உண்மையில் பழங்கள் உடல் எடையை அதிகரிக்குமா அல்லது குறைக்குமா?

பழங்கள் மற்றும் உடல் எடை

அதே நேரத்தில் உடல் எடையை குறைக்க வேண்டும் என்று முயற்சி செய்பவர்கள், பழங்கள் சாப்பிட்டால் உடல் எடை அதிகரித்துவிடும் என்று நம்புகின்றனர். ஏனெனில் பழங்களில் இயற்கையாகவே சர்க்கரை இருக்கிறது. மேலும் பழங்கள் உடலுக்கு ஆரோக்கியத்தைத் தரும் என்பது அனைவரும் அறிந்த ஒன்று. ஏனெனில் பழங்களில் இருக்கும் வைட்டமின்கள், தாதுக்கள் மற்றும் ஆக்ஸிஜனேற்றிகள் இருக்கின்றன. அதனால் அவை உடலுக்கு சக்தியைத் தருகின்றன. அதே சமயம் பழங்கள் உடல் எடையை அதிகரித்துவிடுமோ என்றும் அவர்கள் அஞ்சுகின்றனர்.

பொதுவாக எல்லா பழங்களுமே இனிப்பாக இருக்கின்றன. அதற்கு காரணம் பழங்களில் இருக்கும் இயற்கையான சர்க்கரை (ஃப்ரூக்டோஸ்) ஆகும் (இனிமேல் இதை பழச்சர்க்கரை என்று இங்கு அழைக்கலாம்). அதோடு பழங்களில் செயற்கையான சர்க்கரையும் இருக்கின்றது. இவ்வாறு பழங்களில் சர்க்கரை இருப்பதால், அவற்றை சாப்பிடும் போது உடல் எடை அதிகரிக்குமா என்ற கேள்வி தானாகவே எழுகிறது.

பழச்சர்க்கரை உடல் எடையை அதிகரிக்குமா?

பல்லாயிரம் ஆண்டுகளாக மனிதர்கள் பழங்களை சாப்பிட்டு வருகின்றனர். அதற்கு காரணம் பழங்கள் உடலுக்கு ஆரோக்கியத்தையும், சக்தியையும் தரும் என்பதே. இந்நிலையில் பழங்களில் இருக்கும் பழச்சர்க்கரை உடல் எடையை அதிகரிக்க வைக்காதா என்ற கேள்வி எழுவது இயல்பே.

ஆனால் பழங்களில் உள்ள பழச்சர்க்கரை உடல் எடையை அதிகரிக்கச் செய்வதில்லை என்றே பல ஆய்வுகள் கூறுகின்றன. ஏனெனில் பழச்சர்க்கரைக்கும், செயற்கை சர்க்கரைக்கும் இடையே ஏராளமான வேறுபாடுகள் உள்ளன.

ஆய்வுகள் கூறுவது என்ன?

உடல் எடை அதிகரிப்பதற்கும், பழங்களில் இருக்கும் பழச்சர்க்கரைக்கும் இடையே உள்ள தொடர்பைப் பற்றி பல ஆய்வுகளை ஆராய்ச்சியாளர்கள் மேற்கொண்டிருக்கின்றனர். அவற்றில் ஒரு ஆய்வு, பழங்கள் உடல் எடையை அதிகரிப்பதில்லை, மாறாக உடல் எடையை குறைப்பதற்கு உதவி செய்கின்றன என்று கூறுகிறது. மேலும் பழங்களை அதிகமாக உண்பவர்கள் நல்ல உடல் தகுதியுடன், ஒல்லியாக மற்றும் அழகாக இருப்பதாகவும் அந்த ஆய்வு கூறுகிறது.

இந்த ஆய்வு முடிவுகள் மெட்டபாலிசம் என்ற பத்திரிக்கையில் வெளியிடப்பட்டன. இந்த ஆய்வுக்கு 107 குண்டான நபர்கள் தேர்ந்தெடுக்கப்பட்டு அவர்கள் 2 குழுக்களாகப் பிரிக்கப்பட்டனர். இதில் ஒரு குழுவினருக்கு பழத்திலிருந்து கிடைக்கும் பழச்சர்க்கரை 20 கிராம் தினமும் வழங்கப்பட்டது. அதே நேரத்தில் மற்ற குழுவினருக்கு 50 முதல் 70 கிராம் வரை தினமும் வழங்கப்பட்டது. இறுதியில் அதிகமாக பழச்சர்க்கரை உண்டவர்கள் மற்ற குறைவாக உண்டவர்களை விட 48 விழுக்காடு விரைவாக தங்கள் உடல் எடையைக் குறைத்ததாக அறிஞர்கள் கண்டறிந்தனர்.

பழச்சர்க்கரை உடல் எடையை அதிகரிக்காது - ஏன்?

பழச்சர்க்கரை உடல் எடையை அதிகரிப்பதில்லை. ஏனெனில் பழச்சர்க்கரையில் ஃபைபர் மற்றும் மக்னீசியம் ஆகியவை இருக்கின்றன. அவை உடல் எடை அதிகரிப்பதைத் தடுக்கின்றன.

பழங்களில் நார்ச்சத்து இருப்பதால், அவை செரிமானமாவதற்கு அதிக நேரம் தேவைப்படும். மேலும் பழங்களை செரிக்க வைப்பதற்கு உடல் அதிகமான சக்தியை செலவழிக்க வேண்டும். பழங்கள் சாப்பிடும் போது எவ்வளவு அதிமாக கலோரிகள் உடம்புக்கு கிடைக்கின்றதோ, அதே அளவிற்கு அந்த பழங்களை செரிக்க வைக்க உடம்பு அதிக கலோரிகளை செலவழிக்க வேண்டும். அவ்வாறு அதிகமான கலோரிகள் செலவாவதால் உடல் எடை அதிகரிப்பதில்லை.

மேலும் பழங்களில் நார்ச்சத்து இருப்பதால், அதில் உள்ள சர்க்கரை இரத்தத்தில் கலந்து மெதுவாக கரைந்து விடுகின்றது. அதனால் பழங்கள் இரத்தத்தில் உள்ள சர்க்கரையையும் அதிகரிப்பதில்லை, அதுபோல் உடல் பருமனையும் அதிகரிப்பதில்லை. எனவே இனிமேல் உடல் எடை அதிகரித்துவிடும் என்ற கவலை இல்லாமல் பழங்களை அனைவரும் சாப்பிடலாம்.