ஃபில்டர் காபி நல்லதா கெட்டதா? படிச்சு தெரிஞ்சுக்கோங்க...

உண்மை #1

காபியை எவ்வளவு வடிகட்டினாலும், அதில் உள்ள டெர்பெனாய்டுகள் நீங்காமல் அப்படியே இருக்கும். இந்த பொருள் தான் இதய நோய் வருவதற்கான அபாயத்தை அதிகரிக்கக் கூடியது.

உண்மை #2

கொலஸ்ட்ரால் பிரச்சனை உள்ளவர்கள், காபி குடிக்கும் பழக்கத்தை முற்றிலும் தவிர்க்க வேண்டும் என ஆய்வுகள் கூறுகிறது. காபி குடிப்பதை நிறுத்தும் போது, அது உடலில் கொலஸ்ட்ரால் மற்றும் ஹோமோசிஸ்டைன்களின் அளவையும் குறைக்கும்.

உண்மை #3

உணவு உட்கொண்டதும் காபி குடிக்கும் பழக்கம் இருந்தால், அதனால் உணவிலிருந்து பெறப்படும் வைட்டமின்கள் மற்றும் கனிமச்சத்துக்களை உறிஞ்சும் தன்மை குறையும். அதிலும் ஏற்கனவே ஊட்டச்சத்து குறைபாடு உள்ளவர்களுக்கு இப்பழக்கம் இருந்தால், உடனே இப்பழக்கத்தை கைவிட வேண்டும். இல்லாவிட்டால் நிலைமை மோசமாகும்.

உண்மை #4

காஃப்பைன் என்னும் உட்பொருள், உடலால் கால்சியத்தை உறிஞ்ச முடியாமல் தடுக்கும். மேலும் காபியை அதிகமாக குடித்தால், அது உடலில் உள்ள கால்சியத்தை சிறுநீரில் வழியே வெளியேற்றிவிடும். ஆகவே காபியை அளவாக குடிப்பதோடு, கால்சியம் நிறைந்த உணவுப் பொருட்களை உட்கொண்ட பின் குடிப்பத்தைத் தவிர்க்க வேண்டும்.

உண்மை #5

அனைத்து வகையான காபியும், உடலால் ஜிங்க் சத்து உறிஞ்சப்படுவதைத் தடுக்கும். ஒருவேளை நீங்கள் நட்ஸ், பீன்ஸ், கோழி, இறைச்சி அல்லது கடல் சிப்பி போன்ற உணவுகளை உட்கொண்டால், சில மணிநேரத்திற்கு காபி குடிக்காதீர்கள். இல்லாவிட்டால், உடலில் இருந்து ஜிங்க் வெளியேற்றப்படும்.

உண்மை #6

காபி வைட்டமின் உறிஞ்சுதலில் இடையூறை ஏற்படுத்தி, வைட்டமின் குறைபாட்டை உண்டாக்கும். ஆகவே காபியை அதிகம் குடிக்காதீர்கள்.

உண்மை #7

காபி இரும்புச்சத்து உறிஞ்சுதலையும் பாதிக்கும். எனவே காபி குடிக்கும் முன், கொண்டைக்கடலை, பருப்பு வகைகள், நட்ஸ், பட்டாணி போன்றவற்றை சாப்பிடாதீர்கள். முடிந்த அளவு காபியில் இருந்து விலகியே இருங்கள்.