்கத்தைக் கொண்டிருந்தால், உடனே அப்பழக்கத்தைக் கைவிடுங்கள்.
பதப்படுத்தப்பட்ட இறைச்சி
பதப்படுத்தப்பட்ட இறைச்சியை சாப்பிடுவது விந்தணுக்களின் எண்ணிக்கையைப் பாதிக்கும். 2014 ஆம் ஆண்டின் ஹார்வர்டு ஆய்வின் படி, பதப்படுத்தப்பட்ட இறைச்சியை அதிகமாக உட்கொண்ட ஆண்களில் குறைவான அளவில் சாப்பிட்டவர்களை விட 23 சதவீதம் விந்தணுக்கள் குறைவாக உள்ளன. தொற்றுநோயியல் இதழின் மற்றொரு ஆய்வில், பதப்படுத்தப்பட்ட இறைச்சி குறைந்த விந்தணுக்களின் எண்ணிக்கையுடன் தொடர்புடையது என்று கண்டறியப்பட்டது.
ஆல்கஹால்
மது அருந்துவதை நிறுத்த சொல்வதற்கு மற்றொரு காரணமும் இது தான். எவ்வளவு அதிகம் நீங்கள் ஆல்கஹால் குடிக்கிறீர்களோ, அந்த அளவில் விந்தணுக்களின் எண்ணிக்கையும் பாதிக்கப்படும். சில ஆய்வுகளில், மிதமான அளவில் மது அருந்தினால் கூட அது விந்தணுக்களின் தரத்தை பாதிப்பதாக கூறுகின்றன.
சீஸ் மற்றும் ஃபுல் க்ரீம் மில்க்
2013 இல் மனித இனப்பெருக்கம் குறித்து மேற்கொள்ளப்பட்ட ஆய்வில், அதிகளவிலான சீஸ் மற்றும் கொழுப்பு அதிகம் நிறைந்த பால் ஆண்களின் விந்தணுக்களின் எண்ணிக்கையைப் பாதிப்பது தெரிய வந்தது. பால் பொருட்களால் உடலுக்குத் தேவையான புரோட்டீன் மற்றும் அத்தியாவசிய ஊட்டச்சத்துக்கள் கிடைக்கலாம். ஆனால் கொழுப்பு அதிகம் நிறைந்த பால் பொருட்களான சீஸ் மற்றும் அதிக கொழுப்புள்ள பாலைத் தவிர்க்க வேண்டும்.
விந்தணுக்களின் எண்ணிக்கையை அதிகரிக்கும் உணவுகள்:
ஆரோக்கியமான உணவுப் பழக்கம் மற்றும் நற்பதமான உணவுகள் ஒட்டுமொத்த உடல் ஆரோக்கியத்திற்கு மட்டும் நல்லதல்ல, விந்தணுக்களின் ஆரோக்கியத்திற்கும் தான் நல்லது. இங்கு விந்தணுக்களின் எண்ணிக்கையை அதிகரிக்க டயட்டில் கட்டாயம் சேர்த்துக் கொள்ள வேண்டிய சில உணவுகள் கொடுக்கப்பட்டுள்ளன.
வாழைப்பழம்
வாழைப்பழங்கள் ஆண்களின் பாலுணர்ச்சியை மேம்படுத்துகின்றன மற்றும் பாலியல் ஹார்மோன்களை ஒழுங்குபடுத்துகின்றன என்பது கண்டறியப்பட்டுள்ளது. அதோடு அதில் வைட்டமின் சி, வைட்டமின் ஏ மற்றும் வைட்டமின் பி1 நிறைந்திருப்பதால், அவை ஆண்களின் கருவுறுதல் திறனை அதிகரிக்கும்.
ப்ராக்கோலி
ப்ராக்கோலி ஆண்களின் விந்தணு எண்ணிக்கையை அதிகரிப்பதாக சொல்லப்படுகிறது. அதோடு இதில் கேரட், பசலைக்கீரை, ஆப்ரிகாட், சர்க்கரைவள்ளிக் கிழங்கு போன்றவற்றைப் போல் வைட்டமின் ஏ சத்து அதிகம் நிறைந்துள்ளது.
வால்நட்ஸ்
ஆரோக்கியமான விந்தணுக்களைப் பெற தேவையாக முக்கியமான ஊட்டச்சத்து தான் ஒமேகா-3 கொழுப்பு அமிலங்கள். இது வால்நட்ஸில் அதிகம் உள்ளது. எனவே ஆண்கள் தினமும் ஒரு கையளவு வால்நட்ஸை சாப்பிட்டு வந்தால், பிறப்புறுப்பு பகுதிகளில் இரத்த ஓட்டம் மேம்பட்டு, ஆண்களின் கருவளம் அதிகரிக்கும்.
பூண்டு
பூண்டு ஆண்களின் கருவளத்தில் மாயங்களை ஏற்படுத்த வல்ல ஒரு சிறப்பான உணவுப் பொருள். பூண்டில் உள்ள அல்லிசின் மற்றும் செலினியம், விந்தணுக்கள் பாதிப்படைவதில் இருந்து பாதுகாக்கும் மற்றும் அதன் தரத்தை அதிகரிக்கும்.
டார்க் சாக்லேட்
சாக்லேட் அனைவருக்குமே பிடித்தமான ஒரு உணவுப் பொருள். அதிலும் டார்க் சாக்லேட் ஆண்களின் கருவளத்திற்கு நன்மையளிக்கக்கூடியது. இதில் உள்ள அதிகப்படியான ஆன்டி-ஆக்ஸிடன்ட், ப்ரீ-ராடிக்கல்களை எதிர்த்துப் போராட உதவும். ஆனால் ஒரு நாளைக்கு ஒன்று அல்லது இரண்டு துண்டுகளுக்கு மேல் டார்க் சாக்லேட் சாப்பிடக்கூடாது என்பதை மட்டும் நினைவில் கொள்ளுங்கள்.
வைட்டமின் சி அதிகம் நிறைந்த உணவுகள்
வைட்டமின் சி அதிகம் நிறைந்த உணவுகள் ஆண்களின் கருவளத்தை மேம்படுத்த உதவும். இந்த சத்து விந்தணுக்களில் குறைபாடு ஏற்படுவதைத் தடுக்க உதவி புரிந்து, விந்தணுக்களின் ஆரோக்கியத்தை மேம்படுத்தும்.