ஸ்ட்ரெட்சிங் பயிற்சி செய்யும் போது பலரும் செய்யும் சில தவறுகள்!

வார்ம் அப் செய்யாமல் ஸ்ட்ரெட்சிங் பயிற்சி செய்யக்கூடாது

உடற்பயிற்சி செய்வதற்கு முன்னால் வார்ம் அப் செய்வதற்கான முக்கியத்துவம் பற்றி உங்களுக்குத் தெரியுமா? அது போலவே ஸ்ட்ரெட்சிங் பயிற்சி செய்வதற்கு முன்னர் வார்ம் அப் செய்வதும் மிக முக்கியத்துவம் வாய்ந்தது. வார்ம் அப் செய்வதால் ஸ்ட்ரெட்சிங் பயிற்சிக்கு தசைகள் தயாராகிறது, இரத்த ஓட்டம் அதிகரித்து, தசைகள் பயிற்சிக்கு ஏற்றதாக மாறுகிறது.

நேரடியாக ஸ்ட்ரெட்சிங் பயிற்சிக்கு இறங்குவதற்கு முன்னர் வேகமாக நடப்பது, அல்லது பின்னால் நடப்பது , ஜாகிங் செய்வது போன்ற வார்ம் அப் பயிற்சிகளை செய்யலாம். இதனால் தசைகள் லேசாகி , ஸ்ட்ரெட்சிங் பயிற்சியின் போது காயம் ஏற்படும் நிலை தவிர்க்கப்படுகிறது.

ஒழுங்கற்ற ஸ்ட்ரெட்சிங் பயிற்சி நுட்பத்தை பயிற்சி செய்ய வேண்டாம்

உங்களுக்கு எத்தனை வகை ஸ்ட்ரெட்சிங் பயிற்சி பற்றி தெரியும் ? பலரும் அறியாத விஷயம் என்னவென்றால் ஸ்ட்ரெட்சிங் பயிற்சி இரண்டு விதமாக செய்யப்படுகிறது. உடலின் கட்டுக்கோப்பிற்கு ஏற்ற வகையில் அபாயத்தை குறைக்கும் வகையில் இதன் வகைகள் பின்பற்றப்படுகின்றன. அந்த இரண்டு வகைகள் பற்றி இப்போது அறிந்து கொள்வோம்.

ஸ்டாடிக் ஸ்ட்ரெட்சிங் பயிற்சி:

ஒரு குறிப்பிட்ட தசையை அல்லது பகுதியை நீட்டிப்பதற்காக, அந்த பகுதி நீளும் வரை ஒரு அங்க நிலையில் இருப்பது ஸ்டாடிக் ஸ்ட்ரெட்சிங் பயிற்சியாகும். வேகமாக குணமடைவதற்கு இந்த பயிற்சி மிகவும் ஏற்றது. மேலும் தசைகள் சோர்வடைவதை இந்த பயிற்சி குறைக்கிறது. உடற்பயிற்சிக்கு பின் இந்த பயிற்சியை மேற்கொள்வது நல்லது.

டைனமிக் ஸ்ட்ரெட்சிங் பயிற்சி:

ஒரு குறிப்பிட்ட அங்க நிலையில் இல்லாமல் இயக்கத்தில் இருக்கும் போது பின்பற்றும் ஸ்ட்ரெட்சிங் பயிற்சி இதுவாகும். உங்கள் உடற்பயிற்சியின் போது சில வகை இயக்க நிலையுடன் தொடர்புடையது டைனமிக் ஸ்ட்ரெட்சிங் பயிற்சி. ஆகவே உடற்பயிற்சிக்கு முன் இந்த பயிற்சியை மேற்கொள்வதால் தசைகள் மற்றும் மூட்டுகள் பயிற்சிக்கு தயார் நிலையில் இருக்க உதவும்.

அதிகமாக நீட்டுவது

நீங்கள் எந்த அளவு வேண்டுமானாலும் ஒரு பகுதியை நீட்டிக்கலாம் என்று நினைத்தால் அது தவறு ! ஸ்ட்ரெட்சிங் பயிற்சி என்பது உடலை நெகிழ்த்துவதற்காக என்பதால் மக்கள் பொதுவாக உடலை அதிகம் நீட்டிக்க நினைக்கின்றனர். ஆனால் அதிக நீட்சி தசைகளை கிழித்து வலியை உண்டாக்கும். ஆகவே தசைகளை மென்மையாக கையாள்வது நல்லது. தசைகள் இறுக்கமாக இருப்பதாக நீங்கள் உணர்ந்தால், ஒரே பயிற்சியை மீண்டும் மீண்டும் முயற்சி செய்யலாம். ஆனால் உடலை ஒரு அளவிற்கு மேல் அழுத்தக் கூடாது. உங்கள் உடற்பயிற்சி நேரத்தை அதிகரிக்க விரும்பினால் அதன் சாதக பாதக நிலைகளை பற்றி ஆராய்ந்து கொள்வது நல்லது.

பவுன்சிங் பயிற்சி

ஸ்ட்ரெட்சிங் பயிற்சி செய்யும் போது பவுன்சிங் செய்வதால் தசைகள் இழுக்கப்படலாம். பொதுவாக பவுன்சிங் செய்யும் போது தசைகள் இறுக்கமடைகின்றன. காயத்தை தவிர்ப்பதற்காக இது நிகழ்கிறது. ஸ்ட்ரெட்சிங் பயிற்சியின் போது பவுன்சிங் செய்வதால் குழப்பமான இயக்கம் ஊக்குவிக்கப்பட்டு தசைகள் இழுக்கப்படுகின்றன. பவுன்சிங் செய்வதற்கு மாற்றாக டைனமிக் ஸ்ட்ரெட்சிங் பயிற்சியை முயற்சிக்கலாம்.

அடிக்கடி ஸ்ட்ரெட்சிங் பயிற்சி செய்யாமல் இருப்பது

தசைகளின் நெகிழ்வுத்திறனை மேம்படுத்தவும், மூட்டுகளின் இயக்கத்தை அதிகரிக்கவும் ஒவ்வொருவரும் ஸ்ட்ரெட்சிங் பயிற்சியை மேற்கொள்ளலாம். இன்னும் சொல்ல வேண்டுமானால் ஸ்ட்ரெட்சிங் பயிற்சி என்பது தசைகளுக்கு எண்ணெய் விடுவது போல, அவற்றை நெகிழ்வுடன் வைத்து இயக்கத்தில் இருக்க உதவும். ஸ்ட்ரெட்சிங் பயிற்சியை அடிக்கடி செய்யாமல் இருப்பதால் அசௌகரியம் மற்றும் இறுக்கம் ஏற்பட்டு அவ்வப்போது வலியை உண்டாக்கலாம். ஆகவே ஸ்ட்ரெட்சிங் பயிற்சி அவசியம் தேவை.

காயப்பட்ட தசைகளை நீட்டுவது

காயம் ஏற்பட்ட தசைகளை குணப்படுத்த ஸ்ட்ரெட்சிங் பயிற்சி உதவும் என்று நீங்கள் நம்புவதை கைவிடுங்கள். மாறாக, இது அந்த நிலையை மேலும் மோசமாக மாற்றும். காயம் ஏற்பட்ட தசைகளுக்கு ஓய்வு மிகவும் அவசியம். இதனால் தானாகவே அது சரியாகும்.

மேலே கூறியவை அனைத்தும் ஸ்ட்ரெட்சிங் பயிற்சி தொடர்பாக மக்கள் செய்யும் பொதுவான தவறுகள் ஆகும். இந்த தவறுகள் காரணமாக நீங்கள் நினைத்த விளைவுகளை அடைய முடியாமல் போகும். ஆகவே இந்த தவறுகளை குறித்துக் கொண்டு உங்கள் உடற்பயிற்சியில் இந்த தவறுகள் நடக்காமல் பார்த்துக் கொள்வதால் நீங்கள் நினைத்த விளைவுகளை உங்களால் அடைய முடியும்.