நீங்க இதுல எப்படி 'i' எழுதுவீங்கன்னு சொல்லுங்க... உங்கள பத்தின ஒரு ரகசியத்தை சொல்றோம்...

கிராபாலஜி

நமது கையெழுத்து குறித்து ஆராயும் கல்விக்கு கிராபாலஜி என்று பெயராம். இது அன்றைய காலத்தில் பின்பற்றிய ஒரு கலை. இந்த கலையின் மூலம் ஒருவரின் கையெழுத்தை படித்தே அவரது குணாதிசயங்கள் மற்றும் எதிர்காலத்தை கணிக்க முடியும் என்கிறார்கள் கையெழுத்து வல்லுநர்கள். கிட்டத்தட்ட நம் கைரேகை ஜோதிடம் மாதிரி தான் நண்பர்களே.

நம் ஆழ்மனதில் எழும் கோபத்தை ஆற்ற நம் எழுத்து வடிவமைப்பை மாற்ற வேண்டும் என்கிறார் கிராபாலஜி ரிசர்ச் இன்ஸ்டிடியூட்டின் நிறுவனர் திரு வினித் பன்சோட் அவர்கள். எனவே கிராபாலஜி மூலம் கோபத்தைக் கட்டுப்படுத்த அவர் நமக்கு 5 விதமான வழிகளை இங்கே கூறியுள்ளார்.

டி கிராஸ்பார் (t crossbar)

நாம் போடும் t என்ற எழுத்தை வைத்தே நாம் கோபமான நபரா இல்லையா என்பதை கண்டறியலாம் என்கிறது கிராபாலாஜி. நீங்கள் போடும் t யின் நடுவே உள்ள கோடு வலதுபுறத்தில் அமைந்து இருந்தால் அவருக்கு கோபம் அதிகமாக வருமாம். எனவே உங்க கோபத்தை கட்டுப்படுத்த நினைப்பவர்கள் t யை சரியான முறையில் போட பயிற்சி செய்யலாம். இதன் மூலம் உங்க கோபத்தை குறைக்க முடியும் என்கிறது எழுத்து ஆய்வுகள்.

எழுத்துகளில் பயன்படுத்தும் கொக்கிகள்

அதே மாதிரி ஒரு எழுத்துக்களை எழுதுவதற்கு முன்பாக அதில் போடப்படும் கொக்கிகளும் ஒருவருக்கு ஆழ்மன கோபங்களை காட்டுகிறது. எனவே எழுதும் போது பழக்கமான இந்த கொக்கிகளை சரி செய்வதன் மூலம் உங்க கோபங்களை கட்டுப்படுத்தலாம்.

i மற்றும் j யில் வைக்கப்படும் புள்ளிகள்

அதே மாதிரி ஒருவர் i மற்றும் j யில் வைக்கப்படும் புள்ளிகள் அழுத்தமாகவும் கனமாகவும் இருந்தால் அவர் கோபப்படும் நபராக இருப்பாராம். எனவே அப்படி அழுத்தமாக வைப்பதை தவிர்த்து ஒரு எளிய லேசான புள்ளியை வைக்க பழகுவதன் மூலம் உங்க கோபத்தை கட்டுப்படுத்தலாம் என்கிறது கிராபாலாஜி.

கையெழுத்து போடும் போது முழுப்பெயரையும் இடுவது

முழுமையான பெயரை எழுதுவது, குடும்ப பெயருடன் முழுப்பெயரையும் எழுதுவது, இன்ஷியல் தெளிவாக தெரியும் படி எழுதுவது நம் ஆழ்மன பண்புகளை திட்டமிட உதவுகிறது. இதன் மூலம் தலைமை பண்புகளையும் வெளிப்புற பண்புகளையும் வளர்த்துக் கொள்ள முடியுமாம்.

அடிப்படை கையொப்பம்

கையொப்பம் இடும் போது எழுத்துகள் ஏறு முகமாக இருக்க வேண்டுமாம். மேலும் போடுகின்ற கையெழுத்து தெளிவாகவும் இருக்க வேண்டுமாம். இதன் மூலம் ஆழ்மன திட்டமிடல் தெளிவாகவும் துல்லியமாகவும் அமையுமாம். இதன் மூலம் உங்களுக்கு கோபம் வராமல் பார்த்துக் கொள்ள முடியும்.

கோபத்தால் ஏற்படும் விளைவுகள்

கோபம் என்பது அனைவருக்கும் வரும் தீவிர உள்ளார்ந்த உணர்ச்சி. ஆனால் இதை கட்டுப்படுத்த முடியாமல் பல நேரங்களில் சிக்கலை ஏற்படுத்தி விடுகிறோம். அடிக்கடி கோபப்படுபவர்களை யாருக்கும் பிடிக்காது, உங்களுடன் உறவில் இருக்க எல்லாரும் யோசிப்பார்கள். எனவே உங்க கோபத்தை கட்டுப்படுத்துவது என்பது மிகவும் முக்கியமான ஒன்று. அதற்கு உங்கள் கையெழுத்து உதவுகிறது என்றால் தேவைப்படும் மாற்றங்களை செய்யுங்கள். உங்க கோபமும் குறையும் உறவும் கூடி வரும்.