ஆண்களை அதிகம் தாக்கும் முதுகெலும்பு அழற்சி பற்றி தெரிந்து கொள்ள வேண்டிய முக்கிய விஷயங்கள்!

முதுகெலும்பு அழற்சியின் ஆரம்ப கால அறிகுறிகள்:

* இடுப்பு மூட்டுப் பகுதிகளில் தீவிரமான வலி

* கழுத்து மற்றும் தோள்பட்டை விறைப்பு

ஒருவருக்கு இந்த அறிகுறிகள் நீடித்திருக்கும் போது, அவரது உற்பத்தித்திறன் வீழ்ச்சி அடையும் மற்றும் வேறு சில உளவியல் பிரச்சனைகளை ஏற்படுத்தும்.

காரணங்கள்:

முதுகெலும்பு அழற்சி ஒருவருக்கு ஏற்படுவதற்கான முக்கிய காரணங்களாவன:

* உடலுழைப்பு இல்லாத வாழ்க்கை முறை

* போதிய ஓய்வின்றி உழைப்பது

* அத்தியாவசிய ஊட்டச்சத்து குறைபாடுகள்

* உடற்பயிற்சி செய்யாமல் இருப்பது

ஸ்பாண்டிலிடிஸ் பிரச்சனை தீவிரமாகாமல் இருக்க வேண்டுமானால், மேலே கொடுக்கப்பட்டுள்ள விஷயங்களில் மாற்றங்களை உடனே கொண்டுவர வேண்டும். இதனால் இளமையிலேயே இப்பிரச்சனையை சரிசெய்து விட முடியும்.

மூட்டு மற்றும் தலை சம்பந்தப்பட்ட பிரச்சனைகளுக்கான இதர காரணங்கள்:

* நீண்ட நேரம் டிவி மற்றும் மற்ற எலக்ட்ரானிக் பொருட்களைப் பயன்படுத்துவது

* சரியான நேரத்தில் உணவு உண்ணாமல் இருப்பது

* உடல் பருமன்

* புகைப்பிடிப்பது

* மது அருந்துவது

* புகையிலைப் பொருட்களைப் பயன்படுத்துவது

மேலே கொடுக்கப்பட்டுள்ள பழக்கங்களில் உடனடி மாற்றத்தைக் கொண்டு வர வேண்டும். ஏனெனில் 16-30 வயது வரை நமது உடலின் நோயெதிர்ப்பு மண்டலத்தை சிறப்பாக பராமரித்து வந்தால், முதுமைக் காலத்தில் எப்பேற்பட்ட நோய்களின் தாக்கத்தையும் எதிர்த்துப் போராடும் சக்தி உடலுக்கு இருக்கும்.

ஸ்பாண்டிலிடிஸ் வருவதற்கான வேறு சில காரணிகள்:

* வெளிச்சம்

* உபகரணங்கள்/கருவிகளை வைத்துப் பயன்படுத்தும் இடம்

* தலையணை, குஷன் போன்றவற்றை பயன்படுத்தும் நிலைகள்.

இவைகளும் ஒருவரது மூட்டு இணைப்புக்களின் ஆரோக்கியத்தில் முக்கிய பங்கை வகிக்கின்றன.

ஊட்டச்சத்துக் குறைபாடுகள்:

இன்றைய தலைமுறையினர் டெக்னாலஜி மற்றும் வேலைகளால், ஆரோக்கியமான உணவுகளைத் தேர்ந்தெடுத்து சாப்பிட மறந்து விடுகின்றனர். பெரும்பாலானோர் ஊட்டச்சத்துக்களே இல்லாத ஜங்க் உணவுகளை சாப்பிடுகின்றனர். பொதுவாக ஸ்பாண்டிலிடிஸ் என்னும் முதுகெலும்பு அழற்சி ஊட்டச்சத்துக் குறைபாட்டினால் தாக்கக்கூடியவை. அந்த ஊட்டச்சத்துக் குறைபாடுகளாவன:

* வைட்டமின் டி

* வைட்டமின் பி12

* கால்சியம்

* புரோட்டீன்

இந்த ஊட்டச்சத்துக்களின் அளவு நம் உடலில் போதுமான அளவு நிறைந்துள்ளதா என்பதை ஒவ்வொருவரும் கண்காணிக்க வேண்டும். இல்லாவிட்டால், ஸ்பாண்டிலிடிஸ் தாக்கத்திற்கு உள்ளாகி, நாளடைவில் அசையவே முடியாத அளவில் ஒரே இடத்தில் இருக்க வேண்டிய நிலைக்கு தள்ளப்பட்டுவிடுவீர்கள். ஜாக்கிரதை!