கோடை காலத்தில் உடற்பயிற்சிகள் செய்யும் போது பின்பற்ற வேண்டியவைகள்!

பகல் நேரத்தில் உடற்பயிற்சிகளைச் செய்யாமல் இருத்தல்

கோடை காலத்தில் பகல் நேரத்தில் வெயிலும், வெப்பமும் அதிகமாக இருப்பதால், காலை 10 மணி முதல் மாலை 3 மணி வரை உடற்பயிற்சிகளைச் செய்யாமல் இருப்பது நல்லது. கோடை காலத்தில் உடற்பயிற்சிகளைச் செய்வதற்கு தகுந்த நேரம் அதிகாலை ஆகும். அதிகாலையில் எழ முடியவில்லை என்றால், சூாியன் மறைந்த பின்பு உடற்பயிற்சிகளைச் செய்யலாம். வானிலை அறிவிப்பைத் தொிந்து கொண்டு, ஓசோன் படலம் மற்றும் காற்றில் அதிக மாசு இருந்தால், வீட்டிலிருந்தே உடற்பயிற்சிகளைச் செய்வது நல்லது.

தளா்வான மற்றும் மங்கலான வண்ண உடைகளை அணிவது நல்லது

அடர் நிற ஆடைகள் வெப்பத்தை உறிஞ்சும் தன்மை கொண்டவை. ஆனால் வண்ணம் அடா்த்தி குறைவான ஆடைகள் வெப்பத்தை உறிஞ்சாமல் வெளியே தள்ளிவிடும். மேலும் இறுக்கமான ஆடைகளை அணிந்தால், வெப்பம் நம்மை நேரடியாக தாக்கும். அதோடு நமக்கு அசெளகாியம் ஏற்படும். மூச்சு விடுவதிலும் சிரமம் ஏற்படும். ஆகவே தளா்வான ஆடைகளை அணிய வேண்டும். அப்போது காற்று நமது ஆடைகளுக்குள் மிக எளிதாகச் சென்று, நமது தோல் முழுவதும் பரவி நம்மை குளிா்ச்சியாக வைத்திருக்கும். வெளியில் சென்று உடற்பயிற்சி செய்யும் போது பருத்தி ஆடைகளை அணிந்தால் நன்றாக இருக்கும். ஏனெனில் பருத்தி ஆடைகள் வியா்வையை மிக எளிதாக உறிஞ்சிவிடும்.

சன்ஸ்கிரீனை பூசுவது நல்லது

கோடைக்காலமாக இருந்தாலும், குளிா்காலமாக இருந்தாலும், வானம் மேக மூட்டத்துடன் இருந்தாலும், வெளியில் உடற்பயிற்சிகளைச் செய்யும் போது சன்ஸ்கிரீனைப் பூசிக் கொள்வது நல்லது. அதாவது SPF 30 அல்லது அதற்கு அதிகமான அளவில் பூசிக் கொள்வது நல்லது. அது சூாிய கதிா்களின் வெப்பம் நமது தோலை நேரடியாக தாக்காமல் பாதுகாக்கும். அதோடு விரைவில் தோல் முதுமை அடையாமலும், தோலில் புற்றுநோய் ஏற்படாமலும் பாதுகாக்கும். சூாிய வெளிச்சத்தில் நீண்ட நேரம் இல்லாமல் இருப்பது நல்லது.

தண்ணீரை எடுத்துச் செல்வது

உடற்பயிற்சி செய்வதற்கு முன்பாக குறைந்தது 2 டம்ளா் தண்ணீா் குடிப்பது நல்லது. உடற்பயிற்சி செய்வதற்காகச் செல்லும் போது தண்ணீரையும் எடுத்துச் செல்வது நல்லது. உடற்பயிற்சிகளுக்கு இடையில் சிறிதளவு தண்ணீா் குடிப்பது நல்லது. உடற்பயிற்சி முடிந்த பின்பு அதிக அளவு தண்ணீா் அருந்த வேண்டும். அதோடு அதிகமான தாதுக்களைத் தரக்கூடிய பழங்கள் மற்றும் காய்கறிகளை உண்ண வேண்டும். அதே நேரத்தில் கலோாிகள் அதிகம் நிறைந்த விளையாட்டுக்கு ஊக்கம் தரும் பானங்கள் அருந்துவதைத் தவிா்க்க வேண்டும்.

உடலில் ஏற்படும் எச்சாிக்கை அறிகுறிகளைக் கவனிக்க வேண்டும்

மயக்கம் மற்றும் குமட்டல் வரும் அளவிற்கு உடற்பயிற்சிகளைச் செய்யக்கூடாது. உடற்பயிற்சியில் ஈடுபடும் போது நமது இதயத்துடிப்பு அதிவேகத்தில் இருந்தால் அல்லது மிதமான தலைவலி ஏற்பட்டால் அல்லது உடலில் பலவீனம் ஏற்பட்டால் அல்லது மயக்கம் வருவது போல் தொிந்தால் அல்லது தலைவலி அதிகாித்தால் அல்லது தசைப்பிடிப்பு ஏற்பட்டால் அல்லது வாந்தி ஏற்பட்டால், உடனே உடற்பயிற்சி செய்வதை நிறுத்த வேண்டும். பின் தளா்வாக அமா்ந்து, தண்ணீா் அருந்த வேண்டும். அதோடு சத்து நிறைந்த பழங்கள் மற்றும் திண்பண்டங்களை சாப்பிடலாம்.