தீபாவளி பண்டிகையின் போது உங்கள் நுரையீரலை பாதுகாக்கணுமா? அப்ப இத செய்யுங்க...

குறிப்பு 1

வீட்டிற்குள் விளக்கு ஏற்றுவதைத் தவிர்ப்பதன் மூலம் வீட்டின் உட்புற காற்று மாசுபாட்டைத் தடுக்கலாம்.

குறிப்பு 2

எல்.ஈ.டி விளக்குகள், மாசு துகள்களை வெளியிடுவதில்லை என்பதால், அவற்றை ஒளி ஆதாரங்களாகப் பயன்படுத்தப்படலாம். சுற்றுச்சூழல் நட்பாக இருக்கக்கூடிய விளக்குகளை, உங்கள் வீடுகளை ஒளிரச் செய்ய பயன்படுத்தவும். இருப்பினும், அதிகப்படியான வெளிச்சம் சுற்றுச்சூழல் மாசுபாட்டிற்கும் வழிவகுக்கும் என்பதை மறவாதீர்கள்.

குறிப்பு 3

தீபாவளியுடன் தொடர்புடைய காற்று மாசுபாட்டைக் குறைக்க சிறந்த வழி, பசுமை பட்டாசுகள். அத்தகைய பட்டாசுக்ள இப்போது சந்தைகளில் கிடைக்கின்றன. அந்த பட்டாசுகள் காற்றில் உள்ள துகள்கள் மற்றும் தீங்கு விளைவிக்கும் வாயுக்களை 30 முதல் 40 சதவிகிதம் வரை குறைக்கின்றன.

குறிப்பு 4

பட்டாசு புகையால் ஏற்படும் மூச்சுத்திணறல் போன்றவற்றைத் தவிர்க்க, உங்கள் வீட்டின் கதவுகளை அடைத்து ஏசி பயன்படுத்துங்கள். இது மாசடைந்த காற்றை சுத்திகரித்து உள்ளே அனுமதிக்கும்.

குறிப்பு 5

மக்கள் அதிகமாக பட்டாசு வெடிக்கும் இடங்களுக்கு செல்வதைத் தவிர்க்கவும். அப்படியே செல்ல வேண்டிய சூழ்நிலை ஏற்பட்டால், வெளியே செல்லும் போது முக கவசம் அணிந்து செல்லுங்கள். அதுவும் நுரையீரலில் புகை நுழைவதைத் தடுக்கும் மாசு எதிர்ப்பு முக கவசங்களை தேர்ந்தெடுத்து பயன்படுத்துங்கள்.

குறிப்பு 6

இந்தியாவின் பெரிய நகரங்களில் மோசமான காற்றின் தரம் இருப்பதால், தற்போதைய சூழ்நிலையில் காற்று சுத்திகரிப்பு மிகவும் பயனுள்ளதாக இருக்கிறது. இந்த சாதனங்கள் உட்புற காற்றில் உள்ள மாசுகள், நச்சுகள் மற்றும் ஒவ்வாமைகளை நீக்குகின்றன.

குறிப்பு 7

உங்களுக்கு ஏற்கனவே ஏதேனும் சுவாசக் கோளாறு இருந்தால், உங்கள் அவசர கால மருந்துகள், நெபுலைசர்கள் மற்றும் பிற மருத்துவ உபகரணங்களை கையில் தயார் நிலையில் வைத்திருக்கவும். மேலும், உங்கள் மருந்துகளை தவறாமல் நேரத்திற்கு எடுத்துக் கொள்ளுங்கள்.

குறிப்பு 8

ஆஸ்துமா அல்லது சுவாச நோய்களால் பாதிக்கப்படுபவர்கள் எப்பொழுதும் இன்ஹேலரை உடன் எடுத்துச் செல்ல வேண்டும். கூடுதலாக, அவர்கள் நிறைய பழங்கள், காய்கறிகள் மற்றும் தண்ணீருடன் சத்தான உணவை உட்கொள்ள வேண்டும்.

குறிப்பு 9

தீபாவளி தினத்தன்று உடற்பயிற்சி செய்வதைத் தவிர்க்க வேண்டும். ஏனெனில், உடற்பயிற்சியின் போது ஆழமாக மூச்சை உள்ளிழுக்க வேண்டியிருக்கும். அன்றைய தினம் மாசடைந்த காற்று அதிகம் இருக்கும் என்பதால் நுரையீரல் தொற்று ஏற்பட வாய்ப்புள்ளது.

முக்கிய குறிப்பு

ஒருவேளை உங்களுக்கு தொடர் இருமல், மூச்சுத்திணறல் அல்லது சுவாசிப்பதில் சிரமம் போன்ற அறிகுறிகள் தென்பட்டால், சற்றும் தாமதிக்காமல் உடனடியாக மருத்துவரை அணுகுங்கள்.